1 NENG SATANG 3:1 - Khumi Common Language Bible

^1-3 Samrang Davida ly Hebron mary y awm nai thym khala nga nai chapochi i amyn ka-thui thui pi ai na baly: Jezarela mary i Ahinoam my tapen nai Amanon, Karamela mary i Abikaila my tapen nai Daniela, Keshura samrang Talamai i chaniu Maaka my tapen nai Abasalom, Haki my tapen nai chapo Adonijah, Abitala my tapen nai chapo Shephatiah, Ekala my tapen nai chapo Ithaream.

1 NENG SATANG 3:1 ပူးပေါင်းရင်းမြစ်များ

2 SAMUELA 13:1

Davida i chapo Abasalom ly amyn Tamar napi nai, mo-cha kahawi tuicho awm. Davida i chapo Amanon ly huni tuicho ai khri pa-rei khrei.

2 SAMUELA 13:29

Miseaungchi ly Abasalom my leu pei nai kamta, Amanon ai padei u bo. Hunaibaly Davida i takhra chapo bawibawichi ly mymychi i keaungngo kano kasau atang u iy preang u nai ne.

2 SAMUELA 3:1

Samrang Sawla ai sabawm naichi hawi, Davida ai sabawm naichi ly kra parai naimy tavai atiu u nai ne. Davida ly atho awmryh awmryh iy, my i paleung ka-echi ly atho diryh diryh bo.

2 SAMUELA 5:13

Davida ly Hebron mary dengdairei Jerusalem mary y ang pyn nai bo y, samrang nu ai kry naichi hawi, aju neangneang la bi i, cho chanauchi nga bi nai ne.

1 NENG SATANG 2:55

(Charang khai patyp naichi ai tapeang naira y khri pa-rei kawp nai Tirathit, Shimathit hawi Sukathit cheng theaungchi ly Jabe mary y awm u. Huni khumichi ly Rekhab chengchi hawi vui ala nai Kenizi chengchi ne.)

1 NENG SATANG 28:5

Mymy ly kai ai chapochi thawn hai iy, huni chapochi theung i Solomon ai Areng i pri napi nai Israela pri peang ai nai vawi takhra bo.

JOSUA 15:56

Jezarela mary, Jokadem mary, Zanoah mary,

1 SAMUELA 27:3

Davida hawi my i khumichi ly mymychi i yhm dengtheungchi hawi vanrei, kath mary y khuteng pala u bo. Davida hawi vanrei mymy i aju leaung nyhrei, Jezarela mary i Ahinoam hawi Karamela mary Nabala i aju lumai Abikaila nini py abawi nai ne.