1 NENG SATANG 26:17 - Khumi Common Language Bible

¹⁷ Nisi ngan mang y tamcheaung risa leaung tariurei, tosyh ngan mang y leaung palyhrei hawi tokalawi ngan mang y leaung palyhrei, kani tleirei typ nai ne. Vawnsaichi khai nai takun puichira y, takun pui harei ly leaung tariurei, kani tleirei risa leaung palyhrei typ ai nai tla.

1 NENG SATANG 26:17 ပူးပေါင်းရင်းမြစ်များ

1 NENG SATANG 26:16

Shupim hawi Hosah nini ly nidym katheu pa-kho hawi tleng mang i lamra awm nai Shalekhi katheu pa-kho typ ai nai tla. Tamcheaung typ ai nai neng kamtleh sa nai ne.

1 NENG SATANG 26:18

Nidym ngan mang i meaungjai sahawi lam salo y tamcheaung risa leaung palyhrei hawi, aleaungra kheupo ra y leaung nyhrei.

1 NENG SATANG 9:24

Achura yhm i nidym nisi, tosyh tokalawi, meingtym palyhrei katheu pa-khochi awm. Huni katheu pa-kho tleirei y tamcheaung lu leaung leaungrei awm.

2 NENG SATANG 31:14

Levi theaung Imanah i chapo, nisi katheu pa-kho typ nai keung Kore ly pei talam nai vawnsaichi kry nai hawi paji nai keung ne.

2 NENG SATANG 8:14

Ampo Davida my sa pi yb nai reita kamta, samrang ly pathyp pi nai keungchi kani tleirei sa ai nai kalopchi py, Pathyp pi nai keungchi i kalop sa naira y sabawm iy khulym thui u nai Levi theaungchi i kalopchi py, pasym pi yb bo. Tameuh i miseaung Davida my leu pei nai kamta, Achura yhm typ nai tamcheaung risachi py, kani tleirei sa ai nai kalopchi kamkawm phy pi bo.

NEHEMIA 12:25

Achura yhm y kun nai katheu pa-kho sahawi i vawnsai khai nai takunchira y kalop sa nai Achura yhm typ nai risachi ly Mattniah, Bakukiah, Obadia, Meshulam, Talamon hawi Akubchi ne.