1 NENG SATANG 28:9 - Khumi Common Language Bible

⁹ Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

1 NENG SATANG 28:9 ပူးပေါင်းရင်းမြစ်များ

ATITI AWM ANGCHEI NAI 28:13

Naibaly Areng ly mymy sahawi y angdo naimy, “Kai ly Abraham hawi Isaka i Areng Tameuh ne, kaimy nang i aseaung nai khaileaung ly nang hawi nang i kangpreangchi teng y kang pei ai.

ATITI AWM ANGCHEI NAI 6:5

Khaileaung pri verei y awm nai khumichi ly khumi aso y iy, paleung ka-dawn hawi y jojo nai sai Areng my niu nai khala,

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

1 ARENG KEH 3:6

Solomon my, “Nang ly nangmy i miseaung, kai i ampo Davida teng y khri pa-rei tamen naira ly avawrei amteng hai bo. Ni ly nang i mo y hawi naira hawi ka-ym awm naira hawimy atyp iy awm nai ne. Naibaly nang ly ni teng y chapo leaungrei pei iy, tamen naira ly amtawn hai jo bo. Vaini, huni chapo ly ampo i atehra tleaung y ateh naimy awm.

1 ARENG KEH 8:39

nichi i chiu sa nai ly tangai pi kyh ba. Nang i khumichi ly amsi pajochi teng y pei ai nai pri y awm nai ryrei, nangmy ai jei kaji ai nai nichi i chiu sa nai tangai pi kyh ba.

1 ARENG KEH 8:43

nichi i hnei takeng nai ly tangai pi kyh ba. Nangmy i awm nai kani pri mang dengdairei tangai pi iy, ni i hnei nai kamta pathang pi kyh ba. Huna i naini, khaileaung pri y awm nai khumi bawibawichi ly nang i khumichi kamta, nang ai pany u iy jei kaji naimy tahm khai u ai. Hunaibaly nang i vui kaimy kang sa pi nai hini Achura Yhm ly chiu sa nai meingtym ne, nanai nichi pany u ai.

1 ARENG KEH 8:61

Mymy i khumi lawm nai nangchi py kaichi i Areng Tameuh ai ka-ym awm iy, vaini nangchi i sa nai kamta, reitachi hawi leu pei nai bawibawichi ai tangai naimy patawm u jojo sy,” nanai chiu sa bo.

2 ARENG KEH 20:3

“Aw Areng, kai ly nang i kalop ai ka-ym awm naimy sa. Nangmy sa hai ai ngai nai kamta sa nai ai pany pi ba,” nanai chiu sa iy khri pa-rei vo bo.

2 ARENG KEH 21:22

My i amsi pajochi i Areng Tameuh ai khai su iy, Areng i leu pei naichi tangai y nai ne.

2 ARENG KEH 22:2

Josia ly Areng i kangai sa nai ne. Ni ly mymy i pajo Davida i sa nai kamta, Tameuh i reita bawibawichi ai sa patawm khyp bo.

1 NENG SATANG 22:19

Hunaibaly nangchi i Areng Tameuh i kalop ra y paleung hawi verei so u. Areng i amyn tahm pasang ai nai Achura yhm so u. Huna khala naini nangchi ly Areng i Leu Maikawm Pawm hawi mymy ai chiu naira y teaung nai takhra vawnsai ateaung alangchi ai, Achura yhm theung y khai ai nai nga u ai,” napi.

1 NENG SATANG 28:8

“Hunai deaungkho y kai ly Tameuh i khumi mipuichi mo y py, mymy i khumi napi nai Israela khumi mipuichi i mo y py, nangchi ai kalop kang pei nai ne. Nangchi ly achi i Areng Tameuh my leu pei nai ngiereichi ai, hawihai palai tangai u. Huna khala naini nangchi ly hini pri kahawi amtym u jojo iy, nangmychi i kangpreangchi teng y pei pateang bi pajau ai,” napi.

1 NENG SATANG 29:9

Nichi ly paleung kangai hawi Areng teng talam u nai ne i, mymychi hina tanrei pei talam u nai molam y, amo theu u bo. Samrang Davida py khri pa-rei amo theu nai ne.

2 NENG SATANG 12:5

Shisha kiu i tleaung ai nai molam Jerusalem mary y angym u nai samrang Rehoboam hawi Juda miteaung kehchi teng y amo Shemaiah chei i, nichi teng y, “Areng my, ‘Nangchi ly kai ai khai u su nai deaungkho y, kai ly nangchi ai Shisha i kiu y au veng bo,’ ang napi,” napi.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 6:30

nichi i chiu sa nai tangai pi kyh ba. Nang i awm nai kani pri mang dengdairei tangai pi iy, nichi i kamngo pahen pi ba. Nang naini nichi i dawn pasym nai pany pi bo. Khumi leaung leaungreichi ai avo nai kamta, tara chih pi ba.

EZARA 8:22

Achi i Tameuh ly mymy ai ym nai khumi bawibawichi ai amtheaung naira pei iy, mymy ai nithun thun nai khumichi ai ly niu ngai y iy pajeng reng, nanai samrang teng y amti pi bo. Huna nai y kai ly khuleaung lam y paleung ka-echi ai paka pi ai nai samrang teng i keaungngo tavaimi kasabawmra hnei ai nai ly kaji ai nai hawi parai.

