1 NENG SATANG 9:2 - Khumi Common Language Bible

² Mymychi amsi pajochi i saleaung khuteng ra y tym angchei nai khumichi theung y, Israela cheng amlawn naichi, pathyp pi nai keungchi, Levi theaungchi hawi Achura yhm y kalop sa nai khumichi abawi nai ne.

1 NENG SATANG 9:2 ပူးပေါင်းရင်းမြစ်များ

EZARA 2:1

Pri pala nai chochi ly Jerusalem mary hawi Juda pri, mymychi i saleaung khuteng mang y vawi ai nai Babulon pri i dengdairei theu u bo. Nichi yhm dengtheung bawibawichi ly samrang Nebukhadnezar my langheng hawi nai dengdairei Babulon pri y awm u jo naichi ne.

EZARA 2:43

Pri palara i vawi ali teang iy Achura yhm y kalop sa nai nupaichi ly: Ziha, Hasupha, Tabaoth, Keros, Siaha, Padon, Lebanah, Hakaba, Akub, Hakaba, Shamlai, Hanan, Kidela, Kaha, Reaiah, Rezin, Nekoda, Kazam. Uz, Paseah, Besai, Asnah, Meunim, Nephisim, Bakabu, Hakupha, Harahu, Bazalu, Mehida, Harasha, Barakos, Sisera, Temah, Neziah hawi Hatiphachi ne.

EZARA 2:58

Pri palara i vawi ali teang nai Solomon i miseaungchi hawi Achura yhm y kalop sa naichi i katu chanau bawibawichi ly leaung 392 reichi ne.

EZARA 2:70

Pathyp pi nai keungchi, Levi theaungchi hawi khumi phyreichi ly Jerusalem mary, ti y baly huni mary sahawi y awm u. Katyn kapau beu naichi, Achura yhm tamcheaung typ nai risachi hawi Achura yhm y kalop sa naichi ly tengpang i marychira y awm u nai ne. Huni bo i Israela chengchi ly mymychi i amsi pajochi awm reng nai marychi mang y chei iy awm u bo.

EZARA 8:20

Hunaibaly Levi theaungchi ai sabawm ai nai samrang Davida hawi ni i bangtangchi my pasym pi yb nai Achura yhm y kalop amsi nai leaung 220 reichi py abawi nai ne. Nichi bawibawichi i amyn cha-iu theung y tajiu typ bo.

NEHEMIA 10:29

Mosi dengdairei Tameuh my pei nai Reita leu tangai ai. Kaichi ai Areng my pei nai leu bawibawichi tangai ai. Nang i Reita leuchi hawi dawn hai nai bawibawichi tangai ai. Hini adeu nai leu ai taphra lawh baly vaineng lawi kalei sy.

NEHEMIA 11:1

Lu sa naichi ly Jerusalem mary y awm u; takhra khumichi ly yhm dengtheung horei y deaung deaungrei, Jerusalem mary kachaira y hawi, huni bo i khumichi ly takhra mary katheang kalenchira y py, awm hai ai nai tambe va u bo.

NEHEMIA 7:60

Pri palara i vawi teang nai theung i Achura yhm y kalop sa naichi hawi Solomon i miseaungchi dengdairei angpreng nai khumi vuikanai ly 392 rei awm nai ne.

NEHEMIA 7:73

Pathyp pi nai keungchi, Levi theaungchi, Achura yhm tamcheaung typ nai risachi, katyn kapau beu kawp naichi, mipui neangneangchi, Achura yhm y kalop sa nai khumichi, napi nai Israela cheng bawibawichi ly mary katheang kalenchira y khuteng chah u nai ne.