1 NENG SATANG 29:12 - Khumi Common Language Bible

¹² Nang chawn nai hawi yhmtheaung katui nang nai ngiereichi ai, nangmy pei nai ne. Nang ly ati cheaungkhangchi ai sa thai naira haiho hawi peang iy, amimi ai py tahm pasang pi bo.

1 NENG SATANG 29:12 ပူးပေါင်းရင်းမြစ်များ

1 NENG SATANG 29:13

Kaichi i Tameuh, kaichi ly nang ai kawn naimy palo iy, nang i amyn nang parai nai ai kang palo u nai ne.

2 NENG SATANG 1:12

Huni bo y jangni y py, vai mo mang y py samrang leaungrei py ngo y nai yhmtheaung katuichi hawi amyn amthang nai py kang pei bi ai,” napi.

2 NENG SATANG 16:9

Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

2 NENG SATANG 20:6

Naibaly aeu naimy chiu sa nai ly “Aw kaichi amsi pajochi i Areng Tameuh, nang ly kani pri mang y awm iy khaileaung pri y awm nai khumi cheng cheaungkhangchi ai peang nai ne. Nang ly sa thai naira hawi nang parai naira kawi angym nai deaungkho y, ami py nang ai ka-awi so pajau y.

2 NENG SATANG 32:29

Areng ly ni ai hunichi bo y si, beramchi hawi takhra yhmtheaung katui neangneangchi py pei pi nai deaungkho y, ni ly mary neangneangchi palum bo.

JOBA 42:10

Huna nai Joba ly my i ahawi leaung thomrei i vui chiu sa pi chum nai khala, Areng ly ni ai nang chawn hai teang i, vaichi khala i tleaung y phy nyhrei, yhmtheaung katuichi pei pi nai ne.

JOBA 9:19

Kai ly khrukhra hai ai nai atho sa ai avo na a? Tameuh i tlang tleaung y khrukhra hai na a? Mymy ai tara jeung y tym hai ai a? Hu y chei ai nai mymy ai ami my leu pei ai mo?

SAM 103:19

Areng ly mymy i areng atehra ai kani mang y khai bo; mymy ly khusang deaungdu ai peang nai ne.

SAM 28:8

Areng ly mymy i khumichi ai ama hai iy kry bo. Mymy khai takhra pi nai samrang ai ama hai iy atleu nai ne.

SAM 29:1

Aw kani pri chochi awi, Areng ai ly palo u. Mymy i nang parai nai hawi sa thai naira ai palo u.

SAM 29:11

Areng ly mymy i khumichi teng y sa thai naira pei; nichi teng y tlamsa nai amtheaung naira pei pi bo.

SAM 62:11

Tameuh teng y sa thai naira awm, nanai py, mymy i tamen naira ly khaw parai, nanai py, mymy i leu pei nai ly tlenrei khyh chang y nai kai kathai bo.

SAM 62:12

Aw Areng, nang ly nangmy kypkyp naimy, khumi bawibawichi ai mychi i atiti sa naira y hawi nai, hawi y nai vang pei pi nai ne.

LEU KACHENG 10:22

Areng i amtheaung hai nai saho y, nang ly nang chawn nai ne. Nang i angjeng atyp naimy ly huni tleaung y nang hai pajau y leang.

LEU KACHENG 8:18

Kai ly nangchi ai nang chawn ai nai hawi tahm awm ai nai py, nang naira hawi eaung naira py pei bo.

Parip nai leu 5:19

Tameuh my khumi leaungrei ai nang chawn nai hawi yhmtheaung katuichi pei iy amo theu hai lawh baly, huni khumi ly mymy ai kawn iy my i nga nai yhmtheaung katui py amtym ai avo. Huni yhmtheaung katuichi ly Tameuh my pei nai kawn vang ne.

ISAIA 40:29

Mymy ly paha nai, akawm nai khumichi ai atho pei nai ne.

ISAIA 43:13

Kai ly Tameuh ne, mo mang py, hina nai kaawm jojo ai. Kai i sa thai naira ai ami py lawm vui pajau y. Kai i sa nai kalop ai ami py so thai y leang,” napi.

ISAIA 45:24

“Nichi ly kaimy deaungkho y eaung naira hawi atho ham naira nga u nai ne, nanai thui u ai. Na i py kai i niu ngai y nai khumi bawibawichi ly tahm anem u ai.

ISAIA 46:10

Kai ly angchei khala i dengdairei, leu kangtem kang thuipi yb nai ne. Mo mang y tym ai nai atitichi ai, jangni khala my kang thui pi yb veng bo. Kai i dawn pasym naichi ly mana khala py phra ai ny y, nanai kaimy thui pi yb nai kamta, kai i pasym yb nai atitichi ly sa ai.

DANIELA 2:20

“Tameuh ly sa thai naira hawi cheng naira angym nai ne! Mymy ai ly deungtasarei palo u.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

JOHAN 19:11

Isu my pathang i, “Salo mang i dengdairei ang pei nai ny y baly kai i tlang tleaung y nang sa pajau ai naira ha py nga ai ny y leang; hunai deaungkho y kai ai nang teng y au nai keung ly kamngo len ra bo,” napi.

EPHESI 3:16

Ampo, kani hawi khaileaung theung y awm nai cheaungkhangchi ai amyn pathi nai i mo y ly kai ly kheukhu di;

EPHESI 3:20

Hunaibaly achi i paleung theung y sa thai naira sa reng nai kamta, achi i hnei nai hawi dawn nai bawibawichi tleaung y khri pa-rei ty keh nai sa thai nai keung kypkyp teng y ly,

Leu Thui Nai 8:18

Nangchi i Areng Tameuh my pei nai sa thai naira y naini yhmtheaung katuichi nang nai tei, nanai pany u. Huna nai sa thai naira ang pei nai ly mymy ly nangchi i amsi pajochi hawi asa nai leu Maikawm ai vaini khrairei, khaw hai nai deaungkho y ne.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

KOLOSA 1:11

Naibaly nangchi ly amo theu parai naimy kham pajau naira hawi, amnym naira cheaungkhang nga u ai nai, mymy i nang parai naira ham nai sai kamta sa thai naira y ham naimy,

JOSUA 4:24

Hini lyh ai hawi nai ka-ma-ra molam y, khaileaung pri y awm nai khumi bawibawichi ly Areng i nang parai nai sai pany u ai. Nangchi py nangmychi i Areng Tameuh ai jei kaji naimy tahm khai u jojo ai,” napi nai ne.

AMTENG HAI NAI 11:17

“Aw, Atiti py Sa Thai Nai Areng Tameuh, vai awm nai hawi jangni i dengdairei awm nai keung hawi: nang i sa thai naira len parai nai nang la iy peang nai deaungkho y kawn nai leu kaichi kang thui pi.