1 SAMUELA 12:13 - Khumi Common Language Bible

¹³ Nangchi my vawi takhra nai samrang ly vai, nangchi i mo y awm bo; nangchi hnei nai kamta Areng ly ni ai samrang y palyn pi bo.

1 SAMUELA 12:13 ပူးပေါင်းရင်းမြစ်များ

HOSEA 13:11

Kai ly kado theu naimy nangchi teng y samrangchi pei pi bo. Kai ly kado katheu hawimy, huni samrangchi ai la teang vui bo.

AMTAW 13:21

Naibaly hunai bo y nichi ly samrang hnei u i, Tameuh my saneng vui palyhrei sala y Sawla, Kisa i chapo. Benjamin cheng i khumi ai ly mymychi teng y khai pi.

1 SAMUELA 10:24

Samuela my khumichi teng y, “Areng my vawi takhra nai ly hini khumi ne he! achi theung y ni hawi atawm nai khumi leaungrei py by y,” napi. Khumi bawibawichi my py, “Samrang ly heng sau sy!” nanai aeu u bo.

1 SAMUELA 11:15

Naibaly nichi bawibawi ly Kilakala mary mang y chei u i, meingtym kachaira y, Sawla ly samrang ne, nanai aeu naimy tahm pasang u bo. Nichi ly amkawm nai kapathypra talam u; naibaly Sawla hawi Israela cheng bawibawichi ly amo theu nai pawi sa u bo.

1 SAMUELA 12:17

Vai i neng ly jengha nai kanipui ne. Na i py kaimy chiu sa baly, Areng ly kani pajyh hai iy, kani nai hai ai. Huna nai khala y samrang ai nangchi hnei u lawh nai kamngo ly mana tanrei len na mo, nanai nangchi pany u ai.

1 SAMUELA 12:19

Naibaly nichi my Samuela teng y, “Areng awi, kaichi dei y ai nai nang i Areng Tameuh teng y, kaichi i vui chiu so pi kyh ba; kaichi ly samrang hnei nai deaungkho y, kamngo tleaung y kamngo kasa u ra lawh bo,” napi u.

1 SAMUELA 8:5

Naibaly nichi my ni teng y, “Khen cham, nang ly miteaung cheang bo; nang i chapochi ly nang i sa nai kamta so u y lawh. Hunai deaungkho y kaichi ai peang ai nai samrang khai pi; naibaly pri takhrachi kamta, kaichi py samrang awm teang ai,” napi.

1 SAMUELA 9:20

Kani thomrei tama jo nai keaungngo kano kasauchi i vui y ly nang paleung bi moh. Hunichi ai ly niu angchi yb nai teu mang. Na i py Israela chengchi kadeaung keh nai khumi ly ami nai mo? nang hawi nang i ngampo yhm dengtheungchi ny y lawh a?,” napi.