1 NENG SATANG 29:20 - Khumi Common Language Bible

²⁰ Hunaibaly Davida ly khumichi teng y, “Nangchi i Areng Tameuh ai palo u!,” nanai leu pei bo. Huna nai khala khumi mipuichi ly mymychi amsi pajochi i Tameuh napi nai Areng ai palo u. Nichi ly Areng i mo y hawi, mymychi i samrang mo y lu meung u nai ne.

1 NENG SATANG 29:20 ပူးပေါင်းရင်းမြစ်များ

ATITI AWM ANGCHEI NAI 24:26

Naibaly huni khumi ly kheukhu di naimy Areng ai chiu bo.

ATITI AWM ANGCHEI NAI 24:48

Naibaly kai ly kheukhu di naimy Areng teng chiu kasa. Kai i yhmkeung Abraham i chapo i vui aju awm nai amjo amnauchi teng y kai ai pahawi nai keung, kai i yhmkeung i Areng Tameuh ai kapalo nai ne.

1 ARENG KEH 8:15

Naibaly samrang my, Israela chengchi i Areng Tameuh ai ly palo u! Mymy ly kai i ampo Davida hawi leu adeu nai khaw hai bo. Mymy ly

1 NENG SATANG 16:36

Israela chengchi i Areng Tameuh ai palo u! Mymy ai ly vai py, deungtasarei py palo u! Huna nai khala khumi bawibawichi ly “Amen,” nanai thui iy Areng ai palo u nai ne.

2 NENG SATANG 20:21

Samrang ly khumichi hawi leu adeng ahui pajau baly, katyn kapau beu kawp nai phyreichi ai khai takhra nai pawi kani khala, amthyp reng nai ateaungchi amthyp hai i, tavaimi kamkawmchi mo mang lyn hai iy, “Areng ai ly palo u! mymy i tamen nai ly deungtasarei ne!,” nanai khulym thui u ai nai leu pei bo.

NEHEMIA 8:6

Ezara my, “Nang parai nai Areng Tameuh ai ly kawn naimy palo nai awm sy!,” napi. Khumi mipuichi ly kani mang y kiu pado u naimy, “Amen!, Amen!” nanai thui u chum baly kheukhu di iy meimai khaileaung y abi vi na pa-rei chiu u bo.

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

SAM 134:2

Achura yhm theung y kiu pheu iy chiu so u; Areng ai palo u!

SAM 95:6

Jeu u, mymy ai lu meung iy chiu u sina; achi ai sa nai keung Areng i mo y, kheukhu di u sina!

THEU NAI 14:31

Naibaly Areng ly mymy i nang parai nai sa thai naira hawimy Aikupta chengchi ai pasum naichi, Israela chengchi ly niu nai khala y, nichi ly Areng ai jei kaji naimy tahm khai u; naibaly Areng ai py, mymy i miseaung Mosi ai py ym u bo.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

LEU KACHENG 24:21

Deang awi, Areng ai py, samrang ai py, jei kaji naimy tahm khai ba. Huni Areng hawi samrang ai tiu nai khumichi hawi amkawm moh.

Ezekiela 46:10

Samrang ly khumichi kun nai khala kun iy, nichi theu nai khala theu ai nai tla.

JOSUA 22:33

Huna nai khala Israela chengchi ly amo theu naimy Tameuh ai palo u bo. Nichi ly Ruben theaung, Kad theaungchi awm nai pri y tavai tiu iy taphra ai nai dawn u y leang bo.

I PETERA 2:17

Khumi bawibawichi ai tahm khai u. Amjo amnauchi ai ly tamen u. Tameuh ai ly tahm khai u. Samrang ai ly palo u.

1 SAMUELA 12:18

Naibaly Samuela ly chiu sa i, huni kani y my Areng ly kani pajyh hai iy, kani nai hai ryp bo. Naibaly khumi bawibawichi ly Areng hawi Samuela ai khri pa-rei jei u bo.