1 NENG SATANG 29:1 - Khumi Common Language Bible1 Samrang Davida ly khumi mipui bawibawichi teng y, “Kai i chapo Solomon ly Tameuh my vawi takhra nai khumi ne. Na i py saneng theang i pany nai sai angym y rai. Ni i sa ai nai kalop ly khri pa-rei len parai. Ati mana nai mo na baly vai sa ai nai ly khumichi i vui samrang yhm ny y, Areng Tameuh i vui Achura yhm ne lawh nai deaungkho y ne. အခန်းကိုကြည့်ပါ။ |
Davida ly “Kai i chapo Solomon my sa ai nai Achura yhm ly apu parai iy khaileaung pri y amyn amthang ai. Na i py Solomon ly saneng theang i pany nai sai angym y rai nai deaungkho y, kai ly Achura yhm i vui pasym pi yb ai,” nanai adawn pasym i, mymy dei y rai khala Achura yhm sa ai nai vawnsaichi kachu pi yb nai ne.
Davida ly Israela cheng miteaung keh bawibawichi ai, Jerusalem mary y angym hai bo. Hunaibaly cheng theaungchi i miteaung keh bawibawichi hawi pri peang nai miteaung keh bawibawichi ai py, Nupai luchi, samrang hawi chapochi i vawnsaichi, keaungngo kano kasau, sichi napi nai tawnbawichi ai kry nai khumichi py angym u bo. Angchi khyp thui ai na baly samrang yhm miteaung kehchi, amyn amthang nai tavai luchi hawi aly len nai khumi ngiereichi ly Jerusalem mary y angym u nai ne.
“Hunai deaungkho y kai ly Tameuh i khumi mipuichi mo y py, mymy i khumi napi nai Israela khumi mipuichi i mo y py, nangchi ai kalop kang pei nai ne. Nangchi ly achi i Areng Tameuh my leu pei nai ngiereichi ai, hawihai palai tangai u. Huna khala naini nangchi ly hini pri kahawi amtym u jojo iy, nangmychi i kangpreangchi teng y pei pateang bi pajau ai,” napi.