1 NENG SATANG 14:11 - Khumi Common Language Bible

¹¹ Hunaibaly Davida ly Bala Perazim mary y, Philistia chengchi ai tiu i eaung bo. Davida my, “Areng ly paleung ka-e tavaimichi ai tavo tui lem hai heu iy taphra nai kamta, kai ai teaung iy taphra bo,” nanai thui. Na i py huni meingtym ai Bala Perazim mary, nanai amyn pathi u nai ne.

1 NENG SATANG 14:11 ပူးပေါင်းရင်းမြစ်များ

2 SAMUELA 5:20

Naibaly Davida ly Bala Perazim mary mang y chei i, Philistia chengchi ai tiu nai pajau chum baly, Areng ly tavo tui kaho lem hai heu nai kamta, kai i paleung ka-echi ai panawi bo,” nanai thui. Hunai deaungkho y huni meingtym ai ly Bala Perazim, nanai amyn pathi nai ne.

1 NENG SATANG 14:10

Davida my, “Kaichi ly Philistia chengchi ai tiu ai a? Nang ly kaichi ai eaung hai ai a?,” nanai Tameuh teng y deng bo. Areng my, “Tiu ba! Kai ly nang ai eaung hai ai!,” napi.

1 NENG SATANG 14:12

Philistia chengchi ly mymychi chiu nai mynchi ai, huni meingtym y daw u su. Davida my py hunichi ai mai leng vui ai nai leu pei.

JOBA 30:14

Nichi ly kai i amtangra phra vui nai meingtym mang dengdairei ang kun iy, kai ai athorei my ang tiu u bo.

SAM 144:1

Kai i lengseaung pui lawm nai Areng ai ly palo u! Mymy ly kai ai tavai atiu ai nai ang patiu pi; tavai thau nai sai py patiu pi nai ne.

SAM 144:10

Nang ly samrangchi ai tavai eaung ai nai pei pi; nang i miseaung Davida ai atleu bo.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

THEU NAI 14:28

Pangli theung mang Israela chengchi ai hui u nai Aikupta tavai michi, ka-ri lu sa naichi, tavai ka-richi ai py um hai chauchau i, leaungrei py tleaung y dei be nai ne.

ISAIA 28:21

Areng ly Perazim mawi hawi Kibeon leaunghawira y sa nai kamta tavai thau ai. Mymy ly mymy i sa ai awm nai kalop amcheang pa-rei sa ai. Huni kalop ly aneng parai nai ne.

MATTHAI 7:27

naibaly kani py nai, tui py len, ali py theu i huni yhm ai ly khri pa-rei hm na: naibaly anawi bo: naibaly huni i anawi seaungkhrang nai ly ka-teng ny y,” napi.