1 NENG SATANG 21:12 - Khumi Common Language Bible

¹² “Samrang awi, saneng thomrei takang theu nai ngai a? Lo thomrei paleung ka-echi my preng iy haisau hawi tleh nai ngai a? Kani thomrei no kanghawi kamta, Areng i haisau hawi kani pri amtaw thauchi ai pato iy, Israela pri verei y tleh nai ngai a? Hunichi theung i mani ngai mo? Kai ly Areng teng y amti pi ai,” napi.

1 NENG SATANG 21:12 ပူးပေါင်းရင်းမြစ်များ

2 SAMUELA 21:1

Davida i peang nai thym khala y saneng thomrei ly khri pa-rei takang theu bo. Hunai deaungkho y Davida ly Areng teng y hnei takeng i Areng my, “Sawla ly Kibeon mary i khumichi ai padei nai molam y, ni hawi ni i yhm dengtheungchi ly khumi padei nai kamngo awm nai deaungkho y, hini patang naira tym nai ne,” napi.

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

2 ARENG KEH 19:35

Huni vum y Areng i kani pri amtaw thau leaungrei ly Asuria khumichi i tai naira mang y chei iy, tavaimi risa leaung 185,000reichi ai pajeng i, kani pa-nyh khawn mang ly huni khumi bawibawichi dei u nai ne.

2 ARENG KEH 8:1

Elisa ly mymy paheng pi teang nai deaungdi i amhm, Shunem mary i neampachy teng y, “Areng my pri verei y saneng saryhrei takang theu hai ai; hunai deaungkho y nang ly nangmy i yhm dengtheungchi hawi vanrei, meingtym takhra mang y ang pyn vui ba,” napi.

1 NENG SATANG 21:11

Kad ly Davida teng chei iy Areng i leu pei nai kamta amti pi nai ly

SAM 91:6

kaveng theung y amki reng nai no michi ai py, kanithun khala y dei hai thai nai ka-jeirachi ai py, jei hyn ai ny y.

THEU NAI 12:23

Areng my Aikupta chengchi ai padei ai nai Aikupta pri y amki prei nai khala y, mymy ly katheu lukau, katheu laibeaung y kaleu nai thi niu baly padei keung kani pri amtaw thau ai nangchi i yhm katlenhai vui ai. Nangchi ai ati sai py so hai y leang mang.

ISAIA 66:16

Mymy ly kamngo awm nai khumichi ai mai hawi mo, haisau hawi mo, pajeng ai. Huni khumichi ly dei u bebe ai.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 42:16

nangchi jei u nai tavai ka-jeira ly nangchi ai hiu iy ang kai pa ai. Nangchi mawn u nai tahum takang py, nangchi nithun ang hui ai. Hunaibaly nangchi ly Aikupta pri y dei u ai.

JEREMIA 47:6

‘Areng i Haisau awi!, nang ly mana tanrei kakra tleh veangveang ai mo? Nangmy i haisau keu theung y ahawn teang iy awm me jau bei!,’ nanai nangchi thui u nai ne.

TANGAM NAI LEU 4:9

Tavai keung y dei nai khumichi ly teicha teinei avaw iy, heng ai nai lam by y naimy, kajeu kanglam y dei dudu nai khumichi tleaung y hawi keh alam nai ne.

Levi 26:10

Nangchi i amti amjangchi pasu nai deaungkho y, sanengrei ka-cho aleu nai khyh chang y naimy, choh kangtha pai pateung ai ngai nai deaungkho y, choh kangngymchi aphi ai nai tla ai.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

LUKA 4:25

Meitang khyp kang thui pi, Elija awm khala ly saneng thomlo tariurei kani amdeng iy, pri y khrikhri pa-rei takang theu i, Israela pri y neampachy lumai neangneang awm;

AMTAW 12:23

Naibaly mymy ly Tameuh teng y palo naira pei y nai deaungkho y, Areng i kani pri i amtaw thau nai my ly tlenrei khyh my ni ai no hai iy kaleung my cha i dei bo.

Leu Thui Nai 28:15

“Vaini nangchi teng y kang thui pi nai Areng Tameuh i reita leu pei nai ngiereichi ai paleung hawi verei patawm u y baly, nangchi i tlangtleaung y hina nai taham si nairachi tym hai ai:

Leu Thui Nai 28:22

Areng ly nangchi teng y bau iy keaungno nai chym thai nai no-nachi tym hai ai. Kani khang nai, ali kabi aho nai pajengrachi deaungkho y, nangchi i amti amjangchi py phra ai. Nangchi myh kang ai nai pa-rei hini kamtangchi avum hai ai.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 28:27

Areng my Aikupta chengchi i tlang tleaung y tym hai nai kamta, nangchi i tlang tleaung y uisaluchi man hai ai. Mymy ly nangchi i tlang verei tapra hawi kamthachi man hai bi ai, na i py hunichi ly asi sa i py hawi ali ai ny y.

Leu Thui Nai 28:35

Areng my nangchi i kheuchi y hawi vai y nai angvawichi man hai ai; nangchi i tlang verei uisaluchi kawi biu ai.