1 NENG SATANG 17:23 - Khumi Common Language Bible

²³ “Naibaly aw Areng, kai hawi kai i kangpreangchi i vui nang i adeu pi nai kamta, vaimy nang i kangai angym hai ba. Nangmy sa pi ai, nanai leu pei nai kamta, so pi jojo kyh ba.

1 NENG SATANG 17:23 ပူးပေါင်းရင်းမြစ်များ

ATITI AWM ANGCHEI NAI 32:12

Nang i chei naira tleirei y kaimy kang pahawi ai, pangli spryh kamta nang i kangpreangchi kang peung hai ai, nanai nangmy adeu nai leu ai ly pany pi jo kyh ba,” nanai takeng bo.

1 ARENG KEH 8:26

Hunai deaungkho y aw Israela chengchi i Tameuh, kai i ampo, nang i miseaung Davida hawi adeu nai kamta sa pi khyp ai nai kang takeng.”

1 NENG SATANG 17:22

Nang ly Israela chengchi ai nangmy i khumichi lawm hai jojo. Aw Areng, nang ly nichi i Tameuh lawm bo.

1 NENG SATANG 17:24

Nang i satang ly amthang ai. Khumichi my py, ‘Ati cheaungkhang sa thai nai keung Areng ly Israela cheng bawibawichi i Tameuh ne,’ nanai thui u jojo ai. Kai i samrang kangpreang py khaw hai jojo ai.

1 NENG SATANG 28:4

Areng napi nai Israela chengchi i Tameuh ly kai hawi kai i kangpreangchi ai Israela pri y peang jojo ai nai vawi takhra bo. Mymy ly lu sa pi ai nai Juda theaungchi ai vawi takhra pi. Juda pri y awm nai kai i ampo yhm dengtheungchi ai vawi takhra bo. Huni yhm dengtheungchi theung i kai ai patheu iy, Israela pri verei y peang ai nai pei.

2 NENG SATANG 1:9

Aw Areng Tameuh, nang ly kai i ampo teng y leu adeu nai ly khaw hai. Nang ly kai ai kati leila y na pa-rei nawi nai hini khumichi i samrang lawm hai bo.

SAM 119:49

Nang i miseaung kai teng y adeu nai ly pany pi jo kyh ba; huni leu ka-deu ly kai ai athang khai naira pei nai ne.

JEREMIA 11:5

Naibaly vai nichi awm naira, nang chawn hai nai hawi, khaileaung hawi iy amti amjang thawn hai nai pri, nichi i amsi pajochi teng y pei ai nai kaimy leu adeu pi nai py, khaw hai ai, nanai nichi teng y kaimy leu pei yb bo. Kaimy, “Ne, aw Areng,” napi.

LUKA 1:38

Naibaly Mari my, “Khen cham, kai ly Areng i miseaung nu ne, nang i leu kamta kai i tlang tleaung y tym sy,” napi. Naibaly kani pri i amtaw thau nai my ly mymy ai khai su bo.