1 SAMUELA 12:11 - Khumi Common Language Bible

¹¹ Hunai deaungkho y Areng ly Kideon, Barak, huni bo y Jephetha, kangkhym y ly kai ai ang pato nai ne. Kaichi bawibawi ly nangchi ai paleung ka-echi kiu i atleu pi nai deaungkho y, nangchi ly tlamsa naimy awm u nai ne.

1 SAMUELA 12:11 ပူးပေါင်းရင်းမြစ်များ

2 ARENG KEH 13:5

Areng ly Israela chengchi ai Suria chengchi kiu i nai atleu pi ai nai khumi amthawn hai bo. Hunaibaly Israela chengchi ly vaichi khala i kamta, tlamsa naimy awm ai nai nga u nai ne.

1 NENG SATANG 7:17

Ulam ly Bedan napi nai chapo leaungrei awm. Hini khumichi ly Makhira i chapo, Manase i katu Kilead i kangpreangchi ne.

TARA CHIH NAI KEUNGCHI 4:6

Kanirei nai khala ni ly Naphtali khu ka-peang, Kedesh mary dengdairei Abinoam i chapo Barak ai palau iy, Israela chengchi i Areng Tameuh my, ‘Nang ly Naphtali nupai hawi Zebulon nupai theung i khumi leaung meaung kateaungreichi ai palau iy, Tabor mawi mang y chei ai nai tla.

TARA CHIH NAI KEUNGCHI 6:14

Hunaibaly Areng my, “Nangmy i atho haiho pui hawi chei iy, Midian chengchi teng i nai Israela chengchi ai atleu ba. Kaimy nang ai kang pato nai bo,” napi.

TARA CHIH NAI KEUNGCHI 6:31

Na i py Joasa ly mymy teng jeu nai khumi bawibawichi teng y, “Nangchi ly Bala mang y asa u nai a? Ni i vui ama hai u nai a? Ni mang y asa nai khumi ngiereichi ly kanithun y naimy dei u ai. Ni ly tameuh tatang ne lawh baly amymy ai amo hai na sy. Taphra naira avum nai ly ni i maicham ne,” napi

TARA CHIH NAI KEUNGCHI 6:32

Huni neng dengdairei Kideon ly Jerubala, nanai amyn nga bo. Ati mana nai mo nabaly Joasa my, “Bala ly amymy ai amo hai sy; taphra naira avum nai ly ni i maicham ne,” nanai thui nai deaungkho y ne.

TARA CHIH NAI KEUNGCHI 7:1

Kanirei nai khala Kideon hawi my i khumi bawibawichi ly khawn angthodyh ang thau iy, Harod micheaung peang y tai u bo. Midian chengchi i tai nai ly nichi i tosyh ngan Moreh mawi sahawi i leaunghawi theung y ne.

TARA CHIH NAI KEUNGCHI 8:29

Kideon ly my i yhm y vawi ali teang i hu y awm bo.

TARA CHIH NAI KEUNGCHI 8:35

Nichi ly Israela chengchi i vui Kideon my sa pi nai hawi nairachi hawi, ni i yhm dengtheungchi tlang tleaung y, kawn ai nai pany u y bo.

1 SAMUELA 3:20

Hunaibaly Samuela ly Areng i amo ne khyp nai satang, pri katem y khrairei awm nai Israela chengchi pany u bo.

1 SAMUELA 7:13

Hunai deaungkho y Philistia chengchi ly tavai sum u bo. Areng ly nichi ai Samuela heng nai ryrei ly Israela chengchi i khu ka-peang theung y kun ai nai pei y.