1 SAMUELA 12:10 - Khumi Common Language Bible

¹⁰ Naibaly nichi ly sabawmra nga ai nai Areng ai palau u i,’ Kaichi ly kamngo sa tamang u bo; Areng ai khai su iy Bala tameuh hawi Asatare tameuh nu i mynchi ai chiu u. Kaichi ai paleung ka-echi kiu i nai atleu pi kyh ba; kaichi ly nang ai kang chiu u ai!,’ nanai takeng u bo.

1 SAMUELA 12:10 ပူးပေါင်းရင်းမြစ်များ

SAM 106:44

Na i py nichi aeu u nai khala y Areng ly thai i, nichi i ngari kamtang py pahen pi bo.

ISAIA 26:16

Aw Areng, nang ly nangmy i khumichi ai pajeng nai deaungkho y, nichi ly khri pa-rei paleung bi naimy, nang teng y chiu sa u nai ne.

ISAIA 33:22

Huni paleaung, samphochi i alika teang hawi vuinawnchi ly asu vui i, alika py kadai ai nai ngo y lawh ly! Paleung ka-e tavaimichi teng i vawnsaichi lawm u ai. Huni vawnsaichi ly nawi parai nai deaungkho y, kheu kangbaichi malawn py mychi i vui phy nga u ai. Areng mymy kypkyp py, achi i samrang lawm ai. Mymy ly achi ai peang iy ama hai ai.

JOSUA 13:31

Kilead pri ka-hyhrei hawi, Oka samrang my peang nai Bashan pri i mary puichi napi nai, Asataroth mary hawi Edrei marychi py abawi. Hunichi abawi nai khu ka-peang ly Manase i chapo Makhira i yhm dengtheung ka-hyhreichi i vui phy ne.

TARA CHIH NAI KEUNGCHI 10:10

Huna nai khala Israela chengchi ly Areng ai vo naimy kadeaung u i, “Kaichi ly nang i tlang tleaung y tamang u bo; kaimychi i Tameuh ai khai su iy, Bala tameuhchi ai kachiu u lawh bo,” nanai ahui u.

TARA CHIH NAI KEUNGCHI 2:11

Huna nai khala Israela chengchi ly Areng i tlang tleaung y kamngo sa u i, Bala tameuhchi ai chiu u.

TARA CHIH NAI KEUNGCHI 2:13

Nichi ly Areng ai chiu nai kalop khai su iy, Bala tameuhchi hawi Asatare tameuhchi ai chiu u bo.

TARA CHIH NAI KEUNGCHI 3:15

Naibaly Israela chengchi ly Areng ai vo naimy kadeaung u i, mymy ly nichi ai atleu ai nai khumi leaungrei ai pato pi. Huni khumi ly Benjamin cheng theaung, Kera i chapo langvawimi Ehu ne. Israela chengchi ly Ehu ai, Moba samrang Ekalon teng y langseaungchi hawi pato u bo.

TARA CHIH NAI KEUNGCHI 3:7

Israela chengchi ly mychi i Areng Tameuh ai tami u veng bo; mymy i tlang tleaung y tamang u i, Bala tameuh hawi Aser tameuhchi ai chiu u.

TARA CHIH NAI KEUNGCHI 3:9

Naibaly Israela chengchi ly Areng ai kadeaung u i, mymy ly nichi ai atleu ai nai, khumi leaungrei ai pato pi bo. Huni khumi ly Kaleb i amnau Kena i chapo Othniela ne.

TARA CHIH NAI KEUNGCHI 4:3

Samrang Jabin teng y tamo ka-ri chungvai takawrei awm; ni ly Israela chengchi ai saneng apomrei khrukhra hai iy, ana pumpi naimy peang bo. Huna nai khala Israela chengchi ly kasabawmra nga ai nai vo naimy, Areng ai kadeaung u nai ne.

TARA CHIH NAI KEUNGCHI 6:7

Hunaibaly Israela chengchi ly Midian chengchi my tiu naira i nai, kasabawmra nga ai nai Areng teng y aeu iy takeng u bo.

1 SAMUELA 7:2

Areng i Leu Maikawm Pawm ly Kiria Jearim mary y saneng apomrei kamta, kra parai naimy awm. Huna nai neng khala y Israela chengchi ly sabawmra nga ai nai Areng ai kadeaung u nai ne.

1 SAMUELA 7:6

Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)