1 NENG SATANG 29:22 - Khumi Common Language Bible

²² Hunai deaungkho y huni kani Areng i mo y cha nei u i, amo theu u bo. Nichi my Solomon ly samrang ne, nanai tlen pa-nyh satang thai hai bi bo. Ni ai mymychi i samrang ne, nanai py, Zadok ly pathyp pi nai keung ne, nanai py, Areng i amyn y asitui leng pi u nai ne.

1 NENG SATANG 29:22 ပူးပေါင်းရင်းမြစ်များ

1 ARENG KEH 1:31

Bathaseba ly lu meung naimy, “Kai i areng, kai i samrang ly heng sau sy!” nanai thui.

1 ARENG KEH 1:33

samrang my nichi teng y, “Kai i bangtangchi ai palau u ly kai i chapo Solomon ai kai i keaungngo kano kasau tleaung y atang hai iy, Kihon micheaung mang y pahawi u.

1 ARENG KEH 2:35

Naibaly samrang ly Benaja ai Juaba i meingtym, tavailu areng ra y khai iy, pathyp pi nai keung Zadok ai py, Abiatha i meingtym y khai nai ne.

1 NENG SATANG 12:40

Kamlora i Isakhar, Zebulon, Naphtali theaungchi napi nai tosyh mang i khumichi ly tako dei, thaidu athai, kreip hang hawi olive asituichi keaungngo kano kasauchi, kula-iuchi, keaungngo kaneaung kasauchi, sichi tleaung y tang iy syn u bo. Nichi ly tleh iy cha u ai nai sichi hawi beramchi py, syn u nai ne. Hina nai leaungsai bawibawichi hawi, pri verei y awm nai Israela chengchi i amo theu nai sai amteng hai nai ne.

1 NENG SATANG 23:1

Davida ly khri pa-rei miteaung cheang nai khala y, chapo Solomon ai Israelachi i samrang y palyn nai ne.

2 NENG SATANG 7:10

Saryh lo, kani 23 rei kani y Solomon ly mipuichi ai yhm mang y vawi hai bo. Areng ly mymy i khumi Israela chengchi, samrang Davida hawi samrang Solomon teng y amtheaung hai nai deaungkho y, khumichi ly amo theu naimy vawi u nai ne.

NEHEMIA 8:12

Hunai deaungkho y khumi bawibawichi ly thai nai Reita leu pany thai nai y, amymy i yhm y vawi u i, amo theu parai naimy cha nei u iy, takhra khumichi ai paji pi sei nai ne.

THEU NAI 18:12

Naibaly Tameuh teng y talam ai nai, Jethro ly bom leng patlum nai apathypra hawi takhra apathyprachi py syn; naibaly Aron hawi, Israela miteaung keh bawibawichi ly Jethro hawi vanrei, Areng i mo y cha nei ai nai chei u bo.

THEU NAI 24:11

Tameuh my Israela cheng lu sa naichi ai patangra avum hai y, nichi ly Tameuh ai niu u chum baly vanrei cha nei ahawi u bo.

Parip nai leu 2:24

Khumi leaungrei i sa ai hawi keh nai kalop ly cha naimy, nei naimy amy i haura i nga nai yhmtheaung katui amtym ai nai ne. Na i py huna nai kamta awm ai nga nai py Tameuh i saho y nga nai ne, nanai kapany bo.

Parip nai leu 8:15

Hunai deaungkho y khumi ly amo theu naimy awm ai nai avo, nanai kapany vau bo. Ati mana nai mo nabaly hini heng nai deung y ni i vui amo theu naira ly cha nai, nei nai hawi amo theu naimy awm naichi naini ne. Ni ly hini khaileaung pri y Tameuh my pei nai heng nai ryrei atho sa naimy awm nai ly thui tlam ai nabaly huna nai cha nei amo theu naimy awm pajau nai ne.

Parip nai leu 9:7

Huna nai y nang ly nangmy i teicha teinei cha iy amo theu naimy awm ba; nangmy i kreip hang nei iy amo theu naimy awm ba; nang i atiti sa naichi ai Tameuh my kawn nai ne.

Ezekiela 46:10

Samrang ly khumichi kun nai khala kun iy, nichi theu nai khala theu ai nai tla.

Leu Thui Nai 12:7

Nangchi i Areng Tameuh ly nangchi ai amtheaung hai nai deaungkho y, nangchi kalop sa iy nga nai teicha teineichi ai nangchi hawi vanrei, nangmychi i yhm dengtheungchi ly huni meingtym mymy i mo y amo theu parai naimy cha u ai nai tla.