1 NENG SATANG 15:29 - Khumi Common Language Bible

²⁹ Pawm ai mary theung y angjeaung nai thym khala, samrang Sawla i chaniu Mikhala ly thaibeng pa-kho mang khen i, amo theu parai naimy lam nai samrang Davida ai niu nai ne. Huna nai khala ni ly samrang i tlang tleaung y kaji paso bo.

1 NENG SATANG 15:29 ပူးပေါင်းရင်းမြစ်များ

2 SAMUELA 6:16

Pawm ai mary theung y angjeaung u nai thym khala y, Sawla i chaniu Mikhala ly thaibeng pa-kho mang angdeang i, samrang Davida ai achaw naimy lam nai niu baly, samrang ai kaji hai bo.

1 NENG SATANG 15:28

Huna nai kamta Israela cheng bawibawichi ly amo theu parai naimy aeu iy, bawchi, sa-rachi hawi tarochi beu naimy, Jerusalem mary mang y Leu Maikawm Pawm angjeaung u nai ne.

1 NENG SATANG 17:1

Vai ly samrang Davida ly mymy i yhm y awm nai ne. Kanirei nai khala ni ly amo Nathan ai palau iy, “Kai ly saitleang keung hawi sa nai yhm y awm. Tameuh i Leu Maikawm Pawm ly tai theung y awm nai ne!” napi.

SAM 149:3

Lam nai hawimy mymy i amyn palo u; atymchi hawi tarochi beu naimy mymy ai palo u.

SAM 150:4

Atymchi beu iy lam naimy mymy ai palo u. Tarochi, byhlyhchi hawi mymy ai palo u.

SAM 30:11

Nang ly kai ai paleung mawn naira i nai amo theu naimy lam hai bo. Kai i paleung si nai ka-ma-ra paisiu aleng iy, amo theu nai ka-ma-ra ateaung amthyp ai nai pei bo.

THEU NAI 15:20

Aron i tuicho amo Miriam ly atym tava iy beu bo; takhra neampachy bawibawichi py atym beu iy lam naimy, ni i nithun abang u nai ne.

Parip nai leu 3:4

Paleungsi ai nai neng hawi amo theu ai nai neng py, vo tangam ai nai neng hawi lam ai nai neng py,

JEREMIA 3:16

Naibaly nangchi ly huni pri y khumi neangneang peung nai khala y, khumichi ly kai i Leu Maikawm Pawm satang, thui u, dawn u, pany u ai ny y. Huni Leu Maikawm Pawm ai aly ngai u ai ny y. Pawm takhra ly sa u ai ny y.

JEREMIA 30:19

Huni meingtym y awm nai khumichi ly palo nai khulym thui u iy, nichi ly amo theu naimy aeu u ai. Kai ly nichi ai khumi peung hai ai i, tahm kapasang ai.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

Kati Nai 10:33

Khumi mipuichi ly Sinai mawi kachai dengdairei theu iy, kani thomrei ka-teng tako u bo. Nichi ai tai naira meingtym pei ai nai Areng i Leu Maikawm Pawm ly nichi i momang y tako hai jojo.

AMTAW 2:13

Na i py phyreichi my ly panui hai lawh i, “Kreip athai hang kangtha pavui nai na a hi ly,” napi.

I KORINTH 2:14

Tlang mang y asa nai khumi ly Tameuh i phailo mang i atitichi ai ly kawn y leang; ni i vui ly pathu naira ne; hunichi ai Phailo mang y dawn pasym nai ne nai deaungkho y mymy ly pipi pany pajau y.

II KORINTH 5:13

Ati mana nai mo nabaly kaichi ly pathu iy py Tameuh i vui ne; kaichi ly cheng iy py nangchi i vui ne.

Leu Thui Nai 31:26

“Tameuh i reita leu pei nai cha-iu lo u ly nangchi i Areng Tameuh i Leu Maikawm Pawm sahawi y khai u; huni cha-iu ly mymy i khumichi i vui y pany ai hawi nai ka-ma-ra ne i, huni meingtym y awm jo ai nai tla.

HEBRAI 9:4

hunira y ly rimui pakhyh nai muku laawm hawi, muku bih nai leu mailkawm pawm py awm: huni theung y Manna awm naira muku laawm hawi, Aron i cheaungvawi ampho nai hawi leu maikawm lengseaung phei nyhrei py awm.

JOSUA 4:7

nangchi my Areng i Leu Maikawm Pawm Jordan tavo angpeang hai nai thym khala y, tavo tui leaung nai anawn vui nai sai thui pi ai nai tla; hini lengseaungchi hini meingtym y awm lawh nai sai ly Israela chengchi ai avawrei pany hai jo ai,” napi.

TARA CHIH NAI KEUNGCHI 20:27

Huni neng khala y Areng i Leu Maikawm Pawm ly Bethela mary y awm nai ne. Huni Pawm ai ly Aron i katu, Eleaza i chapo Phineha my kry. Khumi mipuichi my Areng teng y, “Kaichi ly kaimychi i amnau Benjamin cheng theaungchi ai vai, chei bi iy tiu ai a? tiu y ai bo a?” nanai deng u. Areng my, “Tiu u, khawndam ly kaimy nangchi ai, nichi i tlang tleaung y kang eaung hai ai,” nanai pathang.

1 SAMUELA 25:44

Hina nai thym khala y Sawla ly Davida i aju kangngym, mymy i chaniu Mikhala ai Kalim mary y awm nai Laisa i chapo Paleti teng y deaung paseng chum veng nai ne.

1 SAMUELA 4:3

Dei y nai tavaimichi ly tai nai meingtym y tym u teang nai khala, Israela lu sa nai keungchi my, “Areng ly ati mana nai deaungkho y, vaini achi ai Philistia chengchi teng y sum hai lawh mo? Achi ly Siloh mary y awm nai Areng i Leu Maikawm Pawm lo u sina; naibaly mymy ly achi hawi vanrei chei ai i, paleung ka-echi teng i nai achi ai atleu ai,” nanai thui u bo.