1 NENG SATANG 19:3 - Khumi Common Language Bible

³ Ammon cheng miteaung kehchi my, “Davida ly samrang nang i ampo ai tahm khai nai molam, hini savaichi pato iy paleung si nai cha tha pi nai ne, nanai athang khai a? Ny y leang! Hini pri y kun iy peang vui ai nai molam, khen paviu ai nai khumi pato nai teu!” napi u.

1 NENG SATANG 19:3 ပူးပေါင်းရင်းမြစ်များ

2 SAMUELA 10:3

Ammon chengchi ai lu sa nai keungchi my mymychi i samrang teng y, “Davida ly ngampo ai tahm pasang ai nai i vui y, hini khumichi ai ang pato nai ne, nanai athang khai a? Ny y leang! Ni ly achi ai tiu pajau ai nai, mary i awm nai sai pany ai nai khen paviu nai keungchi kamta, nichi ai ang pato nai teu!” napi u.

1 NENG SATANG 19:2

Davida my, “Hanun i ampo Nahash ly ka-ym awm nai ahawi ka-dawi ne nai kamta, kai py ahawi ka-dawi ne, nanai amteng hai ai,” nanai thui iy, Hanun teng y paleung si ahawi nai cha, savaichi hawi tha pi nai ne. Savaichi ly Ammon pri y tym u nai khala, samrang Hanun teng y kun u bo.

1 NENG SATANG 19:4

Naibaly Hanun ly Davida i pato nai savaichi ai patiu iy, labeaung mui vau pi pawn. Nichi i ateaungchi py phaibeung ryrei o pi vui iy pato teang bo.

TARA CHIH NAI KEUNGCHI 18:2

Dan khumichi ly khu ka-peang hau ai nai, mychi cheng theaung yhm dengtheungra i, sa thai naira awm nai khumi leaung pangrei vawi iy, Zorath mary hawi Esatola mary i dengdairei pato bo. Nichi ly Ephraim pri mawitleaung mang y tym u nai khala ly Mikha i yhm y anga u.

1 SAMUELA 29:4

Na i py Philistia tavai luchi ly Akhisa ai kado theu i, “Huni khumi ai nangmy pei nai mary mang y pato teang; achi hawi vanrei tavai atiu naira y abang moh sy. Tavai atiu nai thym khala y, ni ly achi ai tiu tan tiu lym ai. Ni ly my i yhmkeung teng y vawi iy, meimai nga ai nai sa pajau nai lam ly achi i khumichi ai padei nai ny y baly takhra lam awm rai na a?

1 SAMUELA 29:9

Akhisa my, “Nang i leu ly teng parai; kai ly nang ai Tameuh i kani pri amtaw thau kamta, ka-ym awm nai khumi kang palawn nai ne. Na i py takhra samrangchi my nang ai kai hawi vanrei, tavai thau ai nai pei y.