1 NENG SATANG 29:19 - Khumi Common Language Bible

¹⁹ Nang i leu pei naichi ai paleung hawi verei tangai ai ngai nai paleung ka-dawn py, Achura yhm cheang pa-rei paleung hawi verei sa ai ngai nai paleung py, kai i chapo Solomon teng y pei pi kyh ba. Huni Achura yhm i vui kai ly hini atitichi angveirym bo,” nanai chiu sa.

1 NENG SATANG 29:19 ပူးပေါင်းရင်းမြစ်များ

2 ARENG KEH 17:37

Nangchi i vui kaimy tajiu pi nai reitachi hawi leu pei naichi tangai u jojo ai nai tla. Nangchi ly tameuh takhrachi i leu tangai u moh.

1 NENG SATANG 22:14

Kai ly Achura yhm sa ai nai molam muku kaji sie 590,000,0 rei vi py, tangka kaji sie 590,000,00 rei vi py, kachu pi yb bo. Huni bo y kaji neh pajau y na pa-rei nawi nai kheupaja hawi tamochi py, kai teng y awm. Dengkeaungchi, lengseaungchi py awm yb bo. Na i py nang ly hini tleaung y atho sa bi ai nai tla.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

1 NENG SATANG 29:18

Kaichi i amsi pajochi napi nai Abraham, Isaka hawi Jakobchi i Areng Tameuh, hina nai Tameuh teng y paleung apei nai ka-dawn ly nang i khumichi i paleung theung y khaw parai naimy awm hai jojo sy. Nichi ly nang i tlang tleaung y ka-ym awm na sy.

2 NENG SATANG 6:30

nichi i chiu sa nai tangai pi kyh ba. Nang i awm nai kani pri mang dengdairei tangai pi iy, nichi i kamngo pahen pi ba. Nang naini nichi i dawn pasym nai pany pi bo. Khumi leaung leaungreichi ai avo nai kamta, tara chih pi ba.

SAM 119:80

Kai ly nang i reita leu pei naichi ai sai py takhawi y naimy tangai nai deaungkho y, sum naira hawi kangji kangai ngo hai mo kyh ba.

SAM 72:1

Aw Tameuh, nang i leu meitang hawi kamlau tara chih pajau ai nai samrang ai patiu pi kyh ba.

SAM 72:2

Nang i khumichi ai leu meitang adyh adawi naimy peang pajau ai nai py, khumi kamawnchi ai reita hawi kamlau peang pajau ai nai py, nang i leu meitang adyh adawi nai kamta tara chih pajau ai nai samrang ai pei pi ba.

ISAIA 38:3

“Aw Areng, kai ly nang ai ka-ym awm naimy chiu iy, nangmy sa hai ai ngai nai kamta atho kasa nai ai pany pi jo kyh ba,” nanai chiu sa chum baly paleung si nai khrikhri pa-rei vo nai ne.

JEREMIA 30:18

Areng my, “Kai ly kaimy i khumichi ai nang chawn hai teang iy, kapahawi ali teang ai. Jerusalem mary ai palum teang iy samrang yhm py palum teang ai.

JAKOB 1:17

Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.