1 NENG SATANG 21:17 - Khumi Common Language Bible

¹⁷ Davida my, “Aw Tameuh, sa tamang nai keung ly kai ne. Khumi amyn vuikanai la ai nai leu pei nai keung ly kai ne. Hini pahen ai hawi nai khumichi ly ati tamang u mo? Aw Areng, kai i Tameuh, kai hawi kai i yhm dengtheungchi ai pajeng iy, nang i khumichi ai ly pahen pi ba,” nanai hnei takeng.

1 NENG SATANG 21:17 ပူးပေါင်းရင်းမြစ်များ

ATITI AWM ANGCHEI NAI 44:33

Naibaly hini bechy i jeng y kai ly areng nang i miseaung y kaawm lawh ai khyh bo; ni ly amjochi hawi vanrei vawi ali teang sy.

2 SAMUELA 12:10

Nang ly kai i leu pei nai tangai y naimy, Uriah i aju ai la veng nai deaungkho y, nang i kangpreangchi teng y ka-jei hawi parai naimy dei naichi awm ai.

2 SAMUELA 24:1

Huni bo y Areng ly Israela chengchi tlang tleaung y kado theu nai deaungkho y, nichi ai pajeng ai nai molam, Davida ai kamngo sa hai. Areng my Davida teng y, “Chei ly Israela hawi Juda pri y khumi vuikanai lo.” napi.

2 SAMUELA 24:17

Khumichi ai pajeng nai kani pri amtaw thau ai Davida my niu nai khala, Areng teng y, “Kamngo awm nai ly kai ne; sa tamang nai khumi ly kai ne; hini khumichi ly ati kamngo sa u mo? nang ly kai hawi kai i yhm dengtheungchi ai naini, pajeng naira tym hai ba,” napi.

2 SAMUELA 7:8

“Na i py ati cheaungkhang sa thai nai keung kai, Areng ly kai i miseaung Davida teng y, ‘Kai ly nang ai kai i khumi Israela chengchi i samrang lawm ai nai, beram typ nai prang i dengdairei, kang palau nai ne.

1 ARENG KEH 22:17

Huna nai khala Mikha my, “Israela mipuichi ly typ nai keung by y nai beramchi kamta, mawi saleungchira y ahei phro nai kai kaniu. Areng my, ‘hini khumichi ai lu sa nai keung by y; nichi ai mychi i yhm mang y tlamsa naimy vawi ai nai phai pei pi,’ nanai leu ang pei,” napi.

1 NENG SATANG 21:8

Davida my, “Kai ly hini ka-jei hawi nai kamngo sa tamang lawh bo ly! Kai i kamngo pahen pi kyh ba. Kai ly khumi ka-khum lawm bo,” nanai Tameuh teng y hnei takeng bo.

SAM 44:11

Nang ly kaichi ai beramchi kamta tleh hai iy, pri takhra mang y ahei hai bo.

SAM 51:14

Aw Tameuh, kai i hengra ai pahen kyh ba; kai ai atleu kyh ba; kai ly nang i leu meitang adyh adawi nai satang ai amo theu parai naimy amthang hai ba.

SAM 51:4

Kai ly nang i tlang tleaung y kamngo sa bo, nang ai naini kamngo sa nai ne. Nang i mei ka-niu y sa tamang bo. Hunai deaungkho y kai ai nangmy tara chih nai ly avo khyp nai ne. Kai i tlang tleaung y kamngo pajeng nai ly teng khyp bo.

SAM 74:1

Aw Tameuh, nang ly ati mana nai y kaichi ai, hina nai kamta khai su lawh mo? Nang ly nangmy i khumichi ai avawrei kado theu hai jojo ai bo a?

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

JONA 1:12

Jona my, “Kai ai pangli theung y aphi u; naibaly ali kamchai ly aham ryp ai mang. Nangchi ali kamchai avum nai ly kai i kamngo nai y ne, nanai kai pany bo,” nanai pathang.

ROM AVANGCHI TENG Y PAWLA I CHA PA NAI 9:3

Kai i amjo amnauchi, tlang mang i kai i chengchi i jeng y kai ly Krista teng i nai amprei vui iy, amsawi lawi nai pa-rei py kaawm iy khyly kangai kai ly.

JOSUA 22:18

Mymy ai vai, khai u su ai bo a? Nangchi ly Areng ai vaini tiu u baly, khawndam mymy ly Israela cheng verei ai kado theu ai.

I JOHAN 3:16

Mymy ly achi i vui y mymy i hengra pei vui nai deaungkho y tamen naira ly ati mo, nanai achi pany; achi py amjo amnauchi i vui y achi i hengra pei teang ai nai tla.