1 NENG SATANG 16:40 - Khumi Common Language Bible

⁴⁰ Nichi ly Israela chengchi ai Areng my pei nai reita ra y tajiu nai kamta, kani tleirei khawn mang y tlenrei, dym mang y tlenrei, maicham salo y bom verei leng patlum u bo.

1 NENG SATANG 16:40 ပူးပေါင်းရင်းမြစ်များ

2 SAMUELA 8:17

Ahitub i chapo Zadok hawi Abiatha i chapo Ahimelek nini ly pathyp pi nai keungchi ne. Seraiah ly samrang yhm i secretary ne.

1 ARENG KEH 18:29

Nichi ly kani dym nanai pa-rei tao pajeng parai naimy, aeu u teu i py pathang pi y, ati katyn py thai u y nai ne.

2 NENG SATANG 2:4

Kai ly kaimy i Areng Tameuh ai chiu ai nai Achura yhm sa ai. Huni Achura yhm ly kai hawi kaimy i khumichi chiu sa ai nai meingtym lawm ai. Huni Achura yhm theung y rimui mui katuichi leng patlum iy, khai takhra nai tako avawrei talam naimy, dym tlei, khawn tlei, anawn kani, lo si pawi kani hawi kaichi i Areng Tameuh ai tahm pasang nai takhra kani kachaichi neng khala, leng patlum nai kapathyprachi talam ai nai ne. Areng ly Israela khumichi teng y hina nai kamta sa jojo ai nai leu pei bo.

2 NENG SATANG 31:3

Samrang ly Areng i Reita leu y awm yb nai kamta, kani tleirei khawn mang py, dym mang py, anawn kani, lo si pawi kani hawi takhra pawi kanichi khala y leng patlum ai nai aly ngai nai si hawi beramchi ai, mymy hai theung i pei pi nai ne.

EZARA 3:3

Pri palara i vawi u ali teang nai khumichi ly huni pri y awm nai takhra chengchi ai jei u teu i py, meingtym kangngymra y maicham sa u teang bo.

DANIELA 9:21

Kai ly huna nai kamta chiu sa nai thym khala y, vaichi khala amteng hai naira y niu nai Kabriela ly kai i awm naira y angkheang kathiu bo. Huni neng ly dym mang i apathyp nai neng ne.

Levi 9:17

Naibaly ni ly teicha teinei katalamra i tako dei angsorei la iy, maicham tleaung y leng patlum bo. (Hini ly kani tleirei leng patlum nai kapathypra bo y sa panawi bi nai katalamra ne).

AMOS 4:4

Sa thai naira angym nai Areng my leu pei nai ly “Aw Israela khumichi awi, Bethela i kachai meingtym mang y chei iy, kamngo so u! Kilakala mary mang y chei iy khri pa-rei kamngo so u! Apathyp ai nai tawnbawichi khawn tleirei syn u. Kani thomrei y kanirei, nangchi i ko nai horei y harei syn u.