1 NENG SATANG 22:19 - Khumi Common Language Bible

¹⁹ Hunaibaly nangchi i Areng Tameuh i kalop ra y paleung hawi verei so u. Areng i amyn tahm pasang ai nai Achura yhm so u. Huna khala naini nangchi ly Areng i Leu Maikawm Pawm hawi mymy ai chiu naira y teaung nai takhra vawnsai ateaung alangchi ai, Achura yhm theung y khai ai nai nga u ai,” napi.

1 NENG SATANG 22:19 ပူးပေါင်းရင်းမြစ်များ

1 ARENG KEH 5:3

“Kai i ampo Davida ly my i sahawi y awm nai paleung ka-echi ai avawrei tiu ai tla nai deaungkho y, my i Areng Tameuh ai chiu ai nai i vui y Achura Yhm so pajau y, nanai nang pany; my i paleung ka-e bawibawichi ai Areng my eaung hai y ryrei ly Achura Yhm so pajau y nai ne.

1 ARENG KEH 8:21

Achi i amsi pajochi ai Aikupta pri i dengdairei theu hai nai thym khala y, Areng my nichi hawi asa nai Leu Maikawm lengseaung pheichi abawi nai Leu Maikawm Pawm ai ly Achura Yhm theung y khai ai nai meingtym sa rym bo,” napi.

1 ARENG KEH 8:6

Naibaly pathyp pi nai keungchi ly Leu Maikawm Pawm ai Achura Yhm theung y tym hai i, Khri pa-rei chai parai nai meingtymra y awm nai kherubenchi i pakhi anui y khai u bo.

1 NENG SATANG 16:10

Achi ly mymy i khumichi ne i, amo theu u; mymy ai chiu nai khumi bawibawichi ly amo theu u sy!

1 NENG SATANG 16:11

Sabawm naira nga ai nai Areng teng y chei u; mymy ai ly chiu u jojo.

1 NENG SATANG 22:16

muku, tangka, kheupaja, tamochi hawi sa nai kupe kakawpchi py neangneang awm bo. Nang ly vaimy kalop amteaung jau. Areng ly nang hawi vanrei awm hai sy,” napi.

1 NENG SATANG 22:7

Davida my ni teng y, “Deang awi, kai ly Areng Tameuh ai palo ai nai Achura yhm harei sa ai nai ngai.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

2 NENG SATANG 5:7

Naibaly pathyp pi nai keungchi ly Leu Maikawm Pawm ai Achura yhm theung y pakun u iy, khri pa-rei chai nai meingtym kherubenchi sala y khai u bo.

2 NENG SATANG 6:11

Kai ly Israela chengchi hawi Areng asa nai Leu Maikawm lengseaung phei awm nai Leu Maikawm Pawm py, Achura yhm theung y khai bo,” nanai mipuichi teng y thui pi nai ne.

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 14:2

Areng ly khumi kachengchi hawi mymy ai chiu nai khumichi awm mo, by y mo, nanai pany ai nai kani pri mang dengdairei khumichi ai khen kathiu bo.

SAM 27:4

Areng teng y hnei ai ngai nai, kai i kadeaung nai langseaung harei awm; huni langseaung ly Areng i yhm y deungtasarei awm ai nai, kawn nai leu thui naimy palo ai nai hawi, mymy i patei pi nai lam nga ai nai py ngai nai ne.

THEU NAI 25:8

Khumi mipuichi ly kai i vui Tabynako sa ai nai tla. Naibaly kai ly nichi theung y kaawm hai ai.

ISAIA 60:1

Aw Jerusalem mary, anglaw iy kanito kamta angvang ba. Nang i kangvang ly tym bo. Areng i nang parai naira ly nang i tlang tleaung y kangvang ko bo.

JEREMIA 29:13

Nangchi ly paleung hawi verei hau ai nai deaungkho y, kai ai hau nai avum u ai.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

HAKAI 1:5

Ati mana mo, nanai nangchi niu y nai sai a?

HAKAI 1:8

Vaimy mawichi mang y chei u iy, dengkeaungchi lo u ly Achura yhm so u teang. Hunaibaly kai ly kawn ai; cheang baly avo nai kamta kai ai chiu u pajau ai.

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 22:16

Naibaly ati mana nai nang ly vai ajeng jo rai mo? Angthau ly, mymy i amyn palau nai tarawi y baptisma nga iy nang i kamngochi chai hai bei,’ ang napi.

Leu Thui Nai 4:29

Hu y nangchi ly nangmychi i Areng Tameuh ai kadeaung u ai. Nangchi i paleung phailo verei hawi hau u baly, mymy ai avum u ai.