1 SAMUELA 10:1 - Khumi Common Language Bible

¹ Naibaly Samuela ly Olive asitui adym sa iy, Sawla i lu y lei chum baly ni ai pachawm naimy, “Areng ly nang ai mymy i khumi Israela chengchi i samrang y khai takhra pi bo; nang ly mymy i khumichi ai peang iy, paleung ka-echi my ana naira i nai, ama ha ai nai tla ai. Areng ly nang ai mymy i khumichi ai peang nai keung lawm hai iy khai takhra pi bo, nanai ka-ma-ra ly hini ne.

1 SAMUELA 10:1 ပူးပေါင်းရင်းမြစ်များ

2 SAMUELA 1:14

Naibaly Davida my, “Nang ly ati mana nai Areng my khai takhra nai samrang ai padei vam mo?,” napi.

2 SAMUELA 19:39

Naibaly Davida hawi ni i khumi bawibawichi ly Jordan tavo angpeang u. Samrang ly Bazilai ai pachawm iy, amtheaung hai bo. Naibaly Bazilai ly yhm y vawi bo.

2 SAMUELA 20:19

Kaichi i mary ly nang parai nai mary, Israela pri tlamsa ai nai ngai keh, ka-ym awm keh nai mary ne. Nang ly hini mary taphra ai nai ati mana nai atho sa lawh mo? Areng my peang nai ai nang ly phra hai ai nai ngai lawh a?” nanai deng.

2 SAMUELA 5:2

Vaichi khala Sawla samrang lawm nai thym khala y, nang ly Israela cheng theaung bawibawichi ai lu sa iy, tavai thau nai ne. Areng my py ‘Nang ly kai i khumichi ai lu sa iy, nichi ai peang ai nai tla ai’ nanai nang ai leu ang pei bo,” napi u.

1 ARENG KEH 1:34

Huni meingtym y Zadok hawi Nathan nini my ni ai, Israela samrang lawm ai nai asitui leih pi hawi sy. Naibaly baw eng iy, ‘Samrang Solomon heng sau sy!’ nanai aeu u.

1 ARENG KEH 19:18

Na i py kai ai ka-ym awm iy bala ai lu meung y nai, ni i myn y pachawm y nai khumi leaung 7000 reichi ai Israela pri y daw pi ai,” napi.

2 ARENG KEH 20:5

kai Areng i khumichi ai peang nai Hezekia teng y ali teang ly ni teng y, “Nang i amsi pajo Davida i Tameuh, kai Areng ly nang i chiu sa nai thai i, nang i meikatui py niu bo. Kai ly nang i no nai hawi hai ai i, nang ly kani thomrei bo baly Achura yhm y chei pajau ai.

2 ARENG KEH 9:1

Hina nai thym khala y amo Elisa ly amo thawndeang leaungrei ai palau i ni teng y, “Nang ly Kilead pri Ramoth mary mang y chei ai nai angveirym ba. Hini olive asitui py syn jo.

2 ARENG KEH 9:12

Huni khumichi my, “Kaichi pany y! Ni i thui nai leu kaichi pany ai nai ngai!” napi. Jehu my, “Huni khumi ly kai ai, ‘nang ai Israela samrang lawm ai nai Areng my khai takhra bo,’ nanai ang thui pi,” napi.

SAM 135:4

Mymy ly Jakob ai mymy i vui hawi Israela chengchi ai, mymy i peang nai lawn ai nai py vawi takhra bo.

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

SAM 78:71

Israela chengchi i samrang Tameuh i khumichi ai kry nai beram typ keung y khai takhra bo.

THEU NAI 30:23

“Mura hang sie holai palyhrei, sinamon mui katui sie saryhrei, lawitheng sie saryhrei;

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

Ezekiela 16:13

Nang ly muku tangkachi ateaung iy, kanih mai ka-syn ateaung, kaseaung pau mawi thun nai ateaung hawi, vang kateng ateaung alangchi ateaung jojo ai nai nga bo. Nang ly hawi keh nai tako dei hawi sa nai tako, khawi hang hawi olive asitui cha ai nai nga bo. Nang i mo-cha hawi nai ly sadipa-la nanai y, nang ly samrangnu lawm bo.

HOSEA 13:2

Nichi ly tau cheng nai khumichi i kasabawm hawi, tangka mynchi chiu iy kamngo sa ra sa ra nai ne. Naibaly nichi my, “Hini mynchi teng y apathyp u!” nanai thui u. Khumi ly huni si katai mynchi ai pachawm ai nai avo na a!

AMTAW 13:21

Naibaly hunai bo y nichi ly samrang hnei u i, Tameuh my saneng vui palyhrei sala y Sawla, Kisa i chapo. Benjamin cheng i khumi ai ly mymychi teng y khai pi.

Leu Thui Nai 32:9

Na i py Jakob i kangpreangchi ai, mymy i vui y vawi takhra bo.

I THESALONIKA 5:26

Amjo amnau bawibawichi ai ly apachawm nai kachai y kawn u.

