1 NENG SATANG 21:2 - Khumi Common Language Bible

² Davida ly Juaba hawi takhra tavailu arengchi teng y, “Nangchi ly Israela pri verei y chei u ly khumi amyn vuikanai lo u. Khumi vuikanai majirei awm mo, nanai kai pany ai nai ngai,” napi.

1 NENG SATANG 21:2 ပူးပေါင်းရင်းမြစ်များ

ATITI AWM ANGCHEI NAI 21:14

Kani pa-nyh khawn angthodyh Abraham ly Hakara teng y teicha teinei hawi tui kawi meng nai mawi peih adym pei pi; deaungdi ai peu hai iy yhm i nai pala vui bo. Miseaung nu ly hu i nai satla i, Beraseba napi nai daichi ka-vym mang y preang bo.

2 SAMUELA 17:11

Nang ai kaimy tau pei ai ngai nai ly pangli spryh jirei nawi nai Israela cheng bawibawichi ai khuteng taki katem i dengdai temra y khrairei palau ai nai ne. Naibaly nichi ai nangmy lu sa iy tavai keung y thau ba.

2 SAMUELA 24:15

Hunai deaungkho y Areng ly khawn mang dengdairei khai yb nai neng ryrei, Israela chengchi tlang tleaung y chym thai nai no kanghawi tym hai bo. Khuteng katem y khrairei, Israela cheng leaung 70,000 reichi dei nai ne.

1 ARENG KEH 4:25

Ni i heng nai ryrei Juda pri hawi Israela pri verei y awm nai khumichi ly mychi yhm dengtheungchi i kreip akho hawi thaidu keung akhochi ra y tlamsa naimy awm u nai ne.

2 NENG SATANG 30:5

Reita leu pei nai kamta, Katlen Vui Nai Pawi ai, vaichi khala i sa naichi tleaung y hawi keh pa-rei sa ai i, Tosyh mang i Dan mary dengdai tokalawi mang Berasheba mary khrairei, Israela cheng bawibawichi ai palau nai ne.

LEU KACHENG 29:23

Amlyh am-e parai nai khumi ly tahm by y ai. Na i py paleung apanem nai khumi ly tahm asang naira nga ai.

II KORINTH 12:7

Naibaly amteng hai nairachi ly khri pa-rei ty nanai deaungkho y tahm ka-pasang ala y ai nai, tlang y patho sprym ang viu hai nai ne, huni ly Setan i amtaw thau nai kai ai tapheu piupa nai ne, ti y baly tahm ka-pasang ala lawh na.

TARA CHIH NAI KEUNGCHI 20:1

Tosyh ngan Dan mary dengdairei, tokalawi ngan Beraseba mary khrairei py, nisi ngan Kilead pri i nai py, Israela cheng bawibawichi ly tavai tiu ai nai palau nai molam y angym u kaleuteu i, Mizapa mary Areng i mo y jeu u achu bo.

1 SAMUELA 3:20

Hunaibaly Samuela ly Areng i amo ne khyp nai satang, pri katem y khrairei awm nai Israela chengchi pany u bo.