1 NENG SATANG 29:18 - Khumi Common Language Bible

¹⁸ Kaichi i amsi pajochi napi nai Abraham, Isaka hawi Jakobchi i Areng Tameuh, hina nai Tameuh teng y paleung apei nai ka-dawn ly nang i khumichi i paleung theung y khaw parai naimy awm hai jojo sy. Nichi ly nang i tlang tleaung y ka-ym awm na sy.

1 NENG SATANG 29:18 ပူးပေါင်းရင်းမြစ်များ

ATITI AWM ANGCHEI NAI 6:5

Khaileaung pri verei y awm nai khumichi ly khumi aso y iy, paleung ka-dawn hawi y jojo nai sai Areng my niu nai khala,

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

1 NENG SATANG 29:19

Nang i leu pei naichi ai paleung hawi verei tangai ai ngai nai paleung ka-dawn py, Achura yhm cheang pa-rei paleung hawi verei sa ai ngai nai paleung py, kai i chapo Solomon teng y pei pi kyh ba. Huni Achura yhm i vui kai ly hini atitichi angveirym bo,” nanai chiu sa.

2 NENG SATANG 30:6

Samrang hawi miteaung kehchi i leu pei nai kamta, savaichi ly palau nai chachi syn u iy, Juda pri hawi Israela pri verei y chei u bo. Palau nai cha ra y, “Aw Israela chengchi awi, nangchi ly Asuria samrang kiu i tleaung nai dei kamthomchi ne. Abraham, Isaka, Jakobchi i Areng Tameuh teng y ali u teang jau; mymy py nangchi teng y ang jeu teang ai mang.

SAM 10:17

Aw Areng, nang ly paleung apanem nai khumichi i chiu sa nai tangai pi iy, nichi teng y sorai paleung pei ai.

SAM 119:113

Kai ly nang i tlang tleaung y paleung adi adiu awm naichi ai kaniu ngai y; nang i reita leu ai ly paleung apei nai ne.

SAM 119:166

Aw Areng, kai ly nangmy atleu pi ai, nanai ajeng naimy nang i reita leuchi tangai nai ne.

SAM 51:10

Aw Tameuh, kai i paleung theung y chai pyn ai nai so pi kyh ba; khaw parai nai paleung ka-dawn kangtha palum pi kyh ba.

THEU NAI 3:15

Naibaly Areng my Israelachi teng y, “Nangchi i amsi pajochi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh my nangchi teng y kai ai ang pato nai ne,” nanai Israela chengchi teng y thui pi ai nai tla. Huni amyn ly deungtasarei kai i amyn ne; momang i deung kangthauchi ly huni amyn hawi kai ai palau u ai.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

THEU NAI 4:5

Areng my Israela chengchi i mo y hina nai kamta ka-ym awm ai nai so pi; hunaibaly nang ly nichi i Areng Tameuh, Abraham i Tameuh, Isaka i Tameuh, Jakob i Tameuh ai niu, nanai nichi ym u ai,” napi.

JEREMIA 10:23

Aw Areng, amimi py amy i khym taham ly so thai y, nanai kai pany. Amimi py amy i hengra ai peang pajau y.

JEREMIA 32:39

Kai ly nichi ai mychi i hawi naira, mo mang i deung kangthauchi hawi naira molam y, ka-dawn harei hawi heng hai ai. Huni ka-dawn ly kai ai jei kaji naimy tahm khai u jojo ai nai ne.

MATTHAI 22:32

Tameuh ly kadeichi i Tameuh ny y leang, kanghengchi i Tameuh teu,” napi nai pathang.

AMTAW 3:13

Abraham hawi Isaka hawi Jakob i Tameuh, achi i amsi sangumchi i Tameuh my ly mymy i Miseaung Isu ai ly palo nai bo he; ni ai ly nangchi my patiu hai i, Pilata my patheu ai tau nai khala y py mymy i mo y nangchi my ngai y nai ly.

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

Leu Thui Nai 5:29

Nichi ly hina nai kamta kai ai Jei kaji naimy tahm khai u iy, kai i leu pei nai bawibawichi tangai u ai na baly, nichi hawi nichi i kangpreangchi ly ati cheaungkhangra y hawi naira nga u ai.

PHILIPI 1:6

Ati mana nai mo nabaly nangmychi i paleung theung y atiti kahawi sa amteaung hai nai keung ly Isu Krista i kani tym pa-rei sa angym hai jojo ai, nanai, kai ly huni kypkyp ly ym cheng cheng veng.

I THESALONIKA 3:11

Hunaibaly achi i Tameuh hawi Ampo kypkyp hawi, achi i Areng py kaichi ai nangmychi mang y pahawi sy.

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.