1 NENG SATANG 5:8 - Khumi Common Language Bible

⁸ Belachi ne. Bela ly Aza i chapo Shem i katu ne iy, Joela i nupai ne. Huni nupai ly Aroe mary ra py, huni mary tosyh ngan mang i Nebo mary, Balamon marychi ra khrairei awm nai khu ka-peang ra py awm u nai ne.

1 NENG SATANG 5:8 ပူးပေါင်းရင်းမြစ်များ

1 NENG SATANG 5:4

Hini ly deung kang thau tleirei, Joela i kangpreangchi ne. Shemaiah, Koka, Shimei, Mikha, Reaiah, Bala hawi Berachi ne. Asuria pri y peang nai empara samrang Tiklath Pilesa ly cheng theaung lu Bera ai patiu iy pri pala vui bo.

ISAIA 15:2

Dibon mary i khumichi ly myn chiu nai meingtymra y chei u iy, vo tangam ai nai mawi saleung y lyn u. Moba pri i khumichi py Nebo mary hawi Medeba mary i vui paleung si nai deaungkho y vo hang u nai ne. Nichi ly paleung si nai ka-ma-ra sam hawi labeaung muichi vau pawn.

ISAIA 17:2

Suria mary ly khumi angso savai tlang jojo nai mary lawm ai. Huni marychi ly beramchi hawi si, painochi i vui sui tlai naira lawm ai. Huni tawnbawichi ai paryh pawn ai nai khumi awm ai ny y.

Ezekiela 25:9

kai ly huni pri i apu parai nai Beth Jeshimoth mary, Bala Meon mary, Kiriatham marychi raurei, khujyhra i amtangra marychi py paleung ka-echi ai tiu hai ai.

Kati Nai 32:34

Kad theaungchi ly Dibon mary, Ataroth mary, Aroer mary,

Kati Nai 32:38

Nebo mary, Bala Meon mary (Huni ly amyn palai vui bo) hawi Sibmah marychi ai palum u teang bo. Nichi i palum teang nai marychi ai amyn kangtha pathi u teang nai ne.

Leu Thui Nai 32:49

“Jeriko mary kangka Moba pri i Abarim mawichi mang y chei iy, Nebo mawi y lyn kalau; huni mawi salo mang dengdairei Israela chengchi teng y kaimy pei ai nai Kanan pri khen angdeang.

Leu Thui Nai 34:1

Naibaly Mosi ly Moba angdym i dengdairei, Jeriko mary nisi mang i Nebo mawi, Piska mawi saleung y lyn kalau bo. Huni meingtym y Areng ly tosyh mang i Dan mary khrairei kau nai Kilead khu ka-peang,

JOSUA 12:2

Nichi ly samrang leaungnyhrei ai pajau veng bo. Samrang leaungrei nai ly Hesabon mary ai peang nai Amori samrang Sihon ne. Ni i pri y (Arnon tavo leaunghawi sahawi i) Arraw mary hawi, huni tavo leaunghawi sahawi y awm nai mary dengdairei, Amori khu ka-peang Jabbok tavo ryrei kau nai Kilead pri ka-hyhrei abawi nai ne.

JOSUA 13:17

Hesabon mary hawi mawi ka-sang salo y awm nai marychi napi nai Dibon mary, Bamoth Bala mary, Beth Balameon mary,