1 NENG SATANG 16:29 - Khumi Common Language Bible

²⁹ Nang parai nai keung Areng i amyn palo u. Katalamra syn naimy mymy i Achura yhm y kun u. Chai parai nai keung ang jeu nai khala lu meung u.

1 NENG SATANG 16:29 ပူးပေါင်းရင်းမြစ်များ

1 NENG SATANG 16:28

Khaileaung pri khumi bawibawichi awi, Areng ai palo u; mymy i nang parai nai hawi sa thai naira ai palo u.

1 NENG SATANG 16:30

Khaileaung pri khumi bawibawichi awi, mymy i mo y jei hyn u! Khaileaung pri ly asyh pajau y na pa-rei, my i meingtym y anui cheng bo.

2 NENG SATANG 20:21

Samrang ly khumichi hawi leu adeng ahui pajau baly, katyn kapau beu kawp nai phyreichi ai khai takhra nai pawi kani khala, amthyp reng nai ateaungchi amthyp hai i, tavaimi kamkawmchi mo mang lyn hai iy, “Areng ai ly palo u! mymy i tamen nai ly deungtasarei ne!,” nanai khulym thui u ai nai leu pei bo.

SAM 100:4

Kawn nai leu thui nai tarawi y, Achura yhm katheu pa-kho theung y kun u; palo nai tarawi y apai theung i ly-um y kun u. Mymy teng y kawn nai leu thui iy mymy ai palo u.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

SAM 29:1

Aw kani pri chochi awi, Areng ai ly palo u. Mymy i nang parai nai hawi sa thai naira ai palo u.

SAM 29:2

Nang parai nai hawi angym nai Areng amyn palo u. Chai parai nai keung ang jeu nai khala y, mymy i mo y lu meung u.

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

SAM 72:15

Samrang ly heng sau sy! Arabia pri i mukuchi langseaung ngo sy; khumichi ly samrang i vui y avawrei chiu so pi u sy; Tameuh ly samrang ai amtheaung naira pei jojo sy.

SAM 95:2

Kawn nai leu thui naimy mymy i mo y chei u sina; amo theu parai naimy palo nai khulymchi thui u sina.

SAM 96:6

Phum-ang hawi tahm asang nai sai ly mymy ai taki naimy awm bo; sa thai naira hawi apu parai naira ly Achura yhm y awm nai ne.

SAM 96:7

Khaileaung salo y awm nai khumi bawibawichi awi, Areng ai palo u; mymy i nang parai naira hawi sa thai naira ai palo u.

SAM 96:9

Chai parai nai keung ang jeu nai khala y, mymy i mo y lu meung u; khaileaung pri khumi bawibawichi awi, mymy i mo y jei kaji u!

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

Ezekiela 24:25

Areng my, “Nang khumicho awi, vai kai ly nichi i amlyh ai naira, paleung amo theu ai naira lawm nai khaw parai nai Achura yhm ai nyn kava vui ai. Nichi ly huni Achura yhm khen ai nai hawi, huni Achura yhm mang y chei ai nai ngai u bo. Nichi i cho chanauchi ai py la pi vui ai.

Ezekiela 7:20

Vaichi khala huni khumichi ly mymychi i apu parai nai vang kateng lengseaungchi molam y, amlyh am-e u teu i py, hunichi ai amso ngai hawi nai mynchi sa naira y teaung be bo. Hunai deaungkho y Areng ly nichi ai, huni vang katengchi ly nichi i vui chai y nairachi lawm hai bo.

AMTENG HAI NAI 7:12

naibaly nichi ly areng atehra mo y ambeu u i, “Amen: Amtheaung naira hawi, nang parai naira hawi, cheng naira hawi, kawn naira hawi tahm pasang naira hawi sa thai naira hawi, ham naira py achi i Tameuh teng y deungtasarei awm jojo sy. Amen,” nanai Tameuh ai chiu u bo.

1 SAMUELA 6:5

Huna nai y uisalu i myn, nangchi i pri ai taphra nai paju mynchi sa iy, Israela chengchi i Tameuh ai tahm khai nai hawimy, palo ai nai tla. Mymy ly nangchi hawi nangchi i tameuhchi ai py, nangchi i pri ai py, pajeng nai ly anawn hai lym ai mang.