1 NENG SATANG 21:26 - Khumi Common Language Bible

²⁶ Areng i vui maicham sa iy leng patlum nai kapathypra hawi amkawm nai kapathyprachi talam bo. Samrang chiu sa nai khala, Areng ly maicham salo i tawnbawichi mai kang ai nai molam, kani mang dengdairei mai pala pi bo. Hina nai kamta samrang i chiu sa nai pathang pi nai ne.

1 NENG SATANG 21:26 ပူးပေါင်းရင်းမြစ်များ

1 ARENG KEH 18:24

Hunaibaly bala i amochi ly mychi i tameuh teng y chiu so u sy; kai py Areng teng y chiu kasa ai. Kaichi bawibawi i chiu sa hnei takeng nai pathang pi iy mai pala pi nai keung ly Tameuh tatang ne ai,” napi. Mipuichi ly Elija i thui nai leu ai ngai u i, aeu u sau na bo.

1 ARENG KEH 18:38

Naibaly Areng my mai pala pi nai deaungkho y apathyprachi hawi raurei, theng hawi lengseaungchi py, kang pawn nai chang y i, khaileaung malawn py kang iy, leaunghawira i tuichi py kang pawn nai ne.

1 NENG SATANG 21:27

Areng ly kani pri amtaw thau teng y my i haisau khai su ai nai leu pei i, kani pri amtaw thau ly tangai bo.

2 NENG SATANG 3:1

Solomon i ampo samrang Davida ly Achura yhm sa ai nai meingtym tahyh pi yb. Huni meingtym ly Areng my Davida teng y patei pi nai Jerusalem mary Moria mawi, Jebusi cheng Araunah i choh ati nai meingtym ne. Samrang Solomon i Achura yhm sa ai amteaung nai ly

2 NENG SATANG 7:1

Huna nai kamta samrang Solomon chiu sa pajau nai khala, kani mang dengdairei mai tla iy, katalamrachi kang hai. Naibaly Achura yhm ly Areng i phum-ang kangvang hawi kawi na bo.

SAM 51:15

Aw Areng, kai i labeaung paeaung pi kyh ba; naibaly kai ly nang ai palo ai.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

SAM 99:9

Achi i Areng Tameuh ai ly palo u; mymy i mawi kachai salo y chiu u! Achi i Areng Tameuh ly kachai ne.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

Levi 9:24

Naibaly ly Areng ly tlenrei khyhmy mai kangveaung tla hai miu iy, maicham tleaung i leng patlum nai tawnbawi hawi thauchi kang hai bo. Khumi bawibawichi ly huni leaungsaichi niu nai khala, aeu iy khaileaung y ambeu u bo.

Kati Nai 16:50

Ka-jei awm nai no kanghawi anawn chum baly, Aron ly Mosi awm nai Tabynako katheu pa-kho mang y ali teang bo.

TARA CHIH NAI KEUNGCHI 13:20

Maicham i nai maikadeuchi sau nai thym khala, Areng i kani pri amtaw thau nai ly maikadeu theung i dengdairei, kani mang y lyn kalau nai Manon ni aju juvo niu hawi. Huna khala naini huni khumi ly kani pri amtaw thau ne, nanai Manon pany bo. Hunaibaly nini aju juvo leaung nyhrei ly khaileaung y ambeu hawi. Huni bo y nini ly kani pri amtaw thau ai mana khala py, niu hawi ali bi y leang bo.

TARA CHIH NAI KEUNGCHI 6:21

Hunaibaly Areng i kani pri amtaw thau nai ly kiu pheu iy, my i syn nai cheaungvawi meaung hawi, mi-i mawi hawi takochi ai teaung nai khala, lengseaung theung i nai mai kadeu theu i, mi-i mawi hawi takochi ai kang hai. Naibaly kani pri amtaw thau nai ly tama veng bo.