1 NENG SATANG 28:1 - Khumi Common Language Bible

¹ Davida ly Israela cheng miteaung keh bawibawichi ai, Jerusalem mary y angym hai bo. Hunaibaly cheng theaungchi i miteaung keh bawibawichi hawi pri peang nai miteaung keh bawibawichi ai py, Nupai luchi, samrang hawi chapochi i vawnsaichi, keaungngo kano kasau, sichi napi nai tawnbawichi ai kry nai khumichi py angym u bo. Angchi khyp thui ai na baly samrang yhm miteaung kehchi, amyn amthang nai tavai luchi hawi aly len nai khumi ngiereichi ly Jerusalem mary y angym u nai ne.

1 NENG SATANG 28:1 ပူးပေါင်းရင်းမြစ်များ

1 NENG SATANG 22:17

Davida ly Israela cheng miteaung keh bawibawichi teng y, Solomon ai sabawm ai nai leu pei bo.

1 NENG SATANG 23:2

Samrang Davida ly Israela cheng miteaung keh ngiereichi, pathyp pi nai keungchi hawi Levi theaung bawibawichi ai angym hai bo.

1 NENG SATANG 29:1

Samrang Davida ly khumi mipui bawibawichi teng y, “Kai i chapo Solomon ly Tameuh my vawi takhra nai khumi ne. Na i py saneng theang i pany nai sai angym y rai. Ni i sa ai nai kalop ly khri pa-rei len parai. Ati mana nai mo na baly vai sa ai nai ly khumichi i vui samrang yhm ny y, Areng Tameuh i vui Achura yhm ne lawh nai deaungkho y ne.

1 NENG SATANG 29:6

Huna nai khala nupaichi ai lu sa naichi, cheng theaungchi ai lu sa nai miteaung kehchi, tavailu arengchi hawi samrang i vawnsai kry nai khumichi ly Achura yhm i vui, ngai parai nai paleung hawi talam ai nai adeu u bo.

2 NENG SATANG 1:2

Samrang Solomon ly khumi leaung sangrei kamkawm, leaung chungvairei kamkawmchi ai lu sa ai nai tavailu arengchi, miteaung kehchi, yhm dengtheung luchi hawi khumi mipuichi teng y,

JOSUA 23:2

Hunai deaungkho y ni ly Israela cheng miteaung kehchi, lu sa naichi, tara chih nai keungchi, bangtangchi dengdairei cheng bawibawichi ai palau iy, “Kai ly saneng len bo i, miteaung cheang bo.

JOSUA 24:1

Josua ly Israela cheng theaung bawibawichi ai Sekhem mary y angym hai bo. Ni ly Israela miteaung kehchi, lu sa naichi, tara chih nai keungchi, bangtangchi ai palau i nichi ly Tameuh i mo y tym u bo.