SAM 101:2

Kai ly kamngo by y pa-rei kaawm ai. Nang ly mana khala y kai teng jeu ai mo? Kai ly kaimy i yhm y chai parai nai paleung ka-dawn hawi kaawm ai.

SAM 139:2

Nang ly kai i sa nai ngiereichi pany; kai i dawn pasym nai ngiereichi ai kamlo mang my pany nai ne.

SAM 17:3

Nang ly kai i paleung pany; vum y kai teng jeu iy kai i paleung awm nai sai hawihai palai cham nai khala, hawi y nai sai niu y.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 7:10

Tameuh ly kai ai ama hai iy kry nai keung ne; mymy ly mymy i leu tangai nai khumichi ai atleu bo.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

SAM 89:26

Ni ly kai teng y, “Nang ly kai i ampo hawi kai i Tameuh, nang ly kai i abyhra hawi kai i atleu keung ne,” nanai thui ai.

SAM 89:38

Na i py nang ly nangmy khai takhra nai samrang ai kado theu hai bo; nang ly ni ai khai su bo, ni ai nyn va bo.

SAM 9:10

Aw Areng, nang ai pany nai khumichi ly nang ai ym u ai; nang ly nangmy teng y ahihawi nai ngiereichi ai khai su y leang.

THEU NAI 15:2

Areng ly kai i atho hawi ama hai nai keung, mymy leaungrei naini kai ai atleu nai keung ne; kai ly mymy ai palo ai. Mymy ly kai i ampo i Tameuh ne iy, mymy i nang parai nai sai ai kapalo ai.

THEU NAI 3:16

Nang chei iy Israela cheng lu sa naichi ai pangym ly nichi teng y nangchi i Areng, Abraham i Tameuh, Isaka i Tameuh, Jakob i Tameuh napi nai Areng Tameuh ai niu iy, huni Tameuh ly nangchi teng y jeu i, Aikupta chengchi my nangchi ai ana nai niu pi bo.

LEU KACHENG 17:3

Muku hawi tangka ai mai hawi cham; khumi i paleung ai ly Areng my cham nai ne.

LEU KACHENG 3:6

Nang i sa naira tleirei y, Areng ai pany jo ba; huna baly mymy ly nang ai lam kateng ang patei ai.

LEU KACHENG 4:4

kai i ampo ly kai ai, “Nang ly kai i leu ai pateungme iy pany jo ba. Mana khala py tami moh. Kaimy kang thui pi nai kamta so; hunaibaly nang heng ai.

ISAIA 1:28

Na i py mymy ly kamngo sa nai khumi hawi mymy ai tiu nai khumi bawibawichi ai tamyh pawn ai. Mymy ai khai su nai khumi ngiereichi ai tamyh ai.

ISAIA 38:3

“Aw Areng, kai ly nang ai ka-ym awm naimy chiu iy, nangmy sa hai ai ngai nai kamta atho kasa nai ai pany pi jo kyh ba,” nanai chiu sa chum baly paleung si nai khrikhri pa-rei vo nai ne.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

JEREMIA 11:20

Huna nai khala kai ly “Ati cheaungkhang sa thai keung Areng awi, “Nang ly leu meitang naimy tara chih reng nai keung ne. Khumichi i sa ai tau nai hawi paleung ka-dawnchi ai py, chih reng nai keung ne. Kai ly kaimy i sa naichi ai nang i kiu y kang-au bo. Hunai deaungkho y nichi ai nangmy vawitheung tha nai ly kai ai patei kyh ba,” nanai chiu kasa bo.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 20:12

Na i py ati cheaungkhang sa thai nai keung Areng, nang ly khumichi ai leu meitang naimy chih reng nai keung ne. Nichi i paleung ka-dawnchi pany pi se nai ne. Hunai deaungkho y paleung ka-echi ai nangmy vawitheung tha pi nai ai kai ly niu ai nai ngai. Kai ly kaimy i ka-jo kahm ai nang i kiu y kang au bo.

JEREMIA 22:16

Ni ly khumi kamawnchi i ka-jo ka-thui padyh padawi pi nai deaungkho y, atitichira py aly naira nga bo. Hini ly Areng ai pany naira i hawi naira ne.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 29:13

Nangchi ly paleung hawi verei hau ai nai deaungkho y, kai ai hau nai avum u ai.

JEREMIA 29:14

Nangchi ly kai ai avum angchi khyp ai i, kai py nangchi ai nangmychi i pri y kang pahawi ali teang ai. Kai ly nangchi ai ahei hai nai pri neangneangchira i nai pangym ali teang ai. Hunaibaly nangchi ai langheng y hawi ai nai patiu nai pri y, kang pahawi ali teang ai. Hini ly kai Areng i thui nai leu ne,’ napi.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

JEREMIA 9:24

Amlyh am-e ai ngai nai khumi leaung leaungrei awm lawh teu baly, huni khumi ly kai i satang pany naira naini amlyh am-e ai nai tla. Ati mana nai mo nabaly kai i tamen naira ly khaw parai iy, kai i sa nai kalop ly adyh adawi naira hawi, kahawi sa naira awm nai deaungkho y ne. Hini kalopchi ly kai i kangai ne. Hini ly kai Areng i thui nai leu ne,” napi.

Ezekiela 11:5

Areng i phailo ly kai i tlang tleaung y ang tym. Areng my, “Aw Israela chengchi awi, nangchi katheu u nai leuchi hawi nangchi i dawn naichi kai pany.

Ezekiela 38:10

Sa thai naira angym nai Areng my Koka teng y, “Hini neng tym nai khala, nang ly hawi y nai paleung ka-dawn harei sa ai.

HOSEA 4:1

Israela chengchi awi, Areng i leu pei nai tangai u. Hini pri y awm nai khumichi ai Tameuh my seu nai awm. Mymy ly “Hini pri y ly tamen naira, ka-ym awm naira by y. Kai ly Tameuh ne, nanai khumichi my pany u y.

HOSEA 4:6

Kai i khumichi ly kai ai pany u y nai deaungkho y, pajeng naira avum u ai. Nangchi pathyp pi nai keungchi ly kai ai pany y i, kai i thui pi nai leu ai py tangai u y nai deaungkho y, kai ly nangchi ai kang khai su bo. Nangchi i chapochi ai py, pathyp pi nai keungchi ne, nanai kang palawn pi ai ny y.

JOHAN 1:47

Isu ly Nathanaela ni teng y jeu ai tau nai niu i, “Khen cham, Israela khumi meitang, tapawp nai paleung den py by y nai ho,” nanai ni i satang thui pi.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 2:25

ati mana nai mo nabaly mymy kypkyp ly khumi i paleung theung y awm nai ngierei pany.

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

JOHAN 4:24

Tameuh ly Phailo ne; mymy ai chiu nai keungchi ly phailo hawi meitang khyp naimy ni ai chiu ai nai tla,” napi.

JOHAN 8:55

Nangchi ly mymy ai pany y; kai naini mymy ai pany; kai ly mymy ai pany y na i khyly, nangchi kamta kai py ka-chawi tla teang ai; na i py kai ly mymy ai pany, ni i leu py tangai.

AMTAW 1:24

Naibaly nichi chiu sa i, “Areng awi, nang ly khumi bawibawichi i paleung pany nai keung ne, Juda ly mymy i awm naira y chei ai nai phra i,

AMTAW 17:23

Kai pavai nai tarawi y nangchi i chiu reng nai myn khen nai khala y maicham harei, salo y, PANY Y NAI TAMEUH I VUI, nanai tajiu nai kaniu bo. Hunaibaly nangchi i pany y nai chiu reng nai ai ly kang thui pi nai he.

AMTAW 17:30

Hunaibaly Tameuh my achi i pany y khala i neng ly dawn pi y leang; na i py vai ly meingtym tleirei i khumi bawibawichi ai uikhei ai nai leu ang pei bo;

I KORINTH 15:34

Hawi ai naira y anglaw u jau, kamngo so u moh; phyreichi ly Tameuh ai pany naira pipi by y he; hini ly nangchi ai kaji hai ai nai kang thui pi nai ne.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II KORINTH 8:12

Tau rym naira awm baly ami py by y pui nai ny y naimy, mymy i awm nai kamta kawn ai ataing nai ne.

II KORINTH 9:7

Khumi leaung leaungrei ly pei ei a y iy, pei ai tla nai kamta ny y naimy, amymy i paleung y tau nai kamta pei bawibawi sy; Tameuh ly amo theu parai naimy pei nai keung ai ly tamen.

Leu Thui Nai 10:12

“Aw Israela chengchi awi, nangchi i Areng Tameuh i kangaichi tangai u: Areng ai chiu u ly mymy i leu pei nai bawibawichi phai tangai u. Areng ai paleung hawi verei tamen iy mymy i kalop so u;

Leu Thui Nai 31:21

ka-jei awm nai patangrachi khri pa-rei avum u ai. Na i py nichi i pany nai ka-ma-ra lawm ai nai hini khulym ly thui u ai nai tla. Kaimy pei ai adeu nai pri y kapahawi y rai khala my, nichi i paleung theung y dawn naichi kapany,” napi.

Leu Thui Nai 4:35

Areng naini Tameuh ne, nanai, tameuh takhra by y, nanai, hunichi hawimy nangchi ai pany hai bo.

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai:

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

I PETERA 5:2

Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

1 SAMUELA 12:20

Samuela my, “Nangchi ly hina nai hawi y nai kalop sa lawh teu i py, Areng ai khai u su moh; mymy aipaleung hawi verei chiu u.

1 SAMUELA 16:7

Na i py Areng my ni teng y, “Hini khumi i jeng asang nai hawi, mo-cha hawi nai ly khen moh; kai ly khumi kamta chih nai ny y; huna nai y kai aly ngai y; khumi ly angam mang i awm nai sai khen reng; kai ly paleung ai khen nai ne,” napi.