HEBRAI 2:10

Ati mana nai mo nabaly ni i vui y ati cheaungkhang awm nai hawi, ni i saho y ati cheaungkhang awm teang nai keung i vui ly, chanau neangneangchi ai nang parai naira y hawi ai nai, nichi i heng naira sa pi nai keung ai ly patang nairachi deaungkho y angym hai ai nai avo parai.

AMTENG HAI NAI 5:8

Naibaly cha-iu aeang la phai la baly, heng nai amjy palyhrei hawi, miteaung keh apom phai palyhreichi ly taro hawi pakhyh nai rimui kawi nai muku khau py syn bawibawi naimy, Beram Cho i mo y ly kheukhudi iy meung u bo; huni rimui ly khumi kachaichi i chiu sa nairachi ne.

1 SAMUELA 12:3

Vai, kaimy awm nai thym khala y, sa tamang nai kamngo saisairei awm lawh teu baly, Areng i mo y py, mymy khai takhra pi nai samrang i mo y py, nangchi ly kai ai neng hai iy thui pi u; kai ly ami i si kala vui nai awm mo? Ami i keaungngo kano kasau ai, teng y naimy kala vui lawh mo? Kai ly khumi leaungrei ai li-tapawp nai mo, ana nai mo kasa vai a? unchi kala vai a? hina nai saisairei kasa nai awm lawh baly, kai ly hunichi kape teang ai,” napi.

1 SAMUELA 13:14

Na i py vai nang ly samrang deung sau y leang bo; nang ly nangmy i Areng Tameuh my leu pei nai akhi vui lawh bo i, mymy ly my i khumichi ai peang hai ai nai, my i paleung kangai hawi avum nai khumi ai khai ai,” napi.

1 SAMUELA 15:1

Samuela ly Sawla teng y, “Areng ly mymy i khumi Israela chengchi i samrang lawm ai nai molam, nang ai asitui lei ai nai kai ai pato nai ne. Hunai deaungkho y, ati cheaungkhang sa thai nai Areng i leu pei naichi tangai ba.

1 SAMUELA 15:17

Samuela my, “Nang ly nangmy ai ati sai py ny y nai khumi, nanai apalawn i py, nang ly Israela chengchi ai lu sa nai keung lawm bo. Areng ly nang ai Israela chengchi i samrang lawm ai nai asitui ang lei pi bo.

1 SAMUELA 16:1

Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.

1 SAMUELA 16:13

Samuela ly Olive asitui la iy, Davida ai amjo amnauchi i mo y asitui leih pi. Huni kani dengdairei Areng i phailo ly Davida teng y tym. Naibaly Samuela ly Ramah mary y vawi ali teang bo.

1 SAMUELA 2:10

Areng i paleung ka-echi ly tama naira avum ai; nichi i tlang tleaung y kani pajyh hai ai. Areng ly khaileaung pri verei y tara chih ai; mymy ly mymy i vawi takhra nai samrang ai sa thai naira angym hai iy, mymy i khai takhra nai khumi ai eaung naira pei ai,” nanai thui bo.

1 SAMUELA 24:6

Hunai deaungkho y mymy i khumichi teng y, “Areng my khai takhra nai samrang, kai i yhmkeung ai dei ai nai pa-rei so y ai nai, Areng my kai ai paka sy! Samrang ly Areng my khai takhra nai samrang ne nai deaungkho y, kai ly ni i tlang tleaung y ka-jeira maidenreichy py, tym hai ai nai avo y!,” napi.

1 SAMUELA 26:11

Areng my khai takhra nai samrang ai padei y ai nai, kai ai Areng my paka na sy. Ani ly samrang i tivi hawi tui adym la iy, theu hawi sina,” napi.

1 SAMUELA 26:9

Na i py Davida my, “Nang ly samrang ai padei ai nai avo y! Areng ly mymy i khai takhra nai samrang ai padei nai khumi ai ly pajeng takengkei ai.

1 SAMUELA 8:19

Khumichi my Samuela i thui pi nai ly dawndan pi y; na i py nichi my, “Huna ny y leang! kaichi ly samrang ngai;

1 SAMUELA 8:9

Hunai deaungkho y nichi i thui nai leu tangai pi; na i py samrang my peang nai khala y, samrang i reita tanynchi thui pi iy hawihai palai dawn hai patyp,” nanai leu pei.

1 SAMUELA 9:16

“Khawndam hini neng y Benjamin cheng theaung theung i khumi leaungrei ai, nang teng y kang pato ai; huni khumi ai Israela chengchi i samrang y khai takhra ba; ni ly kai i khumichi ai Philistia chengchi my ana naira i nai ama hai ai; kai ly kaimy i khumichi ngari patang nai kaniu bo; nichi ai sabawm ai nai palau nai raawi py kathai bo,” napi.

1 SAMUELA 9:27

Nini ly mary katem mang y tym nai khala, Samuela my Sawla teng y, “Nang i miseaung ai ani mo y tako man ai nai leu pei,” napi. Miseaung ly tako man bo. Huna nai khala y Samuela my, “Hi y tanareichy anawn rai, Tameuh i leu pei nai kang thui pi ai,” napi.