1 SAMUELA 1:11 - Khumi Common Language Bible

¹¹ Hannah my, “Ati cheaungkhang sa thai nai Areng, nang i miseaung kai ai khen kyh; nang ly kai i patang nai sai pany pi kyh! kai ai tami mo kyh ba! Nang ly nang i miseaungnu teng y chapo pei ai nabaly, ni ai heng nai ryrei nang teng y kang-au ai; ni i sam mana khala py vau hai y ai,” nanai vaineng abeu naimy adeu bo.

1 SAMUELA 1:11 ပူးပေါင်းရင်းမြစ်များ

ATITI AWM ANGCHEI NAI 28:20

Naibaly Jakob ly Areng teng y, “Nang ly kai hawi vanrei awm hai ly kai chei naira tleirei y kry jojo ai; teicha teineichi py, ateaungchi py kai ai pei iy,

ATITI AWM ANGCHEI NAI 29:32

Leah ly deaungdi aniu i chapo tapen. Mymy ly “Areng my kai i patang nai ang niu i, vai ly kai ai py kai i juvo my tamen teang ai,” nanai thui i, huni chapo ai Ruben, nanai amyn pathi bo.

ATITI AWM ANGCHEI NAI 30:22

Naibaly Tameuh my Rakeli ai pany pi nai deaungkho y, ni i chiu sa nai pathang pi i, deaungdi sa ai nai ka-vo dawn pi bo.

ATITI AWM ANGCHEI NAI 8:1

Tameuh my paleaung pui theung y awm nai, Nova hawi amso mawichi ai pany jo nai ne; mymy ly ali aho hai i tui ly kang dudu bo.

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

SAM 25:18

Kai i avum nai rai nairachi hawi patang nairachi pany pi iy, kai i kamngochi pahen pi kyh ba.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

LEU KACHENG 31:2

“Nang ly kai i khrei nai chapo, kaimy chiu sa iy nga nai chapo ne. Kai ly nang ai ati kang thui ai mo?

Parip nai leu 5:4

Nang ly leu neangneang katheu baly leu hawi y naichi katheu lawh ai. Hunai deaungkho y nang ly Tameuh teng y sai sairei leu adeu lawh baly, adeu nai kamta sa kaliki ai nai tla. Khumi ka-khum ly Tameuh i vui teaung ai nai ngo y leang. Nang ly nangmy i leu adeu nai kamta so ba.

Kati Nai 21:2

Naibaly Israela chengchi my Areng teng y, “Nang ly kaichi ai hini khumichi ai tiu nai pajau hai baly, nichi hawi nichi i marychi ai nang teng y au be nai katalamra palawn iy, taphra chauchau ai mang,” nanai vaineng abeu u nai ne.

Kati Nai 6:11

Ni ly tlaiveu hawi abi iy chai y vui nai molam y, pathyp pi nai keung ly ni i vui kachai sa pi ai nai, tavo harei ai kamngo pachai ai nai katalamra, vai harei nai ly leng patlum nai kapathypra talam ai nai tla. Huni kani y ni i sam ly Areng teng y aau patyp bi ai nai tla.

Kati Nai 6:5

Ni ly naziri kamkawm khumi lawm ai nai leu atau nai sala ryrei ly sam atakip ai nai tlo y, avau vui ai nai py tlo y; ni ly Areng teng y aau yb nai leu atau nai ryrei ly sam hawi labeaung mui avau ai nai tlo y.

Kati Nai 6:8

Ni ly naziri kamkawm khumi lawm nai ryrei ly Areng teng y aau nai khumi ne.

TARA CHIH NAI KEUNGCHI 11:30

Jephetha ly Areng teng y, hina nai kamta vaineng adeu bo. “Nang ly kai ai Ammon chengchi i tlang tleaung y tavai eaung hai ai nabaly,

TARA CHIH NAI KEUNGCHI 13:5

Nang ly chapo tapen chum baly ni i sam mana khala py, vau pi vui moh. Ati mana nai mo nabaly, huni deaungdi ly tapen khyp khala i dengdairei Nazarikamkawm lawm i, Tameuh teng y au yb nai khumi ne nai deaungkho y ne. Ni ly Israela chengchi ai, Philistia chengchi kiu i nai atleu nai amteaung ai,” napi.

1 SAMUELA 1:12

Hannah ly Areng teng y kra parai pa-rei chiu sa; naibaly Eli ly ni i labeaungteng ai khen patawm nai ne.

1 SAMUELA 1:19

Naibaly khawn mang y Elakana hawi yhm dengtheungchi ly khawn angthodyh ang thau iy Areng ai chiu pajau baly, nichi ly Ramah mary mychi i yhm y vawi u teang bo. Elakana ly my i aju Hannah hawi i ahawi i, Areng ly Hannah i chiu sa nai pathang pi bo.

1 SAMUELA 1:22

Na i py hini tlenrei nai ly Hannah abang y nai ne; ni ly juvo teng y, “Kai ly deaungdi kanu-li phai li baly, ni ai Areng i yhm y awm hai jo ai nai, kaimy kahawi ai,” napi.

1 SAMUELA 1:27

Kai ly Areng teng y hini deaungdi ai kahnei nai ne; kahnei nai kamta mymy ly ang pei bo.

1 SAMUELA 1:28

Hunaibaly kai ly hini deaungdi ai Areng teng y talam nai ne; ni heng nai sala ryrei ly Areng teng y kaau bo,” napi. Naibaly nichi ly Areng ai chiu u bo.

1 SAMUELA 2:20

Huna nai khala Eli ly Elakana hawi aju ai amtheaung hai iy, Elakana teng y, “Areng teng y talam nai chapo i jeng y, mymy ly nang ai hini neampachy i dengdairei, takhra cho chanauchi pei sy,” nanai thui pi reng. Hunaibaly nini ly myni i yhm y vawi hawi teang bo.