1 NENG SATANG 23:29 - Khumi Common Language Bible

²⁹ Nichi ly Tameuh teng y talam nai tako, katalamra tako dei, angbo abawi y nai tako phichi, mai hawi paawp nai katalamrachi, asitui hawi katlen nai takodeichi sa naira y lu sa nai ne. Nichi ly Achura yhm theung y katalamrachi neh naira py abawi ai tla.

1 NENG SATANG 23:29 ပူးပေါင်းရင်းမြစ်များ

1 ARENG KEH 7:48

Solomon ly Achura Yhm i vui muku ateaungchi py sa hai nai ne. Hunichi ly maicham, Tameuh i vui tako khaira sabawi,

1 NENG SATANG 23:28

Nichi sa ai nai kalopchi ly Achura yhm theung y chiu sa nai khala, Aron i kangpreang pathyp pi nai keungchi ai sabawm ai nai, Achura yhm apai theung y hawi takunchi kry ai nai, tahm pateng nai atitichi ai kachai khai ai nai kalopchi ne.

1 NENG SATANG 23:30

Nichi ly dym tlei, khawn tleirei Anawn kani, lo si pawi kanichira y kapathyprachi talam nai neng tleirei, Areng i nang parai nai ai palo ai tla nai ne.

2 NENG SATANG 13:11

Nichi ly dym tlei, khawn tlei mui katuichi hawi bom verei leng patlum nai kapathyprachi, Areng teng talam u. Reita leaungsai hawi sabawi kachai salo y khai takhra nai takochi talam u bo. Dym tleirei muku maisi yhm khaira tleaung y maisichi thawn u. Kaichi ly Areng i leu pei naichi tangai u. Nangchi ly mymy ai khai u su bo.

2 NENG SATANG 29:18

Levi theaungchi ly samrang Hezekia teng y, “Kaichi ly leng patlum nai kapathyprachi i vui maicham, tako kachai khaira sabawi hawi ateaung alangchi raurei, Achura yhm verei py, reita leaungsai kamta kachai sa nai pajau bo.

NEHEMIA 10:33

Kaichi ly Achura yhm y chiu sa ai nai molam y tako kachai, kani tleirei teicha teinei talam nai, kani tleirei leng patlum ai nai tawnbawichi, anawn kani, lo si pawi kani hawi takhra pawi kanichi i vui katalamrachi, takhra chai parai nai katalamrachi, Israela chengchi i vui kamngo lawi nai kapathypra hawi, Achura yhm i vui takhra aly ngai naichi katalam u ai.

THEU NAI 25:30

Huni sabawi ly Leu Maikawm Pawm i mo mang y khai ai nai tla; kai teng y talam nai tako kachaichi py, sabawi salo y avaw y pa-rei khai ai nai tla.

Levi 7:9

Takeang mai y paawp nai teicha teinei katalamra, laawm pangdai, ti y baly tamo laawm pangdaira dang nai teicha teinei katalamrachi ly talam pi nai pathyp pi nai keung i vui ne.

Kati Nai 3:50

tangka chang 1,365 rei la iy,

MATTHAI 12:4

Huna nai mymy ly Tameuh i yhm y kun iy mymy hawi ni teng y abangnaichi py cho ngau y nai, pathyp pi nai keungchi harei cha ngau khyh nai khai takhra nai tako cha nai leu ly?

HEBRAI 9:2

Ati mana nai mo nabaly achura yhm jang u i, angchei i naira y maisi khai naira hawi, sabawi hawi, khai takhra nai tako py awm; huni ly Meingtym Kachai napi nai ne.