1 NENG SATANG 24:6 - Khumi Common Language Bible

⁶ Eleaza hawi Ithama nini i kangpreangchi ly tambe va u. Naibaly nichi i amynchi ai Nethanela i chapo, Levi theaungra y secretary sa nai Shemaiah teng y amyn pakun ai nai tla. Huna nai amyn pakun naira y samrang, samrang i bangtangchi, pathyp pi nai keung Zadok, Abiatha i chapo Ahimelek, pathyp pi nai keung yhm dengtheung luchi hawi, Levi theaungchi i yhm dengtheung luchi ly pany nai keungchi ne.

1 NENG SATANG 24:6 ပူးပေါင်းရင်းမြစ်များ

1 ARENG KEH 4:3

Samrang yhm i secretarychi ly Shisha i chapo Elihore hawi Ahijah, vuikanai kry nai keung ly Ahilud i chapo Jehoshapha,

1 NENG SATANG 18:16

Ahitub i chapo Zadok hawi Abiatha i chapo Ahimelek ly pathyp pi nai keungchi ne. Seraiah ly samrang yhm secretary ne.

1 NENG SATANG 23:24

Hini khumichi ly cheng theaung hawi yhm dengtheung kangpreang Levi theaungchi ne. Huni khumi bawibawichi ai leaung leaungrei amyn vuikanai khai typ nai ne. Saneng apomrei hawi leng awm nai Levi i kangpreang bawibawichi ly Areng i Achura yhm y kalop sa u nai ne.

1 NENG SATANG 24:31

Mymychi i amjo amnau Aron i kangpreang pathyp pi nai keungchi i sa nai kamta, yhm dengtheung tleirei i lu sa naichi hawi huni yhm dengtheung i amnau leaungrei ly tambe va iy kalopchi sa u nai ne. Hina nai sa naira y samrang Davida, Zadok, Ahimelek hawi pathyp pi nai keungchi i yhm dengtheung luchi hawi, Levi theaungchi i yhm dengtheung luchi ly pany hai naichi ne.

1 NENG SATANG 24:7

Hinichi ly mymychi i kalopchi ai phy pi naira y abawi u nai yhm dengtheung kamkawm 24 reichi ne. 1. Jehojari 2. Jedaih 3. Harim 4. Seorim 5. Malakhijah 6. Mijamin 7. Hako 8. Abijah 9. Jesua 10. Shekaniah 11. Eliashib 12. Jakim 13. Hupah 14. Jeshibea 15. Bilaka 16. Immera 17. Hezira 18. Hapize 19. Pethahiah 20. Jehekela 21. Jakhin 22. Kamula 23. Delaia 24. Maaziachi ne.

2 NENG SATANG 34:13

Levi theaung phyreichi ly yhm sa nai ateaungchi tawn nai kalopra py, phyreichi ly kalop takhra takhrachi ra y kalop sa keungchi ai kalop pacheang naira py, phyreichi ly recordchi kry nai, ti y baly katheu pa-kho tym naichi ra py kalop sa u nai ne.

EZARA 7:6

Ezara ly Israela chengchi i Areng Tameuh my Mosi teng y pei nai Reita leu angym pa-rei kawp nai khumi kacheng ne. Ezara ly my i Areng Tameuh teng i amtheaung naira nga nai khumi ne nai deaungkho y, samrang ly ni i hnei nai ngiereichi pei pi nai ne. Ezara ly pathyp pi nai keungchi, Levi theaungchi, Achura yhm katyn kapau beu kawp naichi, Achura yhm tamcheaungchi hawi kalop sa naira y abawi nai Israela chengchi hawi vanrei, empara samrang Artazeret my peang nai saryh saneng y Babulon mary i dengdairei Jerusalem mary y jeu nai ne.

NEHEMIA 8:1

Saryh lo tym nai khala y Israela chengchi ly mymychi i mary katheang kalenchira y khuteng chah u bo. Huni lo kani harei kani y nichi ly Jerusalem mary tuilam pa-kho theung mang i meingtymchyra y angym u. Nichi ly Israela chengchi teng y Mosi i dengdairei, Areng my pei nai Reita leuchi pany keh nai pathyp pi nai keung Ezara teng y, huni Reita leu cha-iu syn ai nai takeng u bo.

MATTHAI 13:52

Nichi my ly mymy teng y, “Ne chy,” napi. Naibaly mymy ly nichi teng y, “Huna nai ne baly kani pri my peang nai i abang nai khumi ai palawn nai Reita patiu nai keung ngierei ly, yhmkeung my mymy i yhmtheaung dengdairei atiti kangthachi hawi atiti kangngymchi py patheaung nai kamta atawm,” napi.

MATTHAI 8:19

Naibaly Reita patiu nai keung leaungrei ly jeu i mymy teng y, “Sara awi! Kai ly nang i chei ai naira tleirei y abang ai,” napi.

MARKA 2:26

Huna nai Abiatha ly pathyp pi nai keung kalen keh y awm nai thym khala y ni ly Tameuh i yhm y kun i, pathyp pi nai keung harei cha ngau khyh nai khai takhra nai tako cha iy, abangnaichi teng y py pei teang nai leu ly?” napi.