1 NENG SATANG 27:25 - Khumi Common Language Bible

^25-31 Samrang i vawnsaichi kry pi nai keungchi i amyn vuikanai ly anui mang ichi ne. Samrang i vawnsai khai nai takun puichi ai Adiela i chapo Azimava my kry. Awm nai meingtym i vawnsai khai nai takun puichi ai Uzia i chapo Jonathan my kry. Li hlau sa naichi ai Khelu i chapo Ezari my kry. Kreip akhochi ai Ramah mary i Shimei my kry. Kreip hang khai naira takunchi ai Shepham mary i Zabdi my kry. Nidym mawi kheutang ra i olive keungchi hawi thaidu keungchi ai Kederi mary i Bela Hanan my kry. Asitui khai nai takun ai Josha my kry. Sharon adymra i sichi ai ly Sharon mary i Shiratai my kry. Leaunghawichi ra i sichi ai ly Adalai i chapo Shaphat my kry. Kula-iuchi ai ly Ismaela theaung Obil my kry. Keaungngo kano kasauchi ai ly Merono mary i Jedeia my kry. Beram hawi Mi-ichi ai ly Hakara theaung Jazi my kry nai ne.

1 NENG SATANG 27:25 ပူးပေါင်းရင်းမြစ်များ

ATITI AWM ANGCHEI NAI 41:48

Josepha ly saneng saryhrei sala y, lichira i theu nai choh ngiereichi ai pakym achu iy, marychira y khaira sa hai i pateung achu bo. Lichira i theu nai chohchi ly kasa nai marychira y pateung hai bo.

2 ARENG KEH 18:15

Naibaly Hezekia ly Achura yhm i hawi samrang yhm i vang kateng khaira i tangka bawibawichi py,

1 NENG SATANG 27:24

Zeruiah i chapo Juaba ly khumi vuikanai tlenrei la i py, angym bawi y nai ne. Hini amyn vuikanai la nai molam y, Tameuh my Israela chengchi ai pajeng bo. Na i py amyn vuikanai la nai vuikanai ly samrang Davida i recordchi ra y tajiu nai by leang.

1 NENG SATANG 28:1

Davida ly Israela cheng miteaung keh bawibawichi ai, Jerusalem mary y angym hai bo. Hunaibaly cheng theaungchi i miteaung keh bawibawichi hawi pri peang nai miteaung keh bawibawichi ai py, Nupai luchi, samrang hawi chapochi i vawnsaichi, keaungngo kano kasau, sichi napi nai tawnbawichi ai kry nai khumichi py angym u bo. Angchi khyp thui ai na baly samrang yhm miteaung kehchi, amyn amthang nai tavai luchi hawi aly len nai khumi ngiereichi ly Jerusalem mary y angym u nai ne.

1 NENG SATANG 29:6

Huna nai khala nupaichi ai lu sa naichi, cheng theaungchi ai lu sa nai miteaung kehchi, tavailu arengchi hawi samrang i vawnsai kry nai khumichi ly Achura yhm i vui, ngai parai nai paleung hawi talam ai nai adeu u bo.

2 NENG SATANG 16:2

Hunai deaungkho y Asa ly Achura yhm hawi samrang yhm yhmtheaung katuichi khai nai yhmchi theung i, muku, tangka awm nai ngierei la iy, Damaska mary Suria samrang Benhada teng y tha i ni teng y,

2 NENG SATANG 26:10

Samrang ly nidym mang mawi kheutangra awm nai mawi tangbiuchi hawi, angdymchira y si kanghuchi khawn nai deaungkho y, daichi ka-vymra i marychi ai angdeangrachi hawi vanrei apai tapang iy, tuikan neangneang tai u. Samrang ly li hlau sa ai nai paleung apei nai deaungkho y, mawi aheungchira y kreip akho sa naichi hawi khaileaung kahawichira y li, hlau sa naichi ai atho pei nai ne.

THEU NAI 1:11

Hunai deaungkho y Aikupta chengchi ly Israela chengchi tlang tleaung y miseaung lu kalenchi khai iy, paleung phra na pa-rei atho no kalopchi sa hai akhikan bo. Hunaibaly samrang Pharao i cha nei vawn kachurachi kachu ai nai Pithom mary hawi Ramese mary sa hai nai ne.

JEREMIA 41:8

Na i py huni khumichi theung i leaung horeichi my, “Kaichi ai padei moh kyh jemjem ba! Kaichi ly daichi theung y heu nai chohpui, chomaw, olive asitui hawi khawihangchi awm,” nanai thui pi i, Ismaela ly nichi ai padei y naimy patleaung bo.