1 NENG SATANG 29:11 - Khumi Common Language Bible

¹¹ Nang ly nang parai iy sa thai naira phum-ang, haiho, nang parai naira kawi angym nai ne. Kani khusang hawi khaileaung salo y awm nai ngiereichi peang iy, nang ly khumi cheng cheaungkhangchi ai, sa thai naira phum-ang hawi peang nai samrang ne.

1 NENG SATANG 29:11 ပူးပေါင်းရင်းမြစ်များ

ATITI AWM ANGCHEI NAI 1:1

Tameuh my angchei y khusangdeaungdu ai sa nai khala,

ATITI AWM ANGCHEI NAI 14:19

“Kani hawi khaileaung sa nai keung, salo keh i Tameuh my Abram ai amtheaung hai sy,” nanai thui i amtheaung hai bo.

ATITI AWM ANGCHEI NAI 14:22

Abram my ni teng y, “Kani hawi khaileaung sa nai keung salo keh Areng Tameuh i mei ka-niu y vai kai vaineng abeu mang.

1 NENG SATANG 29:10

Davida ly huni meingtym y awm nai khumi mipuichi i mo y Areng ai palo. Samrang my, “Kaichi i amsi pajo Jakob i Areng Tameuh, nang teng y ly deungtasarei palo nai awm sy!

2 NENG SATANG 20:6

Naibaly aeu naimy chiu sa nai ly “Aw kaichi amsi pajochi i Areng Tameuh, nang ly kani pri mang y awm iy khaileaung pri y awm nai khumi cheng cheaungkhangchi ai peang nai ne. Nang ly sa thai naira hawi nang parai naira kawi angym nai deaungkho y, ami py nang ai ka-awi so pajau y.

NEHEMIA 9:5

Naibaly Levi theaung Jeshua, Kamiela, Bani. Hashabaniah, Sherebiah, Hodiah, Shebaniah hawi Pethahiahchi my, “Angthau ly nangchi i Areng Tameuh ai palo u; mymy ai ly deungtasarei palo u! Tameuh ly khumichi my palo nai tleaung y phum-ang nang parai nai keung ne iy, achi bawibawi tleaung y amyn nang parai nai y palo u sina,” nanai chiu sa amteaung ai nai khumichi ai palau u bo.

JOBA 37:22

Tosyh ngan mang y muku an aleaung nanai Tameuh i nang parai nai sai ly ka-jei awm nai ne.

SAM 10:16

Areng ly deungtasarei samrang ne; tameuh takhrachi ai chiu nai khumichi ly mychi i pri dengdairei tama u pawn ai.

SAM 103:19

Areng ly mymy i areng atehra ai kani mang y khai bo; mymy ly khusang deaungdu ai peang nai ne.

SAM 104:1

Aw Kai i phailo, Areng ai palo! Aw kai i Areng Tameuh, nang ly khri pa-rei nang parai! Nang ly sa thai naira phum-angchi hawi amthyp nai ne.

SAM 145:1

Kai i Tameuh, kai i samrang, kai ly nang i nang parai nai sai amthang hai ai; nang ai kawn naimy deungtasarei palo ai.

SAM 145:6

Khumichi ly nang i sa nai sai lyh ai hawi parai naichi thui u ai; kai py nang i nang parai nai sai amthang hai ai.

SAM 21:13

Aw Areng, nang ly sa thai naira phum-ang awm nai deaungkho y, nang ai kaichi my kang palo u bo! Nang i nang parai nai ai palo nai khulym thui ai.

SAM 29:4

Areng i raawi ly amsau bo. Huni raawi ly sa thai naira hawi, nang parai naira kawi angym nai ne.

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 47:9

Pri tleireichi ai peang nai samrangchi ly jeu iy, Abraham i chiu nai Tameuh i khumichi hawi vanrei achu u bo. Mymy ly khaileaung pri y awm nai tavaimi ngiereichi tleaung y sa thai naira awm keh; mymy ly sa thai nai ra awm keh nai samrang ne.

SAM 57:11

Aw Tameuh, nang i tahm asang nai sai ai kani mang y py, nang i nang parai nai ai khaileaung pri verei y py, amthang hai kyh ba.

