1 NENG SATANG 29:13 - Khumi Common Language Bible

¹³ Kaichi i Tameuh, kaichi ly nang ai kawn naimy palo iy, nang i amyn nang parai nai ai kang palo u nai ne.

1 NENG SATANG 29:13 ပူးပေါင်းရင်းမြစ်များ

1 NENG SATANG 29:12

Nang chawn nai hawi yhmtheaung katui nang nai ngiereichi ai, nangmy pei nai ne. Nang ly ati cheaungkhangchi ai sa thai naira haiho hawi peang iy, amimi ai py tahm pasang pi bo.

1 NENG SATANG 29:14

“Meitang khyp, kai hawi kai i khumichi ly nang teng y ati sai py talam pajau y leang. Ati cheaungkhangchi ly nangmy pei nai amtheaung nairachi ne nai deaungkho y, kaichi ly nang i atitichi naini, nang teng y talam teang nai ne.

SAM 105:1

Areng i pahen nai ai palo u; mymy i nang parai nai sai ai amthang hai u; mymy i sa nai saichi ai khumi cheng cheaungkhangchi teng y thui pi u.

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 145:1

Kai i Tameuh, kai i samrang, kai ly nang i nang parai nai sai amthang hai ai; nang ai kawn naimy deungtasarei palo ai.

DANIELA 2:23

Kai i amsi pajochi my chiu nai Tameuh, Nang ly kai ai cheng naira hawi sa thai naira pei iy, kai i hnei nai kamta, samrang i amang pany hai pi nai y, kawn nai leu kang thui,” napi.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

II KORINTH 2:14

Na i py Tameuh teng y kawn nai leu tym sy; mymy ly Krista hawi vanrei pajau naira y ang pahawi jojo nai keung hawi, kaimychi ai ang teaung nai meingtym tleirei y mymy ai pany naira i mui amteng hai nai keung py ne.

II KORINTH 8:16

Na i py Tameuh teng y ly kawn nai leu tym sy. Mymy ly kai i nangchi i tlang tleaung y hawihai palai kry nai sai kamta ly Tita i paleung ai dawn hai bo.

II KORINTH 9:15

Tameuh i pei nai ly den py thui pajau y nanai deaungkho y mymy teng y kawn nai leu tym sy.

Leu Thui Nai 32:3

Kai ly Areng i amyn palo ai; mymy i khumichi my ly mymy i nang parai nai sai thui u ai.

I THESALONIKA 2:13

Nangchi ly kaichi teng i dengdairei Tameuh i leu thai nai patawm nai thym khala y ly, khumi i leu kamta ny y naimy Tameuh i leu kamta patawm lawh nai deaungkho y, kaichi ly Tameuh teng y kawn nai leu thui reng nai ne; huni ly Tameuh i leu ne khyp iy nangchi ym naichi theung y sa reng nai ne.