1 SAMUELA 12:20 - Khumi Common Language Bible

²⁰ Samuela my, “Nangchi ly hina nai hawi y nai kalop sa lawh teu i py, Areng ai khai u su moh; mymy aipaleung hawi verei chiu u.

1 SAMUELA 12:20 ပူးပေါင်းရင်းမြစ်များ

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 101:3

Hawi y naira ai ly mana khala py kham pi ai ny y. Tameuh ai nithun thun vui nai khumichi i sa nai saichi ai, kai ly mei angai y; kai ly hunichi hawi ati sai py, amtawn abi y ai.

SAM 125:5

Na i py khumi aso y naichi ai pajeng nai khala y, nang i lam khai su nai khumichi ai py kamngo pajeng ba. Israela chengchi ly tlamsa naira ngo u sy!

SAM 40:4

Tameuh takhrachi ai ahihawi y, teng y nai tameuhchi ai chiu y naimy, Areng ai ym nai khumi ly taham hawi.

THEU NAI 23:25

Nangchi ly nangchi i Tameuh, kai Areng ai chiu khyh baly, kai ly nangchi ai teicha teinei amtheaung hai iy noso aho hai ai.

THEU NAI 32:30

Kani pa-nyh y Mosi my Israela chengchi teng y, “Nangchi ly khri pa-rei kamngo sa tamang u bo. Vai, kai ly Areng awm nai mawi salo y lyn kalau ai; nangchi i kamngo lawira nga ai nai takeng pi ai i, nga tan nga lym ai,” napi.

JEREMIA 3:1

Areng my, “Khumi leaungrei ly my i aju ai akhai vui nai khala y, huni neampachy ly ni teng i nai theu iy, takhra neampacho leaungrei hawi yhmtheaung sa bo. Huna nai khala y angchei i juvo ly my i aju kangngym ai lo ali teang ngau y. La ali teang lawh teu baly, huni pri ly khri pa-rei amso ngai naira lawm ai. Na i py Israela awi, nang ly tavawi neangneang khawn iy, vai kai teng y ali teang ai nai ngai lawh ly!

HAKAI 2:5

Aikupta pri i dengdairei nangchi vawi u nai khala y, kai ly nangchi hawi vanrei awm jo ai, nanai adeu nai kamta, vai khrairei nangchi hawi vanrei kai awm; hunai deaungkho y jei u moh.

Leu Thui Nai 10:12

“Aw Israela chengchi awi, nangchi i Areng Tameuh i kangaichi tangai u: Areng ai chiu u ly mymy i leu pei nai bawibawichi phai tangai u. Areng ai paleung hawi verei tamen iy mymy i kalop so u;

Leu Thui Nai 11:16

Nangchi ly Areng ai khai su iy tameuh takhrachi chiu u y ai nai dawn u.

Leu Thui Nai 31:29

Kai dei nai bo y hini khumichi ly khumi hawi y naichi lawm u ai i, kaimy patiu pi nai ngiereichi khai su ai, nanai kai kapany. Vai mo mang y nichi ly Areng my paka nai hawi y naichi sa u nai deaungkho y, kado theu hai ai i, nichi ly ka-jeira avum u ai,” napi.

JOSUA 23:6

Hunai deaungkho y nangchi ly Mosi i reita cha-iu theung y awm nai reitachi ai ati sai py takhawi y naimy kry patawm ai nai atyp u.

I PETERA 3:16

hawi nai hawi y nai pany naira chai parai nai awm u ly, hunaibaly nichi i ang thui tamawn naira y ly nangchi i Krista y amhi amtlau nai sai kahawi ai thui tamawn nai keungchi ai ly amthang hai leaung ai.

1 SAMUELA 12:19

Naibaly nichi my Samuela teng y, “Areng awi, kaichi dei y ai nai nang i Areng Tameuh teng y, kaichi i vui chiu so pi kyh ba; kaichi ly samrang hnei nai deaungkho y, kamngo tleaung y kamngo kasa u ra lawh bo,” napi u.