SAM 57:5

Aw Tameuh, nang i tahm asang nai sai ai kani mang y py, nang i nang parai nai ai khaileaung pri verei y py, amteng hai kyh ba.

SAM 57:6

Paleung ka-echi ly kai ai patiu ai nai py jang u bo; kai ly khrikhri pa-rei paleung mawn naira avum nai ne. Nichi ly kai i tako nai lam y angawm tau u bo; na i py huni angawm theung y mychi naimy tla u nai ne.

SAM 89:11

Kani khusang ai py, khaileaung ai py peang nai ne; nang ly khaileaung hawi khaileaung salo y awm nai ngiereichi ai sa nai ne.

SAM 97:1

Areng ly samrang ne! Khaileaung awi, amo theu! Panglichira y awm nai tlawn bawibawichi awi, amo theu u!

SAM 97:9

Ati cheaungkhang sa thai nai keung Areng, nang ly khaileaung pri verei ai peang nai keung; nang ly tameuhchi bawibawi tleaung y len keh nai ne,

SAM 98:1

Areng ai ly khulym kangtha thui naimy palo u; mymy ly lyh ai hawi nairachi sa. Mymy ly mymy i sa thai naira hawi, atho haiho hawi py eaung naira nga nai ne.

SAM 99:1

Areng ly samrang ne; khumichi ly jei hyn u bo. Mymy ly kherubenchi salo y awm; naibaly khaileaung ly amchyh nai ne.

ISAIA 12:4

Khumichi my hina nai palo nai neng kani tym ai, “Areng ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

ISAIA 42:5

Tameuh ly kani khusang ai sa iy, khiu tapai bo. Mymy ly khaileaung hawi vanrei, heng nai amjy bawibawichi ai sa nai ne. Khaileaung y awm nai khumi bawibawichi ai, hengra hawi taho ai nai pei bo. Vai ly Areng Tameuh my, mymy i miseaung teng y thui pi nai ly

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 27:5

“Kai ly kaimy i sa thai naira len parai nai haiho hawi khaileaung pri, khumichi, khaileaung pri y awm nai tawnbawichi hawi raurei kaimy sa nai ne i, huni khaileaung pri ai kaimy ngai nai teng y kapei pajau nai ne.

DANIELA 2:20

“Tameuh ly sa thai naira hawi cheng naira angym nai ne! Mymy ai ly deungtasarei palo u.

DANIELA 4:3

“Tameuh my achi teng y patei pi nai lyh ai nairachi ly khri pa-rei len parai na ly! Mymy i patei pi nai rengrang ka-ma-rachi ly khri pa-rei sa thai naira angym na ly! Tameuh ly deungtasarei samrang ne. Mymy ly khaileaung pri y neng tleirei peang jojo ai.

DANIELA 4:30

mymy ly angdeang i, “Babulon mary ly khri pa-rei len parai na ly! Hini mary y kaimy i sa thai naira, kaimy i nang parai naira patei ai nai, kaimy sa nai mary pui ne,” nanai thui bo.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

JOSUA 3:11

Khaileaung pri verei ai peang nai Areng i Leu Maikawm Pawm ly nangchi ai lu sa iy, Jordan tavo angpeang nai khala, Tameuh kangheng ly nangchi theung y awm, nanai nangchi pany u ai.

JOSUA 3:13

Khaileaung pri verei ai peang nai keung Areng i Leu Maikawm Pawm angjeaung nai pathyp pi nai keungchi, tavo tui ai chiu phai chiu baly tavo syh mang leaung kathiu nai tui ly anawn iy, meingtymrei y am-eng cheng vui ai,” napi.

JUDA 1:25

Isu Krista achi i Areng deaungkho y neng den py by y rai khala y py, vai py deungtasa khrarei py palo naira hawi, nang parai naira hawi, peang naira hawi, sa thai naira py awm sy. Amen.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 19:1

Huni bo y ly kani pri mang i khumi mipui neangneangchi ly tao pajeng parai nai kamta naimy, “Haleuja! Paheng naira hawi, nang parai naira hawi, sa thai naira py kaichi Tameuh i ne:

1 SAMUELA 15:29

Israela chengchi i nang parai nai Tameuh ly ka-chawi thui y, paleung py amtlau vai y leang; mymy ly khumi kamta, mymy i paleung amtlau vui ai ny y,” napi.