1 NENG SATANG 18:4 - Khumi Common Language Bible

⁴ Davida ly huni samrang i tavai ka-ri sangrei, keaungngo atang nai risa leaung 7,000 rei hawi tavaimi risa leaung 20,000 reichi ai patiu nai ne. Ni ly tavai ka-ri chungvairei i vui aly ngai nai keaungngochi la vui chum baly, takhra keaungngochi ai ly kheu pakhaupe vui iy, kheu tabai hai vui bo.

1 NENG SATANG 18:4 ပူးပေါင်းရင်းမြစ်များ

ATITI AWM ANGCHEI NAI 49:6

Nini ly kado theu hawi i khumi ai tleh iy si kataichi i kheu ai pakhau peu atyhtyh nai deaungkho y, kai ly nini i sa pavui naira y abawi y ai; nini i leu ka-rumra y py abawi pi ai ny y.

2 SAMUELA 8:4

Davida my keaungngo risa leaung 1,700 rei hawi tavaimi leaung 20,000 reichi ai patiu nai ne. Samrang ly ka-ri chungvairei i vui y, keaungngo chungvairei patiu iy, huni bo i keaungngochi ai ly kheu tabai hai pawn bo.

1 ARENG KEH 10:26

Solomon ly tavai ka-ri 1,400 rei hawi keaungngo 12,000 rei awm nai tavaimi kamkawm py sa; phyreichi ai ly Jerusalem mary theung y khai iy, phyreichi ai ly mary takhra takhrachi mang y khai nai ne.

1 ARENG KEH 4:2

ni i bangtangchi ly anui mang ichi ne: Pathyp pi nai keung Zadok i chapo Azariah,

1 NENG SATANG 18:3

Hunaibaly samrang Davida ly Hamath mary sahawi y Zobah samrang Hadadeza ai tiu. Ati mana nai mo na baly Hadadeza ly Euphrat tavo tleaung mang i khu peang vui ai nai atho sa nai deaungkho y ne.

1 NENG SATANG 18:5

Damaska mary i Suria chengchi ly samrang Hadadeza ai sabawm ai nai tavaimi kamkawm harei pato u. Samrang Davida ly nichi ai tiu iy, khumi leaung 22,000 reichi ai padei nai ne.

SAM 20:7

Phyrei khumichi ly mychi i tavai ka-ri hawi keaungngochi ai a-ym u. Na i py achi ly achi i Areng Tameuh ai a-ym u nai ne.

Leu Thui Nai 17:16

Samrang ly my i tavaimichi i vui keaungngo neangneang khawn ai nai avo y. Areng my mymy i khumichi ai Aikupta pri mang y ali teang moh, nanai leu pei nai deaungkho y, samrang ly keaungngo van ai nai huni pri y khumi pato moh.

JOSUA 11:6

Areng my Josua teng y, “Nichi ai jei moh. Khawndam hini neng y kai ly nichi bawibawi ai, Israela chengchi i kiu y kadei au ai. Nang ly nichi i keaungngochi kheu athovui leu hai iy, tavai ka-richi ai mai leng pawn ai nai tla,” nanai leu pei bo.

JOSUA 11:9

Josua ly Areng my leu pei nai kamta, paleung ka-echi i keaungngo kheu athovuichi leu iy, tavai ka-richi ai mai leng pawn bo.