1 NENG SATANG 9:1 - Khumi Common Language Bible

¹ Israela mipui bawibawichi ai yhm dengtheungchi ka-thui vuikanai la nai ly Israela samrangchi i cha-iu theung y tajiu pi typ bo. Juda mipuichi ly mymychi i kamngo molam, Babulon pri mang y pri pala nai avum u nai ne.

1 NENG SATANG 9:1 ပူးပေါင်းရင်းမြစ်များ

1 ARENG KEH 14:19

Samrang Jeroboam i sa nai cheaungkhangchi, tavai atiu naichi hawi pri peang nai saichi py, Israela samrangchi i razavang cha-iu theung y tajiu typ nai ne.

2 ARENG KEH 24:14

Nebukhadnezar ly Jerusalem mary i khumichi, samrang i cho chanauchi hawi lu sa nai keung ngiereichi, khumi bawibawi leaung 10,000reichi ai patiu iy langheng hawi nai ne. Ni ly khumi kamawn kateuchi ai naini Juda pri y daw su iy, tami thip kawp naichi hawi kalop kawp keh naichi ai ly hawi pawn bo.

2 ARENG KEH 24:15

Nebukhadnezar ly Jehojakhin hawi vanrei amhm ai py, ajuchi ai py, bangtangchi ai py, Juda chengchi ai lu sa nai keungchi ai py, Babulon pri mang y hawi pawn nai ne.

2 ARENG KEH 24:16

Nebukhadnezar ly aly len nai khumi bawibawi leaung 7,000reichi ai Babulon pri mang y hawi nai ne. Huni bo y tamo thip kawp naichi hawi kalop kawp nai khumi leaung 1,000reichi ai py hawi nai ne. Hunichi bawibawi ly tlang atho awm iy, tavaimi kalop sa pajau naichi ne.

1 NENG SATANG 8:40

Ulam i chapochi ly atiu kawp keh nai risachi hawi thailiho teaung kawp naichi ne. Ni i katu chanauchi leaung 150 rei awm. Salo mang i khumi bawibawichi ly Benjamin theaungchi ne.

2 NENG SATANG 33:11

Hunai deaungkho y Areng ly Asuria tavaimi kamkawm hawi tavai luchi ai, Juda pri y kun ai nai pei bo. Nichi ly Manase ai patiu i tamo leangkhawn hawi ve iy, sengkry hawi pakheng naimy Babulon mary mang y hawi jo nai ne.

EZARA 2:1

Pri pala nai chochi ly Jerusalem mary hawi Juda pri, mymychi i saleaung khuteng mang y vawi ai nai Babulon pri i dengdairei theu u bo. Nichi yhm dengtheung bawibawichi ly samrang Nebukhadnezar my langheng hawi nai dengdairei Babulon pri y awm u jo naichi ne.

EZARA 2:59

Tel Melah, Tel Hasha, Kheru, Adan hawi Immera marychi ra i dengdai theu u nai Delaiah, Tobiah hawi Nekoda nupaichi ly leaung 652 reichi ne. Na i py nichi ly Israela cheng theung i kangpreangchi ne, nanai mymychi naimy thui khyp pajau y.

NEHEMIA 11:1

Lu sa naichi ly Jerusalem mary y awm u; takhra khumichi ly yhm dengtheung horei y deaung deaungrei, Jerusalem mary kachaira y hawi, huni bo i khumichi ly takhra mary katheang kalenchira y py, awm hai ai nai tambe va u bo.

NEHEMIA 7:5

Mipuichi, nichi i luchi hawi peang nai keungchi ai angym hai iy, yhmdeaung charangchi la ai nai Tameuh my kai i paleung y pacheang bo. Naibaly langheng hawi nai khumichi theung i, vawi ali manme nai khumi charangchi hina nai kamta kaniu nai ne.

ISAIA 3:2

Nichi i khumi soraichi hawi tavaimichi, tara chih nai keungchi hawi amo, leung sarachi hawi sa ai avo nai khumichi,

JEREMIA 13:19

Tokalawi mang i Juda marychi ai katanmeuh pawn veng bo. Nichi teng y ami py chei pajau y. Juda khumi bawibawichi ai patiu iy, pri pala naira avum u bo,” napi.

JEREMIA 39:9

Kangkhym y tavailu areng Nebuzaradan ly mary theung y awm rai nai khumichi ai, mymy teng y preang u naichi hawi vanrei langheng palawn iy, Babulon mary y hawi vui nai ne.

DANIELA 1:2

Areng ly Nebukhadnezar teng y samrang Jojakim ai patiu ai nai hawi, Achura yhm i yhmtheaung ateaung phyrei ai, la pi pawn ai nai pei. Nebukhadnezar ly langheng hawi naichi ai, Babulon pri y awm nai my i tameuh yhm mang y hawi iy, la pi vui nai yhmtheaung ateaungchi ai, my i tameuh ai chiu nai yhm i vawn khai nai meingtymra y khai bo.