1 NENG SATANG 5:26 - Khumi Common Language Bible

²⁶ Hunai deaungkho y mymy ly (Tiklath Pilesa, nanai py amyn nga nai) Asuria pri empara samrang Pula ai, mychi i pri y kun hai bo. Mymy ly Ruben theaung, Kad theaung hawi nisi mang manase theaungchi ai pri pala iy, Hela, Habo hawi Hara khuchi ra py, Kozan tavo sahawi y py, khuteng sa iy awm hai nai ne.

1 NENG SATANG 5:26 ပူးပေါင်းရင်းမြစ်များ

2 SAMUELA 24:1

Huni bo y Areng ly Israela chengchi tlang tleaung y kado theu nai deaungkho y, nichi ai pajeng ai nai molam, Davida ai kamngo sa hai. Areng my Davida teng y, “Chei ly Israela hawi Juda pri y khumi vuikanai lo.” napi.

2 ARENG KEH 15:19

Asuria empara samrang Tiklath Pilesa ly Israela pri theung y kun iy tavai tiu bo. Huna nai khala Menahem ly mymy i sa thai naira khaw jo ai nai molam y, tangka chang sie 552,50rei hawi meimai sa.

2 ARENG KEH 15:29

Samrang Pekah my peang nai thym khala, Asuria empara samrang Tiklath Pilesa ly Ijon mary, Abelbet Maaka mary, Janoah mary, Kedesh mary, Hazo mary hawi Kilead pri, Kalili hawi Naphtali prichi ai peang vui iy, khumichi ai py Asuria pri mang y langheng y hawi pawn nai ne.

2 ARENG KEH 16:7

Samrang Ahaz ly Asuria empara samrang Tiklath Pilesa teng y, “Kai ly nang i ka-ym awm nai miseaung ne. Kaichi ai tiu nai Suria samrang hawi Israela samrang teng i nai atleu pi kyh ba,” nanai cha tajiu iy savaichi pato.

2 ARENG KEH 17:6

Hosea my peang nai saneng takawrei nai khala y, Asuria empara samrang ly Samari mary ai peang vui iy, Israela chengchi ai Asuria pri mang y langheng hawi vui bo. Hunichi theung i phyreichi ai ly Halah mary theung y khai; phyreichi ai ly Kozan ka-peang Habor tavo sahawi y khai, phyreichi ai ly Media pri i marychira y khai nai ne.

2 ARENG KEH 18:11

Asuria empara samrang ly Israela chengchi ai langheng hawi iy, phyreichi ai ly Halah maryra py, phyreichi ai ly Kozan ka-peang Habor tavo sahawira py, phyreichi ai ly Media pri i marychi ra py awm hai nai ne.

2 ARENG KEH 19:12

Kai i amsi pajochi ly Kozan mary, Haran mary hawi Rezeph marychi ai taphra iy, Telasar mary y awm nai Betheden chengchi ai tamyh pawn. Huni khumichi i tameuhchi theung y, mani tameuh py nichi ai atleu pajau y.

1 NENG SATANG 5:22

Hini tavai ly Tameuh i kangai ne nai deaungkho y, paleung ka-echi neangneang dei. Naibaly Israela chengchi ly pri palara avum nai neng tym y nai ryrei ly huni pri y awm u jo bo.

1 NENG SATANG 9:1

Israela mipui bawibawichi ai yhm dengtheungchi ka-thui vuikanai la nai ly Israela samrangchi i cha-iu theung y tajiu pi typ bo. Juda mipuichi ly mymychi i kamngo molam, Babulon pri mang y pri pala nai avum u nai ne.

2 NENG SATANG 28:20

Hunaibaly Asuria empara Tiklah Pilesa ly Ahazi ai sabawm ai nai tleaung y ly ka-awi sa iy rai naira tym hai.

2 NENG SATANG 30:6

Samrang hawi miteaung kehchi i leu pei nai kamta, savaichi ly palau nai chachi syn u iy, Juda pri hawi Israela pri verei y chei u bo. Palau nai cha ra y, “Aw Israela chengchi awi, nangchi ly Asuria samrang kiu i tleaung nai dei kamthomchi ne. Abraham, Isaka, Jakobchi i Areng Tameuh teng y ali u teang jau; mymy py nangchi teng y ang jeu teang ai mang.

2 NENG SATANG 33:11

Hunai deaungkho y Areng ly Asuria tavaimi kamkawm hawi tavai luchi ai, Juda pri y kun ai nai pei bo. Nichi ly Manase ai patiu i tamo leangkhawn hawi ve iy, sengkry hawi pakheng naimy Babulon mary mang y hawi jo nai ne.

EZARA 1:5

Huna nai khala Juda hawi Benjamin cheng nupaichi ai lu sa naichi, pathyp pi nai keungchi, Levi theaungchi hawi Tameuh teng y paleung apei nai khumi bawibawichi ly Jerusalem mary y chei u iy, Areng Tameuh i Achura yhm sa palum teang ai nai angvei u rym bo.

ISAIA 37:12

Kai i amsi pajochi ly Kozan mary, Haran mary hawi Rezeph marychi ai taphra iy, Telasar mary y awm nai Betheden chengchi ai tamyh pawn nai ne. Nichi i tameuhchi theung i mani tameuh my py, nichi ai atleu pajau y.

ISAIA 37:18

Aw Areng, Asuria empara samrangchi ly khumi cheng cheaungkhangchi ai tamyh iy, nichi i prichi ai khumi angso savai tlang hai bo.