1 NENG SATANG 28:2 - Khumi Common Language Bible

² Samrang Davida ly Huni khumichi mo y angdo iy, leu thui. Samrang my, “Kai i khumi mipuichi awi, kai i leu tangai u. Kai ly achi i Areng Tameuh i kheu amchynra Leu Maikawm Pawm khai ai nai yhm harei sa ai nai ngai. Tameuh i amyn palo ai nai Achura yhm sa ai nai molam, kai ly angveirym bo.

1 NENG SATANG 28:2 ပူးပေါင်းရင်းမြစ်များ

ATITI AWM ANGCHEI NAI 48:2

Jakob ly Josepha ang jeu, nanai thai i, atho sa naimy ang thau tanga iy, ira tleaung y ateh.

1 ARENG KEH 1:47

Samrang i bangtangchi ly samrang Davida teng y tahm khai ai nai chei u iy, ‘Nang i Tameuh ly Solomon ai, nang tleaung y amthang hai keh sy; nang i peang nai deung tleaung y Solomon i peang nai deung ly nang chawn nai pri lawm hai sy’ napi u bo. Naibaly samrang Davida ly mymy i ira tleaung y lu meung naimy,

1 ARENG KEH 5:3

“Kai i ampo Davida ly my i sahawi y awm nai paleung ka-echi ai avawrei tiu ai tla nai deaungkho y, my i Areng Tameuh ai chiu ai nai i vui y Achura Yhm so pajau y, nanai nang pany; my i paleung ka-e bawibawichi ai Areng my eaung hai y ryrei ly Achura Yhm so pajau y nai ne.

1 NENG SATANG 17:4

“Kai i miseaung Davida teng y chei iy ni ly kai i awm ai nai Achura yhm sa ai nai khumi ny y leang, nanai thui pi.

1 NENG SATANG 22:14

Kai ly Achura yhm sa ai nai molam muku kaji sie 590,000,0 rei vi py, tangka kaji sie 590,000,00 rei vi py, kachu pi yb bo. Huni bo y kaji neh pajau y na pa-rei nawi nai kheupaja hawi tamochi py, kai teng y awm. Dengkeaungchi, lengseaungchi py awm yb bo. Na i py nang ly hini tleaung y atho sa bi ai nai tla.

1 NENG SATANG 22:6

Samrang ly chapo Solomon ai palau iy, Israela chengchi i Areng Tameuh i vui Achura yhm sa ai nai leu pei bo.

1 NENG SATANG 22:7

Davida my ni teng y, “Deang awi, kai ly Areng Tameuh ai palo ai nai Achura yhm harei sa ai nai ngai.

1 NENG SATANG 6:31

Leu Maikawm Pawm ai Jerusalem mary i chiu sa nai meingtym ra y kasyh nai bo y, samrang Davida ly hini khumichi ai Achura yhm theung y katyn kapau beu ai nai kalopchi pei nai ne.

2 NENG SATANG 6:7

Naibaly Solomon my thui bi nai ly “Kai i ampo Davida ly Israela chengchi i Areng Tameuh ai chiu naira Achura yhm sa ai nai paran teu i py,

SAM 110:1

Areng my, “Kai ly nang i paleung ka-echi ai nang i kheu khaira lawn hai ai; huna nai lawm y ryrei ly kai i lamtang mang y ateh,” nanai kai i Areng teng y leu pei bo.

SAM 132:14

“Kai ly hini mary y kaawm jojo ai; kai ly hini mary ai peang ai nai ngai.

SAM 132:2

Davida my, “Kai ly Areng awm ai nai yhm py, Jakob i ati cheaungkhang sa thai nai Tameuh i yhm py,

SAM 22:22

Nang i sa nai leaungsaichi ai, kai i amjo amnauchi teng y amti pi ai. Nichi i achu naira y kai ly nang ai palo ai.

SAM 99:5

Achi i Areng Tameuh ai ly palo u; mymy i areng atehra mo y lu meung iy chiu u! mymy ly chai parai nai ne.!

ISAIA 60:13

“Aw. Jerusalem mary, nang ai kang palum teang iy, kai i Achura yhm khen apu hai ai nai hawi, Kai i kheu chiura meingtym nang parai hai ai nai nichi ly Lebanon daichi theung i vawi patyp nai maicha keung, tadera keung hawi tasura keungchi ai nangchi teng y ang syn pi ai.

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

TANGAM NAI LEU 2:1

Ar ly kado theu nai deaungkho y, Zion mary ai kaveng khiu hai vui bo. Huni mary i sareaung hawi nai sai ly kani mang dengdai khaileaung y khrairei tla iy phra seaungkhrang veng bo. Mymy i kado theu nai neng khala y ly mymy i Achura yhm py khai su nai ne.

Ezekiela 43:7

Mymy ly “Nang khumicho awi, hi y ly kai i areng atehra awm; kai i kheu chiura meingtym ne. Kai ly hini meingtym y Israela chengchi hawi vanrei awm ai i, nichi ai deungtasarei peang ai. Israela chengchi py ne sy, nichi i samrangchi py ne sy, phailo mang y kamleaung sa nai py, samrangchi i veu ai meingtym ka-sangra y up nai py, kai i amyn kachai y mana khala py thui tamawn bi ai ny y.

MATTHAI 25:16

Naibaly talent pangrei nga nai keung ly huni ly ka-pai sa hai praw i, talent pangrei kamran nga hai bo.

AMTAW 7:49

‘Areng my ly, Kani ly kai i atehra ne, Khaileaung ly kai i kheu amchymra ne, Kai i vui yhm mani ka-tawm sa pi ai mo? Kai i anawn naira meingtym py ati mo?

Leu Thui Nai 17:15

Areng my vawi takhra nai khumi ai naini, samrang palyn ai nai tla. Ni ly nangmychi cheng theung i ne ai nai tla; cheng takhra khumi ai samrang palyn ai nai avo y.

Leu Thui Nai 17:20

Huna nai sa nai ly mymy i Israela chengchi tlang tleaung y pany thai keh, nanai amlyh nai paleung awm ai ny y. Areng i leu pei naichi py ei vui ai ny y. Huna nai khala ni hawi ni i kangpreangchi ly Israela pri y deung kangthau neangneang khrairei peang ai nai nga u ai.