1 NENG SATANG 17:13 - Khumi Common Language Bible

¹³ Kai ly ni i ampo lawm ai. Ni py kai i chapo lawm ai. Kai ly nang ai samrang palyn ai nai Sawla ai paheng vui iy, kai i kasabawmra vym vui nai kamta, nang i chapo teng i vym pi vui ai ny y.

1 NENG SATANG 17:13 ပူးပေါင်းရင်းမြစ်များ

1 ARENG KEH 11:36

Na i py Solomon i chapo ai ly cheng harei peang ai nai kapei pi ai. Hina nai kamta pei nai ly kai ai chiu nai meingtym lawm ai nai, kaimy vawi takhra nai Jerusalem mary y, kai i miseaung Davida i katu chanauchi samrang lawm nai avaw hai y ai nai ne.

1 NENG SATANG 10:14

Areng teng y adeng ahui ai nai tleaung y ly khumi kadeichi i phailo hawi amkawm lawh nai ne. Hunai deaungkho y Areng ly Sawla ai padei iy, ni i pri ly Jese i chapo Davida ai peang hai nai ne.

1 NENG SATANG 17:12

Ni ly kai i vui Achura yhm sa pi ai. Kai py ni i samrang kangpreang khaw hai jojo ai.

1 NENG SATANG 17:14

Kai i khumi hawi kai i pri y kry jojo ai nai, ni teng y au ai. Ni i samrang kangpreang ly mana khala py avaw vui ai ny y,’ nanai thui pi,” nanai Nathan teng y leu pei nai ne.

SAM 2:12

Jei hyn naimy mymy i mo y lu meung u; huna nai so y baly mymy ly kado theu nai deaungkho y nangchi ly dei u takengkei ai. Mymy teng y ahihawi naimy abyh nai khumi bawibawichi ly taham hawi u nai ne.

SAM 2:7

Samrang my, “Areng i amteng hai naichi kaimy thai hai ai; mymy ly kai teng y, “Nang ly kai i chapo ne; vaini my kai ly nang i ampo lawm bo.

ISAIA 55:3

“Kai i khumichi awi, kai i leu tangai iy, kai teng y jeu u. Hina nai kamta sa baly nangchi ly hengra nga u ai! Kai ly nangchi hawi deungtasarei leu maikawm asa iy, Davida teng y adeu nai amtheaung nairachi ly nangchi teng y kang pei ai.

LUKA 1:32

Mymy ly khumi kalen lawn ai i, salo kangteng i Chapo napi ai; Areng Tameuh my mymy i amsi Davida i areng atehra ly pei ai;

LUKA 9:35

Naibaly khupanym theung i nai raawi theu i, “Hini ly kai i Chapo, kai i vawi nai ne; mymy i leu tangai u,” napi.

JOHAN 3:35

Ampo my Chapo ai tamen i, ati cheaungkhang bawibawi ai ly ni teng y au bo.

II KORINTH 6:18

Hunaibaly kang kawn u ai i, Nangchi i vui Ampo kang lawn ai. Nangchi py kai i vui chapo chaniuchi lawn u ai,” nanai ati cheaungkhang sa thai nai Tameuh my ly napi.

HEBRAI 1:5

Ati mana nai mo nabaly Tameuh ly, “Nang ly kai i Chapo ne, Vaini ly kang lawn hai bo,” napi nai hawi, Kai ly ni i vui Ampo lawn ai i, Ni ly kai i vui Chapo lawn ai,” nanai kani pri i amtaw thau naichi theung y ami teng y thui vai mo?

1 SAMUELA 15:28

Samuela my ni teng y, “Areng ly vaini my Israela pri ai, nang teng i nai la vui iy nang tleaung y hawi keh nai khumi leaungrei i kiu y au veng bo.