1 NENG SATANG 23:4 - Khumi Common Language Bible

⁴ Samrang ly hunichi theung i khumi leaung 24,000 reichi ai, Achura yhm theung y chiu sa naira y kalop pei. Khumi leaung 6,000 reichi ai ly recordchi kry hai iy, tara chih nai kalop sa hai bo.

1 NENG SATANG 23:4 ပူးပေါင်းရင်းမြစ်များ

1 NENG SATANG 6:48

Huni khumichi i amjo amnau takhra Levi theaungchi ly chiu sa nai meingtym ra y takhra kalopchi sa u nai ne.

2 NENG SATANG 19:8

Jehoshapha ly mary i khumichi tengtawi ajo athui naichi hawi Areng i Reita taphra naichi ai tara chih ai nai molam, Levi theaungchi hawi mary i miteaung kehchi ai tara chih nai keung y khai bo.

2 NENG SATANG 23:18

Jehojada ly pathyp pi nai keungchi hawi Levi theaungchi teng y, Achura yhm i kalopchi sa ai nai khai. Nichi ly samrang Davida my khai pi yb nai kalopchi sa iy, Mosi i Reita cha-iu theung y tajiu nai kamta, leng patlum nai kapathyprachi Areng teng y talam u. Nichi ly katyn kapau beu nai hawi pawi sa nai kalopchi py sa u ai tla.

2 NENG SATANG 34:13

Levi theaung phyreichi ly yhm sa nai ateaungchi tawn nai kalopra py, phyreichi ly kalop takhra takhrachi ra y kalop sa keungchi ai kalop pacheang naira py, phyreichi ly recordchi kry nai, ti y baly katheu pa-kho tym naichi ra py kalop sa u nai ne.

NEHEMIA 11:22

Jerusalem mary y awm nai Levi theaungchi ai lu sa nai keung ly Hashabiah i katu, Bani i chapo Uzi ne. Ni i amsi pajochi theung y Mattniah hawi Mika nini abawi. Ni ly Achura yhm y chiu sa nai khala, katyn kapau beu kawp naichi i lu Asap i nupai kangpreang ne.

NEHEMIA 11:9

Zikhri i chapo Joela ly nichi i lu ne i, Hasenua i chapo Juda ly pa-nyh lu ne.

Ezekiela 44:24

Ka-jo ka-thui sai sairei awm lawh nai khala nichi ly kai i reita kamta chih pi ai nai tla. Reita pawichi ai kai i reita hawi leu pei nai kamta sa ai nai tla. Anawn kani ai kani kachai palawn iy teaung ai nai tla.

MALAKHI 2:7

Tameuh i satang hawihai palai pany pajau ai nai leu patiu nai ly pathyp pi nai keungchi i kalop ne. Nichi ly ati cheaungkhang sa thai nai Areng i savaichi ne nai deaungkho y, khumichi ly kai i kangai pany pajau ai nai, nichi teng y chei u nai ne.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

Leu Thui Nai 16:18

“Nangchi i Areng Tameuh my pei nai mary tleirei y, tara chih nai keungchi hawi takhra miteaung kehchi khai ai nai tla. Nichi ly meimai khen y naimy, tara chih ai nai tla.