1 NENG SATANG 27:1 - Khumi Common Language Bible

¹ Hini ly samrang i kalop sa pi nai Israela cheng yhm dengtheung luchi, nupai luchi hawi pri peang nai miteaung kehchi i charangchi ne. Nichi ly khumi leaung 24,000 rei awm nai kamkawmchi phy iy, lorei y kamkawm harei kalop sa u bo. Huni kamkawm hahareichi ai, tavailu areng leaungrei my peang nai ne.

1 NENG SATANG 27:1 ပူးပေါင်းရင်းမြစ်များ

2 SAMUELA 23:8

Hini ly Davida i sorai risachi i amynchi ne: angchei i sorai risa ly Haponi mary y awm nai sorai risa leaung thomreichi i lu Joshe Bashebeth ne. Ni ly atiu nai tlenreira my, khumi leaung chungvai tajareichi ai my i tivi hawi thun iy padei pajau nai keung ne.

1 ARENG KEH 4:27

Khu peang nai keung leaung holai nyhreichi ly samrang Solomon cha ai nai hawi samrang yhm i khumi bawibawichi i ngai nai teicha teineichi, lorei y leaung leaungrei my tha pi u ai nai tla bo. Nichi ly samrang yhm y ngai nai ngiereichi pei pi u jojo nai ne.

1 ARENG KEH 4:7

Solomon ly Israela pri y khu peang nai keung leaung holai nyhrei khai. Nichi ly leaungrei y lorei, samrang hawi samrang yhm i vui, mychi khura i teicha teineichi tha pi ai nai tla.

1 ARENG KEH 5:14

Adoniram ai lu sa hai bo. Samrang ly khumichi ai kamkawm thomrei sa; kamkawm harei y khumi leaung 10,000 rei awm; kamkawm harei nai y Lebanon mawi y lorei, yhm y lo nyhrei vawi ai nai pei.

1 NENG SATANG 11:10

Anui ichi ly Davida i amyn amthang nai risachi ne. Nichi ly Areng i adeu nai kamta, Davida ai samrang palyn pajau ai nai takhra Israela khumichi hawi vanrei amkawm iy, samrang i pri khaw hai nai keungchi ne.

1 NENG SATANG 13:1

Samrang Davida ly sangrei kamkawm, chungvairei kamkawmchi i tavailu areng bawibawichi hawi arum bo.

1 NENG SATANG 26:32

Samrang Davida ly Jeria i amjo amnauchi theung y kawp katlen nai yhm dengtheung lu leaung 2,700 reichi ai vawi takhra iy, Ruben pri, Kad pri hawi Manase nisi mangchi ai, reita hawi mary theung i atiti leaungsai ngiereichi kalop pacheang ai nai kalop pei nai ne.

1 NENG SATANG 27:2

Lo lorei kalop amsi nai tavailu arengchi ly: Angchei lo y ly Zabadiel i chapo Jashobeam. (Ni ly Juda theaung Perez i nupai theung y abawi.) Pa-nyh lo y ly Ahohi i kangpreang Dodai ne. Ni i bangtang tavailu areng ly Mikalo. Pa-thom lo y ly pathyp pi nai keung Jehojada i chapo Benaia ne. Ni ly amyn amthang nai sorai leaung phaireichi i lu ne. (Ni i chapo Amizaba ly ni i kalop amtym ai nai nga i, tavailu areng lawm bo.) Palyh lo y ly Juaba i amnau Asahela ne. (Ni i chapo Zebadiah ly ni i amtym ai nga nai ne.) Pa-ngo lo y ly Izaha i chapo Shamhuth. tariu lo y ly Tekoa mary i Ikesa i chapo Ira. saryh lo y ly Pelon mary i Ephraim theaung Heleza. Taja lo y ly Husha mary i Sebekai ne. (Ni ly Juda theaung Zerah nupai theung i ne.) Takaw lo y ly Anatho mary Benjamin theaung ka-peang i Abieza. Lo horei khala ly Netopha mary i Maharai. (Ni ly Zerah nupai theung i ne.) Lo holai harei khala ly Pirathon mary Ephraim theaung ka-peang theung i Benaia. Lo holai nyhrei khala ly Netopha mary i Heladai. (Ni ly Othniela kangpreang ne.)

1 NENG SATANG 28:1

Davida ly Israela cheng miteaung keh bawibawichi ai, Jerusalem mary y angym hai bo. Hunaibaly cheng theaungchi i miteaung keh bawibawichi hawi pri peang nai miteaung keh bawibawichi ai py, Nupai luchi, samrang hawi chapochi i vawnsaichi, keaungngo kano kasau, sichi napi nai tawnbawichi ai kry nai khumichi py angym u bo. Angchi khyp thui ai na baly samrang yhm miteaung kehchi, amyn amthang nai tavai luchi hawi aly len nai khumi ngiereichi ly Jerusalem mary y angym u nai ne.

1 NENG SATANG 29:6

Huna nai khala nupaichi ai lu sa naichi, cheng theaungchi ai lu sa nai miteaung kehchi, tavailu arengchi hawi samrang i vawnsai kry nai khumichi ly Achura yhm i vui, ngai parai nai paleung hawi talam ai nai adeu u bo.

2 NENG SATANG 1:2

Samrang Solomon ly khumi leaung sangrei kamkawm, leaung chungvairei kamkawmchi ai lu sa ai nai tavailu arengchi, miteaung kehchi, yhm dengtheung luchi hawi khumi mipuichi teng y,

THEU NAI 18:25

Israela chengchi theung i lu sa pajau naichi ai vawi takhra iy, khumi leaung sangrei kamkawm, leaung chungvairei kamkawm, leaung vui pangrei kamkawm, leaung horei kamkawmchira y lu sa ai nai khai bo.

MIKHA 5:2

Areng my, “Ephrat ka-peang Bethlehem mary awi, nang ly Juda pri y tahm theang keh nai mary harei ne i py, jangni i samrang kangpreang theung i, Israela chengchi ai peang ai nai samrang leaungrei amthawn ai,” napi.

Leu Thui Nai 1:15

Huna nai deaungkho y kai ly nangmychi cheng theaung theung i lulip pany nai luchi vawi iy kang khai pi bo. Phyreichi ai ly leaung sangrei, phyreichi ai ly leaung chungvairei, phyreichi ai ly leaung vui pangrei, phyreichi ai ly leaung horei peang ai nai khai pi nai ne. Huni bo y nangchi cheng theaung bawibawichi i vui takhra miteaung kehchi ai py kang khai pi bo.

JOSUA 23:1

Neng kra kyh nai bo y Areng ly Israela chengchi ai, tengpang sahawi y awm nai paleung ka-echi my patang hai naira i law tleaung hai. Josua py khri pa-rei miteaung acheang na bo.

1 SAMUELA 8:12

Ni ly phyreichi ai khumi leaung sangrei peang nai tavailu areng, phyreichi ai khumi leaung vuipangreichi ai peang nai tavai lura y ang khai ai; nangchi i chapochi ly samrang i lichi thawn iy chohchi tyn ai nai tla ai; ni i tavai ateaungchi, tavai ka-ri ateaungchi sa u ai nai tla ai.