1 NENG SATANG 21:13 - Khumi Common Language Bible

¹³ Davida ly Kad teng y, “Kai ly khri pa-rei rai naira theung y tym lawh bo ly! Na i py khumi my pajeng nai ly kangai y. Areng my pajeng na sy. Ati mana nai mo na baly mymy ly pahen nai keung ne,” napi.

1 NENG SATANG 21:13 ပူးပေါင်းရင်းမြစ်များ

2 ARENG KEH 6:15

Kani pa-nyh khawn angthodyh khala y, Elisa i miseaung ly i ang thau nai angam mang y theu i, mary ai katanmeuh nai Suria tavaimichi hawi vanrei, keaungngo atang nai risachi, tavai ka-richi niu. Ni ly Elisa teng y ali teang iy, “Achi ly rai bo! mana sa ai mo? napi.

2 ARENG KEH 7:4

Achi ly mary theung y kun baly kajeu kanglam y dei ai; hi y awm jo i py dei ai. Hunai deaungkho y achi ly Suria tavaimichi i Tai naira y phai chei u sina. Nichi my pahen baly heng ai; nichi my padei baly dei ai,” nanai arum u nai ne.

2 NENG SATANG 28:9

Oded napi nai Areng i amo ly Samari mary y awm nai ne. Ni ly tavai keung i vawi nai Israela tavaimi kamkawm ai mary apai katheu pa-khora lawh i, ni my, “Nangchi amsi pajochi i Areng Tameuh ly Juda khumichi ai kado theu nai deaungkho y, nichi ai nangchi my tiu ai nai pei nai ne. Na i py nangchi ly kado theu nai apatawn pajau y i, tamyh u lawh bo.

ESTHER 4:11

“Neampacho py ne sy, neampachy py ne sy, samrang palau y naimy samrang yhm theung, samrang teng y kun lawh nai khumi ai ly padei ai nai ne; hini ly reita ne nai deaungkho y samrang ai tau pei nai bangtangchi dengdairei, pri khu ka-peang tleirei y awm nai khumi bawibawichi pany u nai ne. Huni reita ai envui thai nai lam harei awm khyh; samrang my muku tivi talam pi lawh baly kun nai khumi ly tlang hengra nga ai. Na i py kai ai samrang my palau y nai lorei awm bo,” napi.

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

SAM 103:8

Areng ly tamen nai hawi pahen nai keung ne iy, paleung sau neaung hawi nai deaungkho y, khaw parai nai tamen naira hawimy kawi angym nai ne.

SAM 106:7

Kaichi i amsi pajochi ly Aikupta pri y Tameuh my sa nai lyh ai hawi parai nai ai pany thai y; nichi teng y avawvawrei, tamen nai sai patei pi nai ly tami u veng bo. Naibaly pangli kamsen sahawi y ati cheaungkhang sa thai nai keung ai tiu u nai ne.

SAM 119:156

Na i py aw Areng, nang i pahen naira ly len parai na i, pahen parai naimy kai ai atleu kyh ba.

SAM 130:4

Na i py nang ly kaichi i kamngochi palawi pi bo; hunaibaly kaichi ly nang teng y ahui kajeaung kaji nai ne.

SAM 130:7

Aw Israela, Areng i tamen naira ly khaw parai nai ne i, mymy ly atleu ai nai neng tleirei awm yb nai deaungkho y, mymy ai ym u.

SAM 5:7

Kaimy i vui nabaly, nang i tamen naira len parai nai kanga nai deaungkho y, nang i yhm theung y kun pajau; nang i Achura yhm kachai theung y chiu sa naimy nang ai tahm khai nai lu meung pajau.

SAM 69:13

Na i py kai i vui ly aw Areng, nang teng y chiu sa hnei takeng ai; nang i tamen naira len parai nai molam py, atleu pi ai nai nang i leu adeu nai molam py, kang hnei kang takeng nai tangai pi kyh ba. Aw Tameuh, aly ngai nai neng khala y, kai i chiu sa hnei takeng nai pathang pi kyh ba.

SAM 69:16

Aw Areng, nang i khaw parai nai tamen naira ly hawi nai deaungkho y, kai i hnei takeng nai tangai pi kyh ba; nang ly khri pa-rei pahen reng nai deaungkho y, kai mang y amhi iy khen kyh ba!

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

LEU KACHENG 12:10

Khumi kahawi ly my i tawnbawichi ai, hawihai palai kry reng; na i py khumi hawi y nai ly my i tawnbawichi ai pahyp y naimy ana reng nai ne.

ISAIA 46:7

Nichi ly huni tameuh ai paleang tleaung y apu iy syn i, meingtym tahyh u bo. Huni tameuh py mymy ai khai nai meingtym i asyh thai y naimy, angdo jo nai ne. Ni teng y khumi leaung leaungrei my chiu sa hnei takeng lawh teu i py, ni ly pathang pi thai y. Huni khumichi ai ka-jeira i nai py atleu pi thai y.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 63:15

Aw Areng, chai parai iy phum-ang angvang nai kani pri, napi nai, nangmy awm nai meingtym i dengdairei kaichi ai khen kathiu kyh ba. Kaichi i vui nang i paleung mawn hai nai ly ma y mo? Nang i sa thai naira ly ma y mo? Nang i tamen naira hawi pahen naira ly ma mang y mo? Kaichi ai khai su moh kyh ba.

ISAIA 63:7

Kai ly Areng i phra vai y nai tamen nai satang thui pi ai. Kaichi i vui sa pi nai atitichi molam y kapalo ai. Mymy ly mymy i tamen nai hawi pahen nai saho y, Israela chengchi teng y amtheaung naira kawi angym hai nai ne.

TANGAM NAI LEU 3:32

Mymy ly achi ai paleung si vo tangam naira ang pei teu i py, achi i tlang tleaung y ang pei nai pahen naira hawi tamen naira ly len parai nai ne.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

HABAKKUK 3:2

AwAreng, nang i sa nai leaungsaichi kai thai bo i, kai ly jei hyn naimy lyh na bo. Nang i sa nai nang parai nai saichi ly kaichi i deung y py, so pi teang kyh ba. Nang kado theu nai neng khala y py, pahen pi kyh ba.

JOHAN 12:27

“Vai kai paleung mawn parai; ati kathui ai mo hi ly? ‘Ngaai, hini neng y ly kai ai lawi hai kyh,’ napi ai mo? Na i py hina ai nai kai ly hini neng i vui katym nai tang.

PHILIPI 1:23

Na i py kai ly sala khaw y lawkhang naira y dawn nai pany y naimy kaawm jo jau nai teu, katako vui iy Krista teng y awm ai nai kangai parai naira awm nai deaungkho y; huni ly khi pa-rei hawi keh veng.

HEBRAI 10:31

Tameuh kangheng i kiu y tla ai nai ly atiti ka-jei awm parai nai ne.