1 NENG SATANG 23:13 - Khumi Common Language Bible

¹³ Ni i chapo chalu Amaram ly Aron hawi Mosi nini i ampo ne. (Aron hawi ni i kangpreangchi ly tahm pateng nai vawnsai ateaung alangchi kry ai nai, Areng ai chiu naira y mui katuichi leng patlum ai nai, mymy i kalop sa pi ai nai hawi mymy i amyn y khumichi ai amtheaung naira pei ai nai kalop pei takhra nai keungchi ne.

1 NENG SATANG 23:13 ပူးပေါင်းရင်းမြစ်များ

1 NENG SATANG 23:12

Kohath ly Amaram, Izaha, Hebron hawi Uziela napi nai chapo leaung palyhrei awm.

1 NENG SATANG 6:3

Amaram ly Aron hawi Mosi napi nai chapo leaung nyhrei hawi Miriam napi nai chaniu leaungrei py awm. Aron ly Nadab, Abihu, Eliaza hawi Ithama napi nai chapo leaung palyhrei awm.

1 NENG SATANG 6:34

Elakana, Jeroham, Eliel, Toah,

SAM 106:16

Daichi ka-vym theung y nichi ly Mosi ai py, Areng i chai parai nai miseaung Aron ai py, takho u bo.

SAM 99:6

Mosi hawi Aron nini ly nang i pathyp pi nai keung ne; Samuela py mymy teng y chiu sa nai keung leaungrei ne; nichi ly Areng teng y chiu sa nai khala y, mymy ly tangai pi bo.

THEU NAI 28:36

Muku phei harei sa iy, ‘Areng i vui aau patyp ai,’ nanai tajiu typ ai nai tla.

THEU NAI 29:44

Kai ly kai i awmra Tabynako hawi maicham ai chai hai iy, Aron hawi ni i chapochi ai kai i kalop sa ai nai pathyp pi nai keung y khai takhra ai.

THEU NAI 6:20

Amram ly mymy ampo i tuicho Jokebedi ai pom i Mosi, Aron, ai sa. Amram ly saneng chungvai atlo phai palyh saryhrei heng.

Levi 10:10

Nang ly Tameuh hawi amtawn abi nai mo, amtawn abi y nai mo, reita y chai nai mo, chai y nai mo, khawilang thai ai nai tla.

Kati Nai 18:1

Areng my Aron teng y, “Nang hawi nang i chapochi py, Levi theaungchi py, kai i awmra Tabynako i vui reita sa naira y tamang lawh baly, nangchi ly pajeng naira avum u ai; na i py pathyp pi nai keung kalop sa naira y tamang lawh baly, nang hawi nang i chapochi naini pajeng naira avum u ai.

Kati Nai 26:59

Levi i chaniu Jokebed i juvo ne. Jokebed ai ly Aikupta pri y tapen; Amram hawi Jokebed nini ly chapo Aron hawi Mosi, chaniu Miriamchi ai sa.

Kati Nai 3:27

Kohath i nupai theung y Amram, Izhara, Hebron hawi Uziela i dengtheungchi abawi i,

LUKA 1:9

pathyp pi nai keung i reita kamta, ni i vui ly achura yhm kalen pui y kun iy rimui patawi ai nai tla.

AMTAW 13:2

Naibaly Areng i kalop sa nai hawi biu hai nai thym khala y Phailo Kachai my ly, “Barnaba hawi Sawla nini ai ly kai i khai rym nai atiti sa ai nai ly kai ai khai pi u takhra,” napi.

ROM AVANGCHI TENG Y PAWLA I CHA PA NAI 1:1

Pawla, Isu Krista i miseaung amtaw thau nai lawn ai nai palau nai, Tameuh i Satang Kahawi thui pi ai nai khai takhra nai ly,

KALATIA 1:15

Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tameuh my ly,

Leu Thui Nai 10:8

Mawisalo y Areng ly Levi theaungchi teng y Leu Maikawm Pawm kry ai nai py, pathyp pi nai keung kalop sa ai nai py, mymy i amyn y amtheaung hai nai kalop py au nai ne. Nichi ly vaini khrairei huni kalopchi sa u bo.

Leu Thui Nai 21:5

Levi theaung pathyp pi nai keungchi py huni meingtym y chei u ai nai tla; ati mana nai mo na baly nichi ly hina nai kasi tara tleirei y tara chih ai tla nai deaungkho y ne. Nangchi i Areng Tameuh ly mymy i kalop sa hai ai nai hawi mymy i amyn y amtheaung hai ai nai vawi takhra naichi ne.

HEBRAI 5:4

Naibaly Aron i tlang tleaung y tym nai kamta, Tameuh my palau nai kha y ny y baly, ami py huni tahm khai naira ly amymy alo vai y leang.

AMTENG HAI NAI 8:3

Naibaly kani pri i amtaw thau nai takhra ang jeu i, rimui pakhyh nai muku laawm syn naimy maicham mo y angdo bo; naibaly mymy ly areng atehra mo y awm nai muku maicham salo y khumi kachaichi i chiu sa naira hawi amrui thai ai nai, ni teng y pakhyh ai nai rimui neangneang au bo.

1 SAMUELA 2:28

Kai ly Israela cheng theaung bawibawichi theung i, ni i yhm dengtheungchi ai kai i maichamra y apathyp nai, rimui patawi nai, kai i kangai pany ai nai Ephod amchiu nai kalopchi sa ai nai, kai i pathyp pi nai keung kalop sa ai nai kaimy vawi yb nai ne. Huni bo y maicham y leng patlum nai kapathyp mawichira i phy nga ai avo nai py, nichi ai kaimy vui pi bo.