1 NENG SATANG 17:22 - Khumi Common Language Bible

²² Nang ly Israela chengchi ai nangmy i khumichi lawm hai jojo. Aw Areng, nang ly nichi i Tameuh lawm bo.

1 NENG SATANG 17:22 ပူးပေါင်းရင်းမြစ်များ

ATITI AWM ANGCHEI NAI 17:7

Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai.

2 SAMUELA 7:24

Nang ly Israela chengchi ai deungtasarei, nangmy i khumi lawm hai bo. Aw Areng, nang ly nichi i Tameuh lawm bo.

1 ARENG KEH 10:9

Nang i Areng Tameuh ly nang parai nai awm sy! Mymy ly nang ai khri pa-rei tamen nai deaungkho y, Israela samrang y tahm pasang bo. Israela chengchi ai deungtasarei tamen nai deaungkho y, nichi ai leu meitang adyh adawi naimy peang ai nai, nang ai samrangra y palyn nai bo,” napi.

1 NENG SATANG 17:21

Khaileaung pri y Israela chengchi hawi atawm nai khumi cheng by y. Nichi ly nangmy i khumichi lawm ai nai miseaung i nai atleu pi bo. Nichi i vui nang i sa pi nai atitichi molam y, amyn amthang nai ly khaileaung pri verei y ahei nai ne. Nang ly nangmy i khumichi ai Aikupta pri i dengdairei atleu iy, nichi theu u nai khala, cheng takhra khumichi ai paryh pawn bo.

1 NENG SATANG 17:23

“Naibaly aw Areng, kai hawi kai i kangpreangchi i vui nang i adeu pi nai kamta, vaimy nang i kangai angym hai ba. Nangmy sa pi ai, nanai leu pei nai kamta, so pi jojo kyh ba.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

1 SAMUELA 12:22

Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.