1 NENG SATANG 9:31 - Khumi Common Language Bible

³¹ Korah theaung ra i Shalum i chapo Matithia napi nai Levi theaung khumi ly takochi mai hawi paawp nai katalamrachi sa.

1 NENG SATANG 9:31 ပူးပေါင်းရင်းမြစ်များ

ATITI AWM ANGCHEI NAI 19:3

Lota my takeng veangveang i kangkhym y nini ly yhm y kun hawi bo. Lota my miseaungchi teng y tako phyrei paawp ai nai leu pei i, angvyn i vui sawn pi. Naibaly nini ly cha hawi bo.

1 NENG SATANG 23:29

Nichi ly Tameuh teng y talam nai tako, katalamra tako dei, angbo abawi y nai tako phichi, mai hawi paawp nai katalamrachi, asitui hawi katlen nai takodeichi sa naira y lu sa nai ne. Nichi ly Achura yhm theung y katalamrachi neh naira py abawi ai tla.

1 NENG SATANG 9:17

Jerusalem mary y awm nai Achura yhm tamcheaung risachi ly Shalum, Akub, Talamon hawi Ahimanchi ne. Shalum ly nichi i lu ne.

1 NENG SATANG 9:19

Areng i Tabynako ai amsi pajochi my kry nai kamta, Ebiasap i katu, Kore i chapo Shalum ly my i cheng theaungchi napi nai Korah i nupaichi hawi vanrei, Areng i Tai pa-kho typ u nai ne.

1 NENG SATANG 9:22

Kun nai pa-kho hawi katheu pa-khochi ai typ ai nai vawi takhra nai khumichi ly leaung 212 rei awm. Huni khumichi ly mymychi i awm nai avangchi ra y amyn kup nai ne. Nichi i amsi pajochi ai hina nai kalopchi pei nai keung ly samrang Davida hawi amo Samuela ne.

1 NENG SATANG 9:26

Katheu pa-kho tamcheaung lu leaung palyhreichi ly Levi theaung ne i, kalop hawihai palai sa ai nai tla. Achura yhm theung i takunchi hawi, hunira khai nai vawnsaichi ai py kry ai nai tla.

Levi 2:5

Tamo laawm pangdaira taheang nai tako talam ai na baly, huni tako ly angbo abawi y nai tako deira y olive asitui katlen nai tako dei ne ai nai tla.

Levi 2:7

Laawmra taheang nai tako hawi talam ai na baly, olive asitui hawi katlen nai tako dei hawi sa ai nai tla.

Levi 6:14

Hinichi ly teicha teinei talam ai nai i vui y reita leu pei naichi ne. Aron i kangpreang pathyp pi nai keung ly maicham mo y Areng teng y teicha teinei talam ai nai tla.

Levi 6:21

Tako dei ly asitui hawi katlen iy tamo laawm pangdaira taheang ai nai tla; naibaly huni tako ai kanawi piu iy teicha teinei talam nai kamta, Areng teng y talam ai nai tla. Huni katalamra i mui kahawi ai ly Areng my kawn pi nai ne.