1 NENG SATANG 28:4 - Khumi Common Language Bible

⁴ Areng napi nai Israela chengchi i Tameuh ly kai hawi kai i kangpreangchi ai Israela pri y peang jojo ai nai vawi takhra bo. Mymy ly lu sa pi ai nai Juda theaungchi ai vawi takhra pi. Juda pri y awm nai kai i ampo yhm dengtheungchi ai vawi takhra bo. Huni yhm dengtheungchi theung i kai ai patheu iy, Israela pri verei y peang ai nai pei.

1 NENG SATANG 28:4 ပူးပေါင်းရင်းမြစ်များ

2 SAMUELA 5:3

Naibaly Israela cheng lu sa nai keung bawibawichi ly samrang Davida awm nai Hebron mary y tym u. Davida ly Tameuh i mo y nichi hawi vaineng asa nai deaungkho y, nichi my Davida ai samrang y palyn nai asitui leih pi u. Naibaly Davida ly Israelachi i samrang y lawm bo.

1 NENG SATANG 17:23

“Naibaly aw Areng, kai hawi kai i kangpreangchi i vui nang i adeu pi nai kamta, vaimy nang i kangai angym hai ba. Nangmy sa pi ai, nanai leu pei nai kamta, so pi jojo kyh ba.

1 NENG SATANG 17:27

Kai i kangpreangchi ly nang i mo y meimai nga jojo ai nai, nichi ai amtheaungra pei pi ai nai kang takeng. Aw Areng, nang ly nichi ai amtheaung naira pei pi bo. Nichi ly nang teng i amtheaung naira ngo jojo sy,” nanai chiu sa nai ne.

1 NENG SATANG 5:2

Juda cheng theaung ly atho awm keh nai lawm i, cheng theaung bawibawichi i vui samrang amthawn nai ne.)

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

SAM 108:8

Kilead pri ly kai i ne; Manase pri ai py kaimy peang; Ephraim pri ly kai i tamo lukhym ne i, Juda pri ly kai i areng cheaungvawi ne.

SAM 18:19

Kai, ka-jeira avum nai khala y mymy ly kai ai sabawm. Kai ai khrei nai deaungkho y atleu nai ne.

SAM 60:7

Kilead pri ai kaimy peang; Manase pri ai py kaimy peang; Ephraim pri ly kai i tamo lukhym ne iy, Juda pri ly kai i areng cheaungvawi ne.

SAM 89:4

“Nang i kangpreang ly samrang lawm jojo ai; nang i samrang kangpreang ly amtawn jojo ai,’ nanai kaimy leu adeu bo,” napi.

HEBRAI 7:14

Achi i Areng ly Juda cheng theung i nai ne, nanai hawihai amteng veng; huni cheng molam y Mosi my pathyp pi nai keung i satang sai py thui y leang.

1 SAMUELA 16:1

Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.

1 SAMUELA 26:1

Zipha mary i khumi phyreichi ly Sawla awm nai Kibeah mary y chei u i, Davida ly daichi ka-vym kachawn mang i Hakhila mawi saleung y aheu, nanai thui pi u.