1 NENG SATANG 29:16 - Khumi Common Language Bible

¹⁶ Aw Areng, kaichi i Tameuh, nang i chai parai nai amyn tahm pasang ai nai, Achura yhm sa ai nai molam hini vawnsaichi kang syn pi bo. Na i py hini vawnsai bawibawichi ly nang i pei naichi ne iy, hunichi ai nangmy peang nai ne.

1 NENG SATANG 29:16 ပူးပေါင်းရင်းမြစ်များ

1 NENG SATANG 29:14

“Meitang khyp, kai hawi kai i khumichi ly nang teng y ati sai py talam pajau y leang. Ati cheaungkhangchi ly nangmy pei nai amtheaung nairachi ne nai deaungkho y, kaichi ly nang i atitichi naini, nang teng y talam teang nai ne.

1 NENG SATANG 29:15

Aw Areng, kaichi ly amsi pajochi kamta, pri pala naira avum naichi hawi apany vai y naichi kamta, hini deung y kaheng u nai bo, nanai nang ly pany. Kaichi i neng kanichi ly pa-pui kamta ne i, kaichi ly dei naira ai en vui thai y.

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

2 NENG SATANG 31:10

Zadok i kangpreang pathyp pi nai keung kalen keh Azariah my, “Mipuichi my hini talam nai vawnsaichi Achura yhm y syn pi nai dengdairei, kaichi cha nei ai nai aleu palai nai ly kamlai awm nai ne. Hina tanrei kaichi nga nai ly Areng my mymy i khumichi ai amtheaung naira pei nai deaungkho y ne,” nanai thui pi.

SAM 24:1

Khaileaung pri hawi khaileaung pri y awm nai ngiereichi ai py, khaileaung hawi khaileaung salo y heng nai amjy bawibawichi ai py, Areng my peang nai ne.

HOSEA 2:8

Ni ly Bala tameuh ai chiu naira y talam nai chohpui chomaw, kreip hang, olive asitui, muku hawi tangkachi kai teng i nga nai ne, nanai ni pany y.

HAKAI 2:8

Khaileaung pri y awm nai ngierei, muku tangkachi ly kai i ne.

LUKA 19:16

Naibaly kangman keh nai ly jeu i, ‘Areng, nang i muku tangka ly horei peung na a,’ napi.