1 NENG SATANG 15:12 - Khumi Common Language Bible

¹² nichi teng y, “Nangchi ly Levi theaungchi i luchi ne. Kai i sa yb nai meingtym ra y, Israela chengchi i Areng Tameuh i Leu Maikawm Pawm angjeaung hai ai nai, nangchi ly nangmychi ai py, nangchi i amjo amnau Levi theaungchi ai py, kachai aso hai u.

1 NENG SATANG 15:12 ပူးပေါင်းရင်းမြစ်များ

1 NENG SATANG 15:1

Davida ly mymy i vui yhmchi Jerusalem mary y sa bo. Tameuh i Leu Maikawm Pawm i vui py, meingtym hareira y Tai harei sa.

1 NENG SATANG 15:14

Huna nai khala pathyp pi nai keungchi hawi Levi theaungchi ly Israela chengchi i Areng Tameuh i Leu Maikawm Pawm tapyn ai nai mymychi ai apachai u bo.

1 NENG SATANG 15:3

Hunai deaungkho y Davida ly Leu Maikawm Pawm angjeaung ai nai Jerusalem mary y Israela khumichi ai pangym achu bo.

1 NENG SATANG 16:1

Nichi ly Leu Maikawm Pawm ai samrang Davida my sa rym nai tai mang y angjeaung iy, huni tai theung y khai u bo. Naibaly leng patlum nai katalamra hawi amkawm nai katalamrachi Tameuh teng y talam u.

1 NENG SATANG 24:31

Mymychi i amjo amnau Aron i kangpreang pathyp pi nai keungchi i sa nai kamta, yhm dengtheung tleirei i lu sa naichi hawi huni yhm dengtheung i amnau leaungrei ly tambe va iy kalopchi sa u nai ne. Hina nai sa naira y samrang Davida, Zadok, Ahimelek hawi pathyp pi nai keungchi i yhm dengtheung luchi hawi, Levi theaungchi i yhm dengtheung luchi ly pany hai naichi ne.

1 NENG SATANG 9:34

Salo mang i pany hai nai cheng theaungchi ly mymychi amsi pajo kangpreang charangra y, Levi yhm dengtheung luchi ne. Nichi ly Jerusalem mary y awm nai miteaung kehchi ne.

2 NENG SATANG 1:2

Samrang Solomon ly khumi leaung sangrei kamkawm, leaung chungvairei kamkawmchi ai lu sa ai nai tavailu arengchi, miteaung kehchi, yhm dengtheung luchi hawi khumi mipuichi teng y,

2 NENG SATANG 1:4

(Na i py Leu Maikawm Pawm ly Jerusalem mary y awm. Huni Pawm ai samrang Davida ly Kiria Jarim mary i dengdairei la iy, mymy i sa nai taichyra y khai nai ne.)

2 NENG SATANG 30:15

Naibaly nichi ly lo si kani holai palyhrei kani y Katlen Vui Nai apathyp ai nai i vui y beramchi tleh u. Reita leaungsaira awm nai kamta kachai aso y nai pathyp pi nai keungchi hawi Levi theaungchi ly khri pa-rei kangji nga u i, Areng teng y kachai sau teang nai deaungkho y, vai ly Achura yhm theung y leng patlum nai kapathyprachi talam u pajau nai ne.

2 NENG SATANG 35:6

Nangchi ly Katlen Vui nai beramchi, mi-ichi tleh ai nai tla. Vai, nangmychi ai Reita leaungsai kamta kachai sa iy, Mosi dengdairei Areng i leu pei naichi teaung u patawm ai nai kapathyprachi angvei u rym,” napi.

2 NENG SATANG 5:11

Pathyp pi nai keung bawibawichi ly mani kamkawm theung y abawi i py ne sy, mymychi ai aau chum naichi ne. Levi theaung katyn kapau beu kawp naichi napi nai Asap, Heman, Jeduthun hawi nichi nithun abang naichi ly ateaung kangleung amthyp iy, sa-rachi, tarochi syn naimy, baw eng nai pathyp pi nai keung leaung 120 reichi ly nichi hawi vanrei, maicham nisi mang y angdo u bo. Khulym thui nai khumichi ly baw katyn, sa-ra katyn hawi takhra katyn kapau katynchi hawi raawi kamlym, Areng ai palo nai khulym thui u nai ne. Nichi my, “Areng ly hawi nai deaungkho y palo u, mymy i tamen naira ly deungtasarei ne,” nanai thui u bo. Pathyp pi nai keungchi Achura yhm i dengdairei theu u nai khala, Achura yhm ly vaimy tamai kawi miu na i, Areng i phum-ang angvang nai deaungkho y, nichi i chiu sa achu nai ly anawn na veng bo.

2 NENG SATANG 5:2

Naibaly samrang Solomon ly Leu Maikawm Pawm ai Zion napi nai Davida mary i dengdairei angjeaung ai nai, Israela cheng theaungchi hawi nupai lu bawibawichi ai Jerusalem mary y angym ai nai palau bo.

NEHEMIA 13:22

Anawn kani y chai hai ai nai molam Levi theaungchi teng y, amymy ai apachai chum baly mary apai katheu pa-kho mang y chei iy typ ai nai kaimy leu kang pei bo. Aw Tameuh, hini molam y py dawn iy, kai ai pany jo ba; ati mana nai mo na baly tamen naira len parai nai hawimy, kai ai pahen ba.

ISAIA 52:11

Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi ai kiu hawi py, abi u dei moh. Nangmychi ai apachai iy, mary i nai theu u.

Ezekiela 48:11

Hini meingtym kachai ly Zadok i kangpreang pathyp pi nai keungchi i vui lawm ai nai tla. Nichi ly kai i kalopra ka-ym awm parai naimy sa u nai ne. Takhra Israela chengchi lam tamang u nai khala nichi ly Levi khumichi kamta lam tamang u y.

JOHAN 17:17

Nichi ai leu meitang y khai takhra ba, nang i leu ly leu meitang ne.