1 NENG SATANG 23:25 - Khumi Common Language Bible

²⁵ Davida my, “Israela chengchi i Areng Tameuh ly mymy i khumichi ai tlamsa naira pei iy, mymy py Jerusalem mary y awm pi jojo ai.

1 NENG SATANG 23:25 ပူးပေါင်းရင်းမြစ်များ

2 SAMUELA 7:1

Samrang Davida ly mymy i samrang yhm y tlamsa naimy awm nai khala y, Areng ly samrang Davida ai paleung ka-echi teng i nai chymme hai nai deaungkho y,

1 ARENG KEH 8:13

Vai ly kaimy nang i vui Achura Yhm, nang i vui deungtasarei awm ai nai meingtym sa pi nai pajau bo,” nanai chiu sa bo.

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

1 NENG SATANG 22:18

Samrang my, “Nang i Areng Tameuh ly nangchi hawi vanrei awm iy, nangchi ai meingtym tleirei y tlamsa naira pei bo. Mymy ly vaichi khala, hini pri theung y awm nai khumichi ai kai teng y au iy, kai ly nichi ai Areng hawi mymy i khumichi i vui y peang vui bo.

2 NENG SATANG 23:18

Jehojada ly pathyp pi nai keungchi hawi Levi theaungchi teng y, Achura yhm i kalopchi sa ai nai khai. Nichi ly samrang Davida my khai pi yb nai kalopchi sa iy, Mosi i Reita cha-iu theung y tajiu nai kamta, leng patlum nai kapathyprachi Areng teng y talam u. Nichi ly katyn kapau beu nai hawi pawi sa nai kalopchi py sa u ai tla.

SAM 135:21

Zion mawi salo y py, mymy awm nai Jerusalem mary theung y py, mymy ai palo u. Areng ai palo u!

SAM 68:16

Mawi aheung len parai naichira i dengdairei nang ly ati mana nai Tameuh awm ai nai vawi takhra nai mawi ai, mei aniu y nai paleung hawi khen lawh mo? Areng ly huni mawi salo y deungtasarei awm jojo ai!

SAM 68:18

Mymy ly langheng hawi naichi ai hawi iy, asang nai meingtym mang y lyn kalau bo; mymy ly tiu nai khumichi teng i langseaungchi nga bo. Areng Tameuh ly huni meingtym y awm ai.

SAM 9:11

Zion mary ai peang nai keung Areng ai ly palo nai khulym thui u! Mymy i sa nai leaungsaichi ai khumi cheng cheaungkhangchi teng y thui pi u!

ISAIA 8:18

Areng my kai ai ang pei nai cho chanauchi hawi vanrei, kai ly hi y awm nai ne. Zion mawi salo y awm nai ati cheaungkhang sa thai nai Areng ly kaichi ai Israela chengchi i vui y leu pei nai kamta heng ai nai lawm hai bo.

Ezekiela 48:35

Mary ai tapang meuh nai mary apai makeng palyhrei i jeng kasau bawibawi ly miu meaungkateaung atlo sang tajarei awm. Huni mary ai vai i dengdairei “Areng ly hi y awm!” nanai thui u ai.

ZEKHARIAH 8:3

Kai ly kaimy i chai parai nai Jerusalem mary y kavawi teang ai. Huni mary y kaawm ai. Huni mary ly ka-ym awm nai mary nanai py, ati cheaungkhang sa thai nai Areng i mawi ly mawi kachai nanai py, amyn pathi ai.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

KOLOSA 2:9

Mymy y ly Tameuh i angym naira cheaungkhang ly tlang nga nai awm veng.

JOSUA 23:1

Neng kra kyh nai bo y Areng ly Israela chengchi ai, tengpang sahawi y awm nai paleung ka-echi my patang hai naira i law tleaung hai. Josua py khri pa-rei miteaung acheang na bo.