1 NENG SATANG 15:16 - Khumi Common Language Bible

¹⁶ Samrang Davida ly Tarochi, sa-rachi beu iy amo theu ai hawi nai khulymchi thui ai nai, Levi theaung bawibawichi teng y kalop pei ai, nanai nichi i luchi teng y leu pei bo.

1 NENG SATANG 15:16 ပူးပေါင်းရင်းမြစ်များ

1 NENG SATANG 13:8

Davida hawi Israela mipuichi ly khri pa-rei lam u iy, Tameuh ai tahm pasang naimy tako u bo. Nichi ly khulym thui iy taro, atym, sa-rachi beu i bawchi eng u.

1 NENG SATANG 15:12

nichi teng y, “Nangchi ly Levi theaungchi i luchi ne. Kai i sa yb nai meingtym ra y, Israela chengchi i Areng Tameuh i Leu Maikawm Pawm angjeaung hai ai nai, nangchi ly nangmychi ai py, nangchi i amjo amnau Levi theaungchi ai py, kachai aso hai u.

1 NENG SATANG 16:42

Palo nai khulym thui nai thym khala, Heman hawi Jeduthun nini ly baw, sa-ra hawi takhra katyn kapauchi beu naira py lu sa. Jeduthun nupai theung i khumichi ly katheu pa-kho typ naichi ne.

1 NENG SATANG 16:5

Nichi i luchi ly Asap ne iy ni i bangtang ly Zekhariah ne. Naibaly Jeiela, Shemiramot, Jehiela, Matithia, Eliaba, Benaia, Obed Edom hawi Jeielachi ly tarochi beu u. Asap ly sa-ra thip iy,

1 NENG SATANG 23:5

Khumi leaung 4,000 reichi ai ly katheu pa-kho typ nai kalop pei iy, takhra leaung 4,000 reichi ai ly samrang my pei nai katyn kapauchi hawi Areng ai palo ai nai kalop pei nai ne.

1 NENG SATANG 6:16

Levi ly Kerashon, Kohath hawi Merari napi nai chapo leaung thomrei awm.

2 NENG SATANG 20:19

Kohath hawi Korah nupaichi theung i Levi theaungchi ly angdo iy, Israela chengchi i Areng Tameuh teng y tao pajeng parai naimy chiu sa u bo.

2 NENG SATANG 30:12

Samrang hawi miteaung kehchi i leu pei nai tangai u nai kamta, khumichi ly adyh adawi naimy leu atangai ai nai, Tameuh ly Juda khumichi i paleung amtlau hai nai ne.

2 NENG SATANG 7:6

Pathyp pi nai keungchi ly mymychi i vui khai pi nai meingtym ra y angdo u bo. Levi theaungchi ly pathyp pi nai keungchi hawi mo atha naimy angdo iy, samrang Davida i sa nai katyn kapauchi hawi Areng ai palo u. Samrang Davida i sa yb nai kamta, “Mymy i tamen naira ly deungtasarei ne,” nanai khulym thui u nai ne. Khumi bawibawichi angdo nai thym khala, pathyp pi nai keungchi ly bawchi eng u bo.

NEHEMIA 12:27

Jerusalem mary apai khai takhra nai khala y, Levi theaungchi ly amo theu parai naimy kawn nai leu thui nai khulymchi thui iy, sa-ra hawi tarochi beu naimy abawi u ai nai, nichi awm nai meingtymchira i dengdairei hawi u bo.

NEHEMIA 12:36

Ni i nithun y ly my i nupai Shemaiah, Azarela, Milalai, Kilalai, Maai, Nethanela, Juda hawi Hananichi ly Tameuh i khumi samrang Davida my beu nai katyn kapau ateaungchi syn iy abang u. Reita leu kawp nai Ezara my, hini khumichi amki naira y lu sa.

NEHEMIA 12:43

Huni kani y kapathyprachi neangneang talam u bo. Tameuh my amo theu ai nai pei nai deaungkho y, khumichi ly amo theu u nai ne. Nichi hawi vanrei, neampachychi hawi deaungdichi py abawi u i, nichi i amo theu nai raawi katyn ly kamlo mang my py thai nanai ne.

NEHEMIA 12:46

Jangni khala y samrang Davida hawi katyn kapau beu kawp nai Asap nini deung i dengdairei amteaung nai, Tameuh teng y kawn nai leu thui nai khulym ly katyn kapau beu kawp nai keungchi my lu sa iy, thui u bo.

SAM 100:1

Aw khaileaung pri i khumi bawibawichi awi, khulym thui naimy Areng i nang parai nai ai palo u!

SAM 149:3

Lam nai hawimy mymy i amyn palo u; atymchi hawi tarochi beu naimy mymy ai palo u.

SAM 150:5

Sa-rachi thip iy mymy ai palo u; raawi amsau nai sa-rachi thip iy, mymy ai palo u.

SAM 81:1

Achi ai ama hai nai keung napi nai Tameuh ai amo theu parai naimy palo u; Jakob i Tameuh ai palo nai khulym thui pi u.

SAM 81:3

Losi kani hawi lo-um kani pawi sa ai nai molam baw eng u.

SAM 87:7

Huni khumi bawibawichi ly lam naimy, “Zion mawi ly achi nga nai amtheaungra bawibawi i sangum ne,” nanai khulym thui u nai ne.

SAM 95:1

Jeu u, Areng ai palo u sina! Achi i abyh naira Tameuh i nang parai nai ai amo theu parai naimy khulym thui u sina!

THEU NAI 15:20

Aron i tuicho amo Miriam ly atym tava iy beu bo; takhra neampachy bawibawichi py atym beu iy lam naimy, ni i nithun abang u nai ne.

ISAIA 49:23

Samrangchi ly ampo kamta nangchi ai ang kry iy, samrangnuchi ly amhm kamta pacho panei ai. Nichi ly lu meung naimy nang ai chiu u ai. Nichi ly tahm apanem naimy, nang ai tahm khai nai sai patei ai. Huna nai khala y kai ly Areng ne, nanai nangchi pany u ai. Kai i kasabawmra ajeng nai ngiereichi ly paleung phra ai ny y,” napi.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

AMOS 6:5

Nangchi ly Davida kamta khulymchi adih iy, tarochi beu naimy khulym thui ai nai ngai u.

AMTAW 14:23

Naibaly palau takhra kamkawm tleirei y miteaung keh khai pi i, biu hai nai tarawi y chiu sa nai pajau kha y mymychi i ym nai Areng teng y au hai.

II TIMOTHEI 2:2

Naibaly pany nai keung neangneangchi i mo y kai labeaung i leu atiti nang thai nai ly ka-ym awm nai khumi, khumi takhrachi ai patiu pateang pajau ai naichi teng y au.

TITA 1:5

Kai i leu pei nai kamta ly, nang ly vai khrairei nichi i angym pa-rei so y naichi sa hai thai ai nai hawi, avang tleirei y miteaung kehchi ai vawi takhra ai nai py Krit tlawn y kang daw pi